Veryovkin mağarası
| Veryovkin | |
|---|---|
| rus. Пещера Верёвкина | |
 | |
| Ümumi məlumatlar | |
| Dərinliyi | 2212 m |
| Uzunluğu | 13 500 m |
| Kəşf tarixi | 1968 |
| Tipi | karst |
| Ətraf süxurları | əhəng daşı |
| Giriş sayı | 1 |
| Yerləşməsi | |
| 43°23′52″ şm. e. 40°21′37″ ş. u. | |
| Ölkə |
 Gürcüstan |
|
|
|
 Vikianbarda əlaqəli mediafayllar | |
Veryovkin mağarası — Gürcüstanın şimal-qərbində, Qərbi Qafqazın Qaqra silsiləsindəki mağara. Mağara Abxaziyanın Arabika yayalasında yerləşir[1]. Mağarının öyrənilən hissəsinin dərinliyi 2017-ci ildə toponomik çəkilişlər nəticəsində müəyyənləşdirilmişdir - 2204 metr[2] Bu göstərici ilə o Krubera mağarasını 7 metr üstələmişdir[3]. Rekord göstərici sifon keçidləri nəzərə almadan qeydə alınmışdır. 2018-ci ilin martında həyata keçirilən ekspedisiyada Sonuncu Nemo dayanacağı sifon gölünün dərinliyi də ölçülmüş və ümumi dərinliyə 8 metr əlavə olunmuşdur - 2212 metr. Mağaraya olan yeganə giriş 3X4 ölçüsündə olub Krepost dağı ilə Zont dağı arasında olan aşırımda yerləşir. Giriş quyusunun dərinliyi 32 metrdir.
Adlanması[redaktə | mənbəni redaktə et]
İlk vaxtlar mağaranı C-115, sonra isə P1-7 adı ilə adlandırmışdılar. 1986-cı ildə mağaraya Aleksandr Veryovkin adı verilmişdir. Speleoloq 1983-cü ildə Aleksandr Veryovkin Su-Akan mağarasındakı sifona enən zaman faciyəvi şəkildə həlak olmuşdur. Su-Akan mağarası Kabarda-Balkariya Respublikasının Sarı-Tala massivində yerləşir.
Tədqiqat tarixi[redaktə | mənbəni redaktə et]
Mağaranı 1968-ci ildə krasnoyarsk speleoloqları kəşf etmişdilər. İlkin fəth edilən dərinlik 115 metr olmuşdur. Mağara C-115 adı ilə qeydiyyata alınmış. 1982-ci ildə mağaranı ikinci dəfə Moskva şəhərinin Mağaraçılar klubun nümayəndələri aşkar etdilər. Bu dəfə mağara P1-7 adı ilə qeydiyyata salındı. 1983-86-cı illərdə mağaranın 440 metr dərinliyə qədər olan hissəsi fəth edildi. 1986-2000-ci illərdə mağarada tədqiqat işləri aparılmayıb. 2000-2015-ci illərdə Perovo və Perovo-speleo klubları araşdırma aparmış ancaq mağaranın dərinliyi 440 metrdə qalmışdı. 2015-ci ilin avqustunda mağarada dərinliyi 156 metr olan quyu aşkar edildi. 2016-cı ildə artıq mağaranın dərinliyi 630 metr müyənləşdirildi. 2016-cı ilin avqustunda növbəti araşdırma üçün birgə ekspedisiya təşkil olundu və yekunda mağara dərinliyi 1010 metr oldu. Oktyabrda isə artıq dərinlik 1350 metr idi.
2017-ci ilin fevralında Perovo və Perovo-speleo klublarının üzvləri 1832 m dərinliyə eniş etdilər. Bu göstərici ilə Veryovkin mağarası dünyada ikinci ən dərin mağara hesab olundu. 2017-ci ilin avqustunda isə dərinlik 2151 m müəyyənləşdirildi. Bu dərinlikdə düz ərazi aşkar edildi. Qısa zaman keçdikdən sonra yeni dünya rekordu qeydə alındı - 2204 m. 2018-ci ilin martında Perovo-speleo komandası sifon gölünün dərinliyinidə dəqiləşdirmiş və yekun dərinlik 2212 metr olmuşdur.
İstinadlar[redaktə | mənbəni redaktə et]
- ↑ Данный географический объект расположен в Абхазии, являющейся спорной территорией. Согласно административному делению Грузии, спорную территорию занимает Абхазская Автономная Республика. Фактически спорную территорию занимает частично признанное государство Республика Абхазия.
- ↑ Информационно-поисковая система «Пещеры» Arxivləşdirilib 2019-03-28 at the Wayback Machine, РГО.
- ↑ "WORLDS DEEPEST CAVES Compiled by: Bob Gulden — Sept.22, 2017". 2017-10-28 tarixində arxivləşdirilib. İstifadə tarixi: 2021-10-22.