Vikipediya:Bilirsinizmi/20. Həftə 2023

Vikipediya məqalələrindən Uqanda haqqında məlumatlar...

• Uqanda Konqo və Ruanda ilə birlikdə dağ qorillalarının hələ də vəhşi təbiətdə yaşadığı dünyada üç ölkədən biridir.
• 1971-1979-cu illərdə Uqandanı idarə etmiş İdi Aminin hakimiyyəti zamanı 500 minə yaxın insan həlak olmuşdur. Amin, daha çox kannibalizm iddiaları ilə məşhurluq qazanmışdır.
• 1976-cı ilin 4 iyul tarixində Uqandanın Entebbe şəhəri yaxınlığında yerləşən eyni adlı hava limanında İsrail ordusunun xüsusi təyinatlı qüvvələri tərəfindən gercəkləşdirilmiş girovların xilas edilməsi əməliyyatı nəticəsində 102 nəfər xilas edilmişdir.
• Afrikanın ən böyük gölü, dünyada isə ikinci ən böyük şirin su hövzəsi olmaq xüsusiyyətini özündə daşıyan Viktoriya gölü Tanzaniya, Keniya və Uqandanın ərazilərinə düşməkdədir.
• 1903-cü ildə Böyük Britaniyada müstəmləkələrlə bağlı məsələlərlə məşğul olan dövlət xadimi Yozef Çemberlin tərəfindən Uqanda planı adlı lahiyə irəli sürülür. Plana əsasən Rusiya imperiyası və Avropada yaşayan yəhudilər indiki Keniya ərazisində yerləşən Mau platasında xüsusi olaraq ayrılmış 13.000 km² əraziyə köçürülməli və onlara burada dövlət yaradılmalı idi.