SuperMassive

Vikipediya, azad ensiklopediya
Naviqasiyaya keç Axtarışa keç
SuperMassive
Klubun loqosu.
Yaranma tarixiavqust 2015
RegionTürkiyə Türkiyə
Rənglər         bənövşəyi-qara
BölmələrLeague of Legends, Valorant, PUBG Mobile, Arena of Valor
SaytRəsmi saytı

SuperMassive və ya sporsorluq razılaşmasına əsasən Papara SuperMassive – 2015-ci ildə yaradılmış Türkiyə kiberidman klubu. "League of Legends", "Valorant", "PUBG Mobile", "Arena of Valor", "Fortnite"[1] kimi komandaları mövcuddur.

Tarix[redaktə | mənbəni redaktə et]

Klub 2015-ci ilin avqust ayında Hakan Baş, Kaan Karamancı, Alper Özdemir, Onur Aksu və Fırat İleri tərəfindən qurulmuşdur. 2021-ci ildə "Blaze Esports" klubu ilə birləşərək "SuperMassive Blaze" adını almışdır. 2022-ci ildə sponsorluq razılaşmasına əsasən "Papara SuperMassive" adlanmağa başlamışdır.[2]

League of Legends[redaktə | mənbəni redaktə et]

Daxili[redaktə | mənbəni redaktə et]

"SuperMassive" 2016 mövsümünün qış splitində Türkiyə Çempionluq Liqasında yarışmağa başlamış və finalda "Beşiktaş" klubuna 3–1 hesabı ilə qalib gələrək ilk mövsümündə Türkiyə çempionu olmuşdur.[3] Yay splitində isə normal liqanı birinci yerdə tamamlamış, finala çıxaraq "Dark Passage" klubuna 0–3 hesabı ilə uduzmuşdur. 2017 mövsümündə də komanda uğurlu çıxışına davam etmişdir. Qış splitində normal liqanı birinci yerdə tamamlamış, finalda "Crew Esports" klubuna 3–1 hesabı ilə qalib gələrək növbəti Türkiyə çempionluğunu qazanmışdır.[4] Yay splitində normal liqanı ikinci yerdə tamamlamış, finala çıxaraq "Fenerbahçe" klubuna 0–3 hesabı ilə məğlub olmuşdur.

2018 mövsümündə klub həm qış, həm də yay splitinin çempionu olmuşdur. Hər iki splitdə finalda "Royal Bandits" klubunu məğlub edərək 3-cü və 4-cü Türkiyə çempionluqlarını qazanmışdır.[5][6] 2019 mövsümündə isə klub həm qış, həm də yay splitində finalda məğlub olmuşdur. Qış splitinin finalında "Fenerbahçe" 3–0 hesabı ilə,[7] yay splitinin finalında isə "Royal Youth" klubuna 3–2 hesabı ilə qalib gəlmişdir. 2020 mövsümünün yay splitində finalda "5 Ronin" klubunu 3–2 hesabı ilə qalib gələrək 5-ci Türkiyə çempionluğunu qazanmışdır.[8] 2021 mövsümünün qış splitinin normal liqasını birinci yerdə tamamlasa da, yarımfinalda məğlub olmuşdur. 2022 mövsümün qış splitində klub ən pis nəticəsini göstərərək 8-ci yeri tutmuş və ilk dəfə pley-offa çıxa bilməmişdir.

Beynəlxalq[redaktə | mənbəni redaktə et]

Klub 2016-cı ildə ilk dəfə MSI turnirinə qatılmış, lakin keçirdiyi 10 oyundan 9-unda məğlub olaraq sonuncu yeri tutmuşdur. Klub turnirdəki yeganə qələbəsini "Counter Logic Gaming" klubuna qarşı qazanmışdır. 2017-ci ildə qatıldığı növbəti MSI turnirində "Red Canids", "Dire Wolves" və "Rampage" klubları ilə eyni qrupa düşmüş, 5 qələbə qazanaraq növbəti mərhələyə çıxmış,[9] lakin sonda "GAM Esports" klubuna uduzaraq mübarizəni dayandırmışdır. 2018 MSI turnirində komanda yenə qrupunu 5 qələbə ilə birinci yerdə tamamlamış, lakin sonda "EVOS Esports" klubuna 1–3 hesabı ilə uduzmuşdurlar.

2018-ci ildə "SuperMassive" ilk dəfə Dünya çempionatına qatılmışdır.[10] "G2 Esports" və "Ascension Gaming" klublarının olduğu qrupdan çıxmış, lakin Tayvanın "G-Rex" klubuna 1–3 hesabı ilə məğlub olaraq mübarizəni dayandırmışdır. 2020-ci ildə ikinci dəfə Dünya çempionatında iştirak etmişdir. "Team Liquid", "Legacy Esports", "MAD Lions" və "INTZ" klublarının olduğu qrupdan üçüncü yeri tutaraq çıxmış, "MAD Lions" klubunu məğlub etmiş,[11] lakin "Unicorns of Love" klubuna 0–3 hesabı ilə uduzaraq əsas mərhələyə qatıla bilməmişdir.[12]

2023 mövsümünün qış splitində yarımfinala qədər çıxa bildiyi üçün EMEA Masters turnirinin təsnifat mərhələsinə qatılmağa haqq qazanmış, lakin Çexiyanın "eSuba" klubuna 1–2 hesabı ilə mğlub olaraq əsas turnirə qatıla bilməmişdir.

Heyət[redaktə | mənbəni redaktə et]

SuperMassive "League of Legends" heyəti
Oyunçular Məşqçilər
Rol Ləqəb Ad Ölkə
Üst  Armut  İrfan Berk Tükek    Türkiyə 
Meşə  Skeanz  Dunkan Marke    Fransa 
Orta  Blue  Ersin Gören    Türkiyə 
Alt  Luger  Fatih Güven    Türkiyə 
Dəstək  Jactroll  Yakub Skurjinski    Polşa 
Baş məşqçi

Yakup "bezum" İvaniçki

Legenda:
  • (Q) Qeyri-aktiv
  • (Ç) Çıxarılıb
  • Ehtiyat oyunçu Ehtiyat
  • Zədəli Zədə / Xəstəlik
  

İstinadlar[redaktə | mənbəni redaktə et]

  1. ↑ "SuperMassive Fortnite Ekibini Duyurdu!". Oyungezer Online (türk). 2018-05-03. 2023-06-04 tarixində arxivləşdirilib. İstifadə tarixi: 2023-05-30.
  2. ↑ "Papara SuperMassive – Türkiye'nin Lider Espor Takımı!". supermassive.com.tr. 2023-05-30 tarixində arxivləşdirilib. İstifadə tarixi: 2023-05-30.
  3. ↑ "Legends'ta yılın ilk kupası SuperMassive'in oldu - Yeni Akit". www.yeniakit.com.tr (türk). 2023-05-30 tarixində arxivləşdirilib. İstifadə tarixi: 2023-05-30.
  4. ↑ "Bir KMF Analizi: SuperMassive Neden Kazandı?". Red Bull (türk). 2017-04-25. 2023-05-30 tarixində arxivləşdirilib. İstifadə tarixi: 2023-05-30.
  5. ↑ Sporx. "TBF 2018'in kazananı SuperMassive! Maçın öyküsü! - E-Spor - Sporx Galeri". Sporx (türk). 2023-05-30 tarixində arxivləşdirilib. İstifadə tarixi: 2023-05-30.
  6. ↑ "Şampiyon Bahçeşehir SuperMassive oldu!". www.hurriyet.com.tr (türk). 2018-09-17. 2023-05-30 tarixində arxivləşdirilib. İstifadə tarixi: 2023-05-30.
  7. ↑ "KMF şampiyonu bu gün Bahçeşehir SuperMassive veya 1907 Fenerbahçe olacak". Playerbros: Espor Haberleri ve Video İçerikleri (türk). 2019-04-13. 2023-05-30 tarixində arxivləşdirilib. İstifadə tarixi: 2023-05-30.
  8. ↑ "Büyük finalde kupaya uzanan takım SuperMassive!". www.hurriyet.com.tr (türk). 2020-09-16. 2023-05-30 tarixində arxivləşdirilib. İstifadə tarixi: 2023-05-30.
  9. ↑ "SuperMassive, MSI 2017 Grup Aşamasından Lider Ayrıldı!". Webtekno (türk). 2017-05-02. 2023-05-30 tarixində arxivləşdirilib. İstifadə tarixi: 2023-05-30.
  10. ↑ "Gen.G / G2 / C9 / EDG and SuperMassive Will Perform in the 2018 LoL World Championship". InvenGlobal (ingilis). 2018-09-17. 2023-05-30 tarixində arxivləşdirilib. İstifadə tarixi: 2023-05-30.
  11. ↑ Vejvad, Christian. "Armut carries SuperMassive to victory over MAD Lions at Worlds 2020". WIN.gg (ingilis). 2020-09-29. 2023-05-30 tarixində arxivləşdirilib. İstifadə tarixi: 2023-05-30.
  12. ↑ Love, Corgi. "[Worlds 2020] Unicorns of Love sweeps SuperMassive to make group stage". InvenGlobal (ingilis). 2020-09-30. 2023-05-30 tarixində arxivləşdirilib. İstifadə tarixi: 2023-05-30. (#missing_name)

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=SuperMassive&oldid=7575569"