Sahib Daşdəmirov
Sahib Daşdəmirov | |
---|---|
Şəxsi məlumatlar | |
Doğum tarixi | |
Doğum yeri | Nərimanov, Bakı, Azərbaycan |
Vəfat tarixi | (27 yaşında) |
Vəfat yeri | Veysəlli, Xocavənd , Azərbaycan |
Dəfn yeri | II Şəhidlər Xiyabanı |
Vətəndaşlığı | Azərbaycan |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 2016—2023 |
Rütbəsi | Baş leytenant |
Təltifləri |
Sahib Daşdəmirov — Azərbaycan Silahlı Qüvvələrinin baş leytenantı[1]. 2023-cü ildə Qarabağda keçirilmiş antiterror əməliyyatında şəhid olub[1].
Xidmət etdiyi müddətdə "Vətən uğrunda" medalı və 3-cü dərəcəli "Vətənə xidmətə görə" ordeni ilə təltif olunub[2].
Bakı şəhərində, II Şəhidlər Xiyabanında dəfn edilib[2].
Həyatı[redaktə | mənbəni redaktə et]
Daşdəmirov Sahib Natiq oğlu 1995-ci il mayın 6-da Bakı şəhəri, Nərimanov rayonunda anadan olub[3]. Əslən Bolnisi rayonunun Saraçlı kəndindəndir[4]. 2001-2008-ci illərdə Nərimanov rayonu 202 nömrəli məktəbdə təhsil alıb[5]. 2009-cu ildən təhsilini Cəmşid Naxçıvanski adına hərbi liseydə davam etdirib. Buranı bitirdikdən sonra 2012-ci ildə Heydər Əliyev adına Azərbaycan Ali Hərbi Məktəbinə daxil olub. 2016-cı ildə təhsilini tamamladıqdan sonra Azərbaycan Silahlı Qüvvələrində xidmətə başlayıb[3].
Döyüş yolu[redaktə | mənbəni redaktə et]
2016-cı il iyunun 23-dən 2017-ci ilin avqustun 30-a qədər Şəmkirdə yerləşən hərbi hissədə snayper tağımında, 2017-ci il avqustun 30-dan 2018-ci il mayın 25-ə qədər Qazaxda yerləşən hərbi hissədə, 2018-ci il mayın 25-dən 2020-ci il mayın 14-ə qədər Murovda yerləşən hərbi hissədə tağım komandiri vəzifəsində xidmət edib[6]. 2020-ci il mayın 14-dən 2023-cü il fevralın 2-ə qədər Gədəbəydə yerləşən hərbi hissədə bölük komandiri olub. 2023-cü il fevralın 2-dən etibarən Xocavənd rayonunda yerləşən hərbi hissədə tağım kamandiri kimi xidmət edib[7].
2023-cü il sentyabrın 20-də Azərbaycan Respublikasının Silahlı Qüvvələri tərəfindən həyata keçirilmiş lokal antiterror tədbirləri zamanı Xocavənd rayonunun Veysəlli kəndində şəhid olub[2].
Bakı şəhərində, II Şəhidlər Xiyabanında dəfn edilib[2].
Təltifləri[redaktə | mənbəni redaktə et]
"Vətən uğrunda" medalı və 3-cü dərəcəli "Vətənə xidmətə görə" ordeni ilə təltif olunub[2].
Xatirəsi[redaktə | mənbəni redaktə et]
2023-cü il sentyabr ayının 23-də Azərbaycanın Gürcüstandakı səfiri Faiq Quliyev və səfirliyin əməkdaşları Bolnisi rayonunun Saraclı kəndində Sahib Daşdəmirovun ailəsini ziyarət edib[4][8][9].
2023-cü il oktyabrın 19-da Bolnisi rayonunun Saraclı kəndində Sahib Daşdəmirovun xatirəsinə həsr olunmuş anım tədbiri keçirilib[10]. Tədbirdə Azərbaycanın Gürcüstandakı səfiri Faiq Quliyev, hərbi attaşe aparatının rəhbəri polkovnik Fuad İbrahimov, səfirlik əməkdaşları, Gürcüstan Azərbaycanlıları Konqresinin (GAK) sədri Hüseyn Yusubov və Konqresin üzvləri, qonşu kəndlərin ağsaqqalları, media nümayəndələri iştirak ediblər[11].
İstinadlar[redaktə | mənbəni redaktə et]
- ↑ 1 2 "19-20.09.2023-cü il tarixlərində keçirilmiş antiterror tədbirlərində şəhid olmuş hərbi qulluqçuların siyahısı" (PDF). Azərbaycan Respublikası Müdafiə Nazirliyi. 2023. 2023-09-27 tarixində arxivləşdirilib (PDF). İstifadə tarixi: 2023-11-21.
- ↑ 1 2 3 4 5 ""Mən torpağımı çox sevirəm, hərbçi olacağam" deyirdi, Vətən yolunda da şəhadətə ucaldı - FOTO". Oxu.Az (az.). 2023-11-09. 2023-11-21 tarixində arxivləşdirilib. İstifadə tarixi: 2023-11-21.
- ↑ 1 2 "Sahib Daşdəmirov Natiq". unudulmazlar.az. 2023-11-21 tarixində arxivləşdirilib. İstifadə tarixi: 2023-11-21.
- ↑ 1 2 Xəlilzadə, Hacı. "Bolnisidə Şəhid Sahib Daşdəmirovun ailəsi ziyarət olunub - FOTO". QafqazTürk (az.). 2023-09-24. 2023-11-21 tarixində arxivləşdirilib. İstifadə tarixi: 2023-11-21.
- ↑ yeniavaz.com. "Sonuncu əməliyyatın qəhrəmanlarından şəhid baş leytenant Sahib Daşdəmirov..." www.yeniavaz.com (ingilis). 2023-11-21 tarixində arxivləşdirilib. İstifadə tarixi: 2023-11-21.
- ↑ "Sonuncu əməliyyatın qəhrəmanlarından şəhid baş leytenant Sahib Daşdəmirov..." Gundelik-Baku.Com (az.). 2023-11-21 tarixində arxivləşdirilib. İstifadə tarixi: 2023-11-21.
- ↑ Borçalı, Müşfiq. "Şəhid kapitan Sahib Daşdəmirov Saraçlı". 2023-11-18. 2023-11-21 tarixində arxivləşdirilib. İstifadə tarixi: 2023-11-21.
- ↑ Aktual.ge. "Faiq Quliyev Bolnisidə şəhid Sahib Daşdəmirovun ailəsini ziyarət edib". https://aktual.ge/ (az.). 2023-11-21 tarixində arxivləşdirilib. İstifadə tarixi: 2023-11-21.
- ↑ "Bolnisidə şəhid Sahib Daşdəmirovun ailəsi ziyarət olunub – FOTO". REALNEWS.GE (ingilis). 2023-09-23. 2023-11-21 tarixində arxivləşdirilib. İstifadə tarixi: 2023-11-21.
- ↑ "Saraclı kəndində şəhid kapitan Sahib Daşdəmirovun xatirəsi anılıb..." 24news.ge (az.). 2023-11-21 tarixində arxivləşdirilib. İstifadə tarixi: 2023-11-21.
- ↑ Əzuizov, Xətayi. "Gürcüstanın Bolnisi rayonunda şəhid kapitan Sahib Daşdəmirovun xatirəsi anılıb". Azərtac. 2023-10-19. 2023-10-19 tarixində arxivləşdirilib. İstifadə tarixi: 2023-11-21.
- 6 mayda doğulanlar
- 1996-cı ildə doğulanlar
- 27 yaşında vəfat edənlər
- 20 sentyabrda vəfat edənlər
- 2023-cü ildə vəfat edənlər
- Azərbaycan Silahlı Qüvvələrinin baş leytenantları
- "Vətən uğrunda" medalı ilə təltif edilənlər
- 3-cü dərəcəli "Vətənə xidmətə görə" ordeni ilə təltif edilənlər
- Əlifba sırasına görə hərbi xadimlər