Vüsət Əfəndiyev

Vüsət Əfəndiyev
Vüsət Əfəndiyev Əmir oğlu
Doğum tarixi	3 iyun 1953(1953-06-03)
Doğum yeri	Tovuz rayonu, Azərbaycan SSR, SSRİ
Vəfat tarixi	11 yanvar 2019(2019-01-11) (65 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Milliyyəti	azərbaycanlı
Atası	Əmir Əfəndiyev
Elmi dərəcəsi	coğrafiya elmləri doktoru
İş yeri	Bakı Dövlət Universiteti
Mükafatları
Vikianbarda əlaqəli mediafayllar

Vüsət Əmir oğlu Əfəndiyev (3 iyun 1953, Tovuz rayonu – 11 yanvar 2019, Bakı) — Bakı Dövlət Universitetinin Qazax filialının direktoru (2016–2019), əməkdar elm xadimi, coğrafiya elmlər doktoru, professor.

Həyatı

Vüsət Əmir oğlu Əfəndiyev 1953-cü ildə anadan olmuşdur. Əslən Qazax rayonunun Birinci Şıxlı kəndinin Əfəndiyevlər soyundandır. 1970-ci ildə orta məktəbi bitirərək, Azərbaycan Dövlət Universitetinin (indiki Bakı Dövlət Universiteti) Geologiya-coğrafiya fakültəsinin coğrafiya şöbəsinə daxil olmuşdur. 1973-cü ildə M. V. Lomonosov adına Moskva Dövlət Universitetinə köçürülən V. Ə. Əfəndiyev 1977-ci ildə həmin universitetin coğrafiya fakültəsini bitirmişdir. V. Ə. Əfəndiyev 2005-ci ildə Təhsil Nazirliyinin "Qabaqcıl təhsil işçisi" adına layiq görülmüşdür. 2009-cu ildə "Əməkdar elm xadimi" fəxri adı verilmişdir. Təhsil Nazirliyinin qərarı ilə 1995-ci ildə müəllifi olduğu "Azərbaycan Respublikası şəhərlərinin inkişafının coğrafi məsələləri (Bakı: "Nicat" nəşriyatı 1995) əsəri akademik Həsən Əliyev adına mükafata layiq görülmüşdür. V. Ə. Əfəndiyev Respublikada elm və təhsilin inkişafında fəaliyyətinə görə dəfələrlə Təhsil Nazirliyinin fəxri fərmanı ilə təltif olunmuşdur.

Elmi fəaliyyəti

1977–1978-ci illərdə Azərbaycan EA Coğrafiya İnstitutunda baş laborant, kiçik elmi işçi vəzifəsində çalışmışdır. Tədqiqat işi ilə əlaqədar olaraq V. Ə. Əfəndiyev 1978–1979-cu illərdə keçmiş SSRİ EA Coğrafiya İnstitutuna tədqiqatçı kimi elmi ezamiyyətə göndərilmişdir. 1979–1988-ci illərdə Azərbaycan Dövlət Universitetinin Geologiya-coğrafiya fakültəsinin "SSRİ-nin iqtisadi coğrafiya" kafedrasında asissent, baş müəllim, dosent, vəzifələrində işləmişdir. V. Ə. Əfəndiyev "Bakı aqlomerasiyasının ətraf zonasının ərazi təşkili" mövzusunda namizədlik, 2004-cü ildə isə "Sosial-iqtisadi və siyasi coğrafiya" ixtisası üzrə "Azərbaycanda urbanizasiyanın iqtisadi-coğrafi problemləri" mövzusunda doktorluq disertasiyasını müdafiə etmişdir. O, 2007-ci ildən professordur. Prof. V. Ə. Əfəndiyev 1987–1991-ci illərdə Geologiya-coğrafiya fakültəsində dekan müavini, 1991–1999-cu illərdə yeni yaradılan Coğrafiya fakültəsinin dekanı vəzifəsində çalışmışdır. 1999–2004-cü illərdə BDU-nun qiyabivə axşam təhsili üzrə prorektor, 2004–2011-ci illərdə isə BDU-nun tədris işləri üzrə prorektoru vəzifəsində işləmişdir. Prof. V. Ə. Əfəndiyev 2007-ci ildə yeni yaradılan "Azərbaycan coğrafiyası" kafedrasının müdiri seçilmişdir..

Elmi əsərləri

Prof. V. Ə. Əfəndiyev 160-dan çox elmi əsərlərin, o cümlədən 7 monoqrafiyanın və kitabların, 11 dərslik və dərs vəsaitinin, 4 xəritənin, 3 metodik göstərişin və 15 proqramın müəllifidir.

1. 2008, Bakı, Государственная программа социально-экономического развития регионов и ее роль в развитии региональных центров Шеки, Шамахы и Хачмаз.
2. 2008, Bakı, Azərbaycanın sosial-iqtisadi coğrafiyası XXI əsrin inkişafı sistemində Təbriz şəhərinin inkişafının təbii-iqtisadi potensialı.
3. 2004, Баку, Рекреационный потенциал Апшерона и его использование. // Вестник Бакинского Университета: Тябият елмляри серийасы.
4. 2005, Bakı, BDU Coğrafiya fakültəsinin Altıağac təcrübə bazasında "Tələbələrin çöl tədris təcrübələrinin təşkili"nə dair metodik vəsait.
5. 2005, Bakı, "Coğrafiya — 60".
6. 2007, Bakı, "Əhali coğrafiyası demoqrafik əsaslarla". // Coğrafiyaçı- bakalavr pilləsi üçün proqramm toplusu.
7. 2007, Bakı, "Geourbanistika". //Coğrafiyaçı- bakalavr pilləsi üçün proqramm toplusu.
8. 2007, Bakı, Elm və təhsil fədaisi. // Prof. M. A. Müseyibovun 80 illiyinə həsr olunur.
9. 2007, Astrakhan, THE INTEGRATION OF URBAN AND RURAL AREARS’ POTENTIALS // The Caspian Sea Humanities and sports //
10. 2007, Bakı, magistr hazırlığı üçün fənlərin proqramlar toplusu.
11. 2007, Bakı, magistr hazırlığı üçün fənlərin proqramlar toplusu.Əfəndiyev Vüsət

Kitabları

• 2015, Bakı, Geourbanistika, Dərslik
• 2015, Bakı, Pedaqoji təcrübə və onun təşkili, Metodik vəsait
• 2014, Coğrafiya (Türk dünyası). Ümumtəhsil məktəblərinin 11-ci sinfi üçün (azərbaycan və rus bölməsi), Dərslik
• 2013, Azərbaycanda qəsəbə, Dərslik
• 2013, Azərbaycan Respublikasının coğrafiyası, Dərslik
• 2010, Azərbaycan şəhərlərinin sosial-iqtisadi coğrafiyası, magistr hazırlığı üçün proqramlar toplusu
• 2010, Qafqazın iqtisadi, sosial və siyasi coğrafiyası, magistr hazırlığı üçün proqramlar toplusu
• 2010, Azərbaycanın iqtisadi və sosial coğrafiyası, Dərslik.
• 2009, Bakı, Əhali coğrafiyasından praktiki məşğələ.
• 2008, Bakı, Географие населения, Практикум.
• 2007, Elm və təhsil fədaisi. Monoqrafiya.
• 2007, Баку, География Тюркского Мира.
• 2007, Bakı, "Əhali coğrafiyası demoqrafik əsaslarla". Coğrafiyaçı- bakalavr pilləsi üçün proqram toplusu.
• 2007, Bakı, "Geourbanistika". Coğrafiyaçı- bakalavr pilləsi üçün proqramm toplusu
• 2007, Баку, "География населения". Учебное пособие.
• 2006, Baku, "Əhali coğrafiyası" . Dərslik
• 2006, Baku, "Türk dünyası coğrafiyası" .11-ci sinif üçün dərslik.
• 2004, Constanta, Urbanization and urban settlements of Azerbaijan.
• 2004, Баку, География Тюркского Мира. Учебник для 11 класса.
• 2002, Baku, Urbanizasiya və Azərbaycanın şəhər yaşayış məskənləri

Mükafatları

• 1994, Azərbaycan Respublikası Təhsil nazirinin Fəxri fərmanı
• 1998, Akad. H. Ə. Əliyev adına müsabiqənin laureatı
• 2000, Azərbaycan Respublikası Təhsil nazirinin Fəxri fərmanı
• 2005, Təhsil Nazirliyinin "Qabaqcıl Təhsil işçisi" fəxri adı
• 2009, Azərbaycan Respublikası Prezidentinin sərəncamı ilə "Əməkdar elm xadimi" fəxri adı

Həmçinin bax

• Tapdıq Həsənov
• Zaur İmrani
• Umayra Tağıyeva