Uilyam Uayler

Vikipediya, açıq ensiklopediya
Keçid et: naviqasiya, axtar
Uilyam Uayler
ing. William Wyler
Uilyam Uayler (rejissor).jpg
İlk adı: Uilyam Uayler
Digər adı: Villi Veyler[1] (Wilhelm Weiller)
Doğum tarixi: 1 iyul 1902(1902-07-01)
Doğum yeri: Almaniya imperiyası
Vəfatı: 27 iyul 1981 (79 yaşında)
Vəfat yeri: Los-Anceles, Kaliforniya, Flag of the United States.svg ABŞ

Uilyam Uayler (ing. William Wyler; 1 iyul 190227 iyul 1981) — ABŞ kino rejissoru, "Oskar" mükafatı (1942, 1946, 1959) laureatı.

Həyatı[redaktə]

Uilyam Uayler 1 iyul 1902-ci ildə isveçrəli yəhudi baqqalın ailəsində anadan olmuşdur. 1922-ci ildə o, skripka dərslərinə gedərkən, Parisdə təsadüfən "Universal Pictures" studiyasının əsasını qoymuş qohumu Karl Lemle ilə rastlaşır. Onun təklifi ilə 20 yaşlı Uayler ABŞ-a yollanır.

1925-ci ildə ona qısametrajlı vestern filmə quruluş vermək tapşırılır. II Dünya müharibəsi zamanı ordu sıralarına mayor kimi daxil olur. Müharibə zamanı böyük bir risk edərək döyüşlərdə sənədli görüntülər çəkir. Müharibədən sonra isə Konstitusiyaya birinci düzəlişi müdafiə edən komitəyə rəhbərlik etmişdir.

Uilyam Uaylerin fikrincə, rejissor mizanları düzgün növbələməli və kadrların kompozisiyalarına xüsusi diqqət yetirməlidir. O, öz işinə çox aramla başlamışdı. Əvvəllər Uayler ən bəsit kadrları bir neçə dəfə lentə almaqdan belə çəkinmirdi. Getdikcə onun sorağı Hollivuda da çatdı.

"Oskar" mükafatının təqdimetməsi zamanı Uilyam Uayler rekord olaraq ən yaxşı rejissor işi nominasiyasında 12 dəfə namizəd olmuşdur. 1956-cı ildə onun ekranlaşdırdığı "Sülh yolları" filmi Beynəlxalq Kann kinofestivalında "Qızıl palma budağı"na layiq görülmüşdür. Rejissor filmlərinin quruluşuna görə üç dəfə ("Missis Miniver", "Həyatımızın ən gözəl illəri", "Ben-Hur") "Oskar" mükafatı qazanıb.

Uilyam Uayler 1981-ci ilin iyulun 27-də ABŞ-da vəfat etmişdir.

Filmoqrafiya[redaktə]

  1. Bu üçü (1936) / These Three
  2. Dalan (1937) / Dead End
  3. İldırımlı aşırım (1939) / Wuthering Heights
  4. Missis Miniver (1942) / Mrs. Miniver
  5. Həyatımızın ən gözəl illəri (1946) / The Best Years of Our Lives
  6. Vərəsə (film, 1949) / The Heiress
  7. Roma tətilləri (film, 1953) / Roman Holiday
  8. Ümidsizlik saatları (1955) / The Desperate Hours
  9. Sülh yolları (1956) / Friendly Persuasion
  10. Böyük ölkə (1958) / The Big Country
  11. Ben-Hur (film, 1959) / Ben-Hur
  12. Uşaqların vaxtı (1961) / The Children’s Hour
  13. Kolleksiyaçı (film, 1965) / The Collector
  14. Milyonu necə oğurlamalı (film, 1966) / How to Steal a Million
  15. Məzəli qız (film, 1968) / Funny Girl
  16. L.B. Consun azad olunması (1970) / The Liberation of L. B. Jones

İstinadlar[redaktə]

  1. According to son, David Wyler