Venzdey

Venzdey
ing. Wednesday
Janr	fantaziya teleserialı[d]
Rejissor	Tim Börton[d]
Rollarda	Cenna Orteqa Ketrin Zeta-Cons Luis Quzman Ceymi Makşan[d] Ryan Ellsworth[d]
Bəstəkar	Denni Elfman[d]
İstehsalçı ölkə	ABŞ
Studiya	Netflix
Dil	ingilis dili
İlk çıxış tarixi	23 noyabr 2022
Rəng	rəngli
Mövsüm sayı	1
Seriya sayı	8
Davametmə müddəti	46–57 dəq.
IMDb	ID13443470
netflix.com/title/812319…

Venzdey (ing. Wednesday) — Çarlz Addamsın yaratdığı Venzdey Addams personajı əsasında çəkilmiş ABŞ istehsalı komediya-qorxu serialı. Alfred Qof və Mayls Milların yaratdığı serialın baş rolunda Cenna Orteqa, digər rollarda; Ketrin Zeta-Cons, Luis Quzman, Qvendolin Kristi, Riki Lindhoum, Ceymi Makşeyn, Fred Armisen və Kristina Riççi çəkilmişdir. Kinorejissor Tim Börton dörd seriyanın rejissorluğunu etmişdir. Serial məktəbdəki qulyabanı müəmmasının sirrini açmağa çalışan Venzdey Addamsdan bəhs edir.

Süjet

Məktəbli yeniyetmə Venzdey Addams, qardaşı Paqslini dolabda bağlı vəziyyətdə tapır. O, zorbaları öldüməyə cəhd etdikdən sonra məktəbdən kənarlaşdırılır. Valideynləri Mortişa və Qomes, onu Vermont ştatının Ceriko şəhərində yerləşən Nevermor Akademiyası adlı xüsusi şagirdlər üçün məktəbə yazdırmağa qərar verirlər. Bu əsnada Nevermor yaxınlığındakı meşədə naməlum məxluq bir yürüyüşçünü öldürür. Venzdeyin valideynləri ona göz-qulaq olması üçün bədənsiz əl olan Şeyi buraxırlar. Burada o, tamamilə xaraktercə əksi olan otaq yoldaşı Yenid ilə tanış olur. Venzdey idman zalında populyar qız Biyankanı qılınc döyüşünə dəvət edir. Daha sonra Venzdey, qarqoyl heykəlinin üstünə düşməsi ilə az qala öldürülür, lakin Byankanın keçmiş sevgilisi Xavier onu xilas edir. Venzdey məhkəmənin təyin etdiyi terapiya seansından qaçdıqdan sonra onun Nevermordan qaçmasına kömək etməyə razılıq verən qəhvə baristası Tayler ilə tanış olur. Lakin, direktor Larisa Vims onu saxlayır və məktəbə qaytarır. Bunların ardınca Tayler və Venzdey karnavalda bir araya gəlir. Venzdey burada gücləri vasitəsilə Rouenin öldüyünü görür. O, Roueni xilas etmək üçün onun arxasınca meşəyə gedir, burada Rouen onu öldürməyə çalışır, elə bu an qulyabanı peyda olub Roueni qətlə yetirir.

Venzdey Şerif Qalpinə qətli törədənin qulyabanı olduğunu inandırmağı bacarır. Birdən Rouen sağ-salamat peyda olur. Venzdey gözlərinə inana bilmir, öz psixi sağlamlığından şübhələnməyə başlayır, çox keçməmiş cinayətləri özü araşdırmaq qərarına gəlir. O, Rouen haqqında öyrənmək üçün kampusun ətrafında dolaşır, bu vaxt onun məktəbdən kənarlaşdırıldığını öyrənir. Venzdey Roueni təqib etmək üçün arxasınca Şeyi göndərir. Həmin vaxt Rouenin əslində şəkil dəyişdirmiş direktor Vims olduğu məlum olur. Venzdey köhnə tələbə cəmiyyətinə aid bir kitab görür. Kitabı axtararkən o, Biyankanın qarşıdan gələn kollec turnirində fırıldaqlıq etməyi planlaşdırdığını eşidir. Venzdey Biyankanı məğlub etmək və turniri qazanmaq üçün Yenidə qatılır. Daha sonra Venzdey məktəbdə gizli bir kitabxana kəşf edir və orada ələ keçirilir.

Venzdey Biyanka və Xavierin üzv olduğu elit şagird cəmiyyətin tərəfindən saxlanılır. O, özünü xilas edir və kitablardan birini özü ilə götürərək kitabxanadan çıxır. Vims Venzdeydən qarşıdan gələn məktəb orkestrində çıxış etməyi əmr edir. Kitabdakı bir rəsm onu ​​yerli yarmarkadakı sərgiyə aparır və burada görmələrində gördüyü bir qızın rəsmini görür. Venzdey meşədə keçmiş əcdadının, bütün təcrid olunmuşları məhv etmək məqsədində olan Cozef Krakstoun tərəfindən edam ediləcəyinə dair görüntülər görür, əcdadı edamdan qurtulmağa nail olur. Venzdey insan olduğunu aşkar etdiyi qulyabanı tərəfindən pusquya düşürülür. Şəhərdə olarkən, Şey Cozef Krekstounun ilk heykəlini məhv etməklə mərasimi pozur və Vims Venzdeyi danlayır. Polis meşədə cinayət yerini araşdırarkən qulyabanını lentə almağı bacaran fotoparat tapır.

Venzdey və Şey, qulyabanının qurbanlarının fayllarını köçürmək üçün koronerin ofisinə girirlər. Nümunəni müəyyən etməyə çalışarkən, o, hər qurbanın bədən hissələrinin cərrahi yolla çıxarıldığını aşkar edir. Venzdey Xavierdən şübhəlməyə başlayır və onu rəsm studiyasına qədər təqib edir, burada o, qulyabanının bir neçə rəsmini aşkar edir və onun mağarasına yollanır. Orada onun pəncələrindən birini götürür və DNT analizi üçün Şerif Qalpinə verir. Venzdey və Tayler birlikdə məktəb rəqsinə qatılırlar. Bu vaxt Venzdeyin araşdırmada iştirak edən sinif yoldaşı Yucin, mağaranın bilinməyən şəxs tərəfindən partladıldığının şahidi olur. Bu əsnada merin oğlu Lukas Venzdeydən qisas almaq üçün rəqs şənliyini məhv edir. Venzdey Yucinin təhlükədə olduğunu hiss edir və meşəyə gedir, bu zaman onun qulyabanı tərəfindən ağır yaralandığını görür.

Qomes Addams 32 il əvvəl Nevermorda Cozef Krakstonun nəslindən olan Qarret Geytsin qətlində şübhəli bilinərək saxlanılır. Addamslar valideynlərin iştirak etdiyi həftəsonu üçün Venzdeyin yanına Nevermora gəlir. Venzdey şübhəli qətllə bağlı valideynləri ilə üzləşdikdə ailə terapiyası seansı yarıda qalır. Bu vaxt Şerif Qalpin, koronerin meyityarmadan sonra intihar etdiyini öyrənir. Qalpin Qomesin günahkar olduğu qənaətinə gəlir və onu həbs edir. Qomes Venzdeyə həbsxanada qətli əslində Mortişanın törətdiyini etiraf edir. Venzdey və Mortişa Geytsin məzarını qazırlar və onun öldürülməzdən əvvəl ölümcül zəhərləndiyini aşkar edirlər, lakin onlar polis tərəfindən saxlanılırlar. Daha sonra mer Uoker onlara Qaretin atasının təcrid olunmuş insanlara nifrətinə görə bütün məktəbi zəhərləmək niyyətində olduğunu deyir. Mer Uoker Geytsin əməllərini ört-basdır etdiyini etiraf etdikdən sonra Qomesi azad etməyə razılaşır. Nevermora qayıdan Vims, məktəbdə mübahisələrin baş verməməsi üçün Rouenim ölümünü şəkil dəyişdirmə ilə ört-basdır etdiyini istəksizcə etiraf edir.

Venzdey Krekstonu qətlə yetirən əcdadı Qudini çağırmağa çalışır. Sürpriz ad günü şənliyi zamanı Venzdey Geytsin malikanəsini tapmağı ona tapşıran Qudini görür. Orada o, mer Uokerin binadan çıxıb maşınına girdiyinin şahidi olur. Şəhərə qayıdarkən Uokeri avtomobil vurdur və o, ağır yaralanır. Vims məktəbi bağlayır və Venzdeyə kampusdan çıxmağı qadağan edir. Tayler və Yenidin köməyi ilə o, qaçır və Geytsin malikanəsinə qayıdır. Orada onlar Qaretin uzun müddət əvvəl öldüyü güman edilən kiçik bacısı Lorel Geytsin hələ də sağ ola biləcəyini aşkar edirlər. Onlar zirzəmidə qulyabanının qurbanlarının kəsilmiş bədən hissələrini tapırlar, lakin onlar qulyabanı tərəfindən pusquya salındıqdan sonra qaçmağa məcbur olurlar. Bunların ardınca Venzdey polis Qalpini zirzəmiyə aparır, lakin onlar zirzəminin bom-boş olduğunu görürlər. Xəstəxanada kimliyi bilinməyən şəxs mer Uokeri qətlə yetirir.

Mer Uokerin dəfn mərasimində Venzdey şübhəli şəxsi yaxalayır və meşəyə qədər onun arxasınca düşür. Şəxsin Fester əmi olduğu ortaya çıxır və o, Venzdeyin araşdırdığı qulyabanının Hayd olduğunu açıqlayır. Onlar birlikdə gizli kitabxanadan Hayda həmişə rəhbərlik edildiyini yazan gündəlik tapırlar. Daha sonra onlar Xavierin terapevt Dr. Kinbott ilə meşədə görüşdüklərinin şahidi olurlar. Venzdey Tayler ilə görüşdən qayıtdıqdan sonra yataqxanasını boş, gündəliyinin oğurlandığını və Şeyin ağır yaralandığını görür. Onun Lorel Geyts üzərində apardığı araşdırma onun sağ olduğunu və Hayda rəhbərlik etdiyini ortaya qoyur. Venzdey əvvəlcə Dr. Kinbottdan şübhələnir, lakin Hayd onu öldürür. Polis Venzdeyin qulyabanı olduğuna inandığı Xavieri həbs etməyə gəlir. Venzdey Taylerlə görüşür və onu öpür, lakin birdən onun Hayd olduğunu görüb qaçır.

Venzdey və sinif yoldaşları Tayleri qaçırır. O, Taylerdən törətdiyi əməlləri etiraf etməsini istəyir, Taylerin bununla razılaşmadığını gördükdə ona işgəncə vermək qərarına gəlir. Bunu görən sinif yoldaşları Vimsə olanları bildirir və Venzdey həbs olunur. Tayler polis bölməsində Venzdeyə gizlicə qulyabanı olduğunu etiraf edir. Venzdeyin davranışından bezən Vims onu Nevermordan qovur. Venzdey xəstəxanaya Yucini ziyarət etməyə gedir, onun qulyabanının mağarasında gördüyü şəxsin təsviri Nevermor müəllimi Miss Tornhillin təsvirinə uyğun gəlir. Tayler kimi maskalanan Vims, Venzdey ilə birlikdə Tornhillə onun əslində Lorel Geyts olduğunu etiraf etməyə məcbur edir. Lorel Cozef Krekstonu diriltmək və bütün təcrid olunmuşları məhv etmək planının bir hissəsi olaraq Tayleri qurbanları öldürmək üçün manipulyasiya edir. Bu zaman Geyts Vimsi öldürməyi və Venzdeyi dayandırmağı bacarır. Geyts Venzdeyin qanından istifadə edərək Krakstounu dirildir və Venzdeyi ölümə buraxır, lakin Qudi onu sağaldır. Canavara çevrilən Yenid, Hayda dönmüş Tayleri məğlub edir, Krekston isə Nevermora çatır. Venzdey Biyankanın köməyi ilə Krekstonu məhv edir. Yucin isə Geytsi məğlub etməyə kömək edir. Xavier həbsxanadan azad edilir, Tayler həbs edilir və Venzdey Nevermoru tərk edir.

Rollarda

Əsas

• Cenna Orteqa — Venzdey Addams. Ekstrasens güclərə malik gənc qız. Digər şagirdlərə qarşı dəcəllik etdiyi üçün Nevermora göndərilir. Orteqa həmçinin ulu əcadı olan Qudi Addams rolunu oynayır.
• Qvendolin Kristi — Larisa Vims. Nevermor Akademiyasının direktoru və Mortişa Addamsın keçmiş otaq yoldaşıdır.
  • Karina Varadi — Gənc Larisa Vims rolunda.
• Riki Lindhoum — Dr. Valeri Kinbott. Venzdeyin terapisti.
• Ceymi Makşeyn — Donovan Qalpin. Cerikonun şerifi.
• Hanter Duen — Tayler Qalpin. Şerifin Qalpinin oğlu və qəhvəxananın baristası.