Tur Heyerdal

Vikipediya, açıq ensiklopediya
Keçid et: naviqasiya, axtar
Тur Heyerdal
Thor Heyerdahl
ThorHeyerdahl.jpg
Doğum tarixi: 6 oktyabr 1914(1914-10-06)
Doğum yeri: Larvik, Norveç
Vəfatı: 18 aprel 2002 (87 yaşında)
Vəfat yeri: Kolla-Miçeri, İtaliya
Həyat yoldaşı: 1) Liv Kuşeron-Torp
2) İvonna Dedekam-Simonsen
3) Jaklin Bir
Uşaqları: 1) Tur, Börn
2) Anetta, Marian, Helen Elizabet

Tur Heyerdal (norvç:. Thor Heyerdahl, 6 oktyabr 1914, Larvik, Norveç- 18 aprel 2002, Kolla-Miçeri, İtaliya) – tanınmış norveçli səyyah, etnoqraf və alim-antropoloq. Məşhur Kon-Tikki ekspedisiyası ilə Cənubi Amerikadan Tomatu adalarına qədər 7000 km-lik məsafəni sadəcə sal üzərində keçməklə dünyanı təəcübləndirmişdir.

Həyat və fəaliyyəti[redaktə]

Kon-Tiki ekspedisiyası

Tur Heyerdal Norveçin cənubunda kiçik Larvik şəhərciyində anadan olmuşdur. İlk ekspedisiyası 1937-38-ci illərdə Polineziyaya, Fatu-Hiva adasına olmuşdur. 1947-ci ildə isə Sakit okeanı "Kon-Tiki" adlı salda keçmişdir. Məhz bu səyahət ona sonralar dünya şöhrəti gətirir.

1950-ci illərdə çoxlarının unutmuş olduğu Pasxa adalarını yenidən kəşf edir, 1953-cü ildə isə Qalapaqos adalarına baş çəkir. O həmin dövrdə çoxlarının əsassız yerə inandırıcı görmədiyi adanın inklər tərəfindən kəşfi ve məskunlaşması ideyasını irəli sürür. 1969-1970-ci illərdə qədim misirlilərin Cənubi Amerikaya üzməsi nəzəriyyəsini sübut etmək üçün "Ra" və "Ra 2" sallarında Atlantik okeanı üzüb keçir. Tur Heyerdal həm də Pasxa, Qalapaqos və Kanar adalarında apardığı arxeoloji qazıntılarla da məşhurdur.

Tur Heyerdal Azərbaycanda[redaktə]

Məşhur səyyahın həyat və fəaliyyətinin bir qismi də Azərbaycanla bağlıdır. 1981-ci ilin avqustunda Tur Heyerdal ilk dəfə Bakıya gəlmişdir. Dəfələrlə QobustanaAzərbaycanın digər məkanlarına ekspedisiyalar təşkil etməklə özünün son "Odinin axtarışı ilə" adlı kitabında vikinqlərin köklərinin məhz Azərbaycanda axtarılmasının lazım gəldiyini maraqlı və kifayət qədər inandırıcı faktlarla əsaslandırır:

«Azərbaycanın hələ kifayət qədər öyrənilməmiş mədəniyyət və incəsənəti Mesopotamiyanınkından qədimdir».

Məşhur səyyah bu fikri qədim qaya təsvirlərinə əsaslanaraq söyləmiş, həmin təsvirlərlə qədim Skandinaviya xalqlarının və ingilislərin mədəniyyəti arasında uyğun cəhətlər olduğunu görmüşdür.[1]

İstinadlar[redaktə]

  1. http://www.uludil.gen.az/3_fesil_001.html

Xarici keçidlər[redaktə]

Həmçinin bax[redaktə]