Vikipediya:Uşaqların mühafizəsi

Qaydanın səsverməsi hal-hazırda keçirilir.

• Səsvermə müddəti: 3 may — 28 may 2024
• Qüvvədədir:

Vikipediya uşaqların təhlükəsizliyinə böyük əhəmiyyət verir. Vikipediyadan uşaqlarla qeyri-münasib münasibətlərdə olmaq üçün istifadə edən, Vikipediyada, və ya ondan kənarda uşaqlarla qeyri-adekvat münasibətləri müdafiə edən (məsələn, bu cür münasibətlərin uşaqlar üçün zərərsiz olduğunu bildirən), və ya özlərini pedofil kimi təqdim edən istifadəçilər qeyri-müəyyən müddətə bloklanır.

Vikipediya qaydaları
Prinsiplər
Beş əsas prinsip Vikipediya nə deyil? Heç bir qaydaya məhəl qoymayın
Məqalə standartları
Neytral mövqe Yoxlanılabilərlik Orijinal tədqiqata yer verməmək Yaşayan insanların bioqrafiyaları Məqalə adları Şəklin istifadə qaydası
Etika
Nəzakət Konsensus Mübahisələrin həlli Redaktə müharibəsi Qanunla təhdid olmaz Təhqir, təhdid və aqressiyaya yol verilməməlidir Məqalələrin mülkiyyəti İstifadəçi adları Vandalizm
Digər kateqoriyalar
Səhifə silmə kriteriyaları

Məlumatlandırma

Uşaqlarla qeyri-münasib münasibət qurmağa cəhd edən istifadəçilər və uşaqların şəxsi təhlükəsizliyinin təhlükə altında olduğu vəziyyətlər barədə e-poçt (info-az@wikimedia.org) vasitəsilə Vikimedia Fonduna məlumat verilməlidir. Könüllü ünsiyyət qrupu ilə yazışmalar məxfidir.

Gənc istifadəçilərə tövsiyyələr

Əgər siz Vikipediya istifadəçilərindən birinin sizin şəxsi təhlükəsizliyinizi təhdid etdiyini düşünürsünüzsə, və ya şübhələnirsinizsə, istifadəçi ilə əlaqəni kəsin və nə etməsindən asılı olmayaraq ona tamamilə məhəl qoymayın. Səbəb nə olursa olsun, bir daha əlaqə saxlamayın.

Hərhansı bir Vikipediya istifadəçisinin:

• Sizə bir yaxşılıq edəcəyini, və ya sizin yaxşılığınıza ehtiyacı olduğunu deməsi;
• ananız, və ya atanızın dostu olduğunu iddia etməsi;
• yaşınızı, cinsinizi, telefon nömrənizi və ya yaşadığınız şəhəri öyrənməyə çalışması;
• evinizin, məktəbinizin, və ya vaxt keçirdiyiniz yerlərin ünvanını soruşması;
• sizdən şəklinizi göndərməyinizi xahiş etməsi;
• aranızdakı yazışmalar barədə böyüklərə məlumat verməməyinizi xahiş etməsi;
• cinsi məzmunlu mövzular açması, suallar verməsi, paylaşım etməsi;
• və ya başqa bir şəkildə sizə zərər verəcəyi təəssüratını yaratması.

Əgər belədirsə, vəziyyəti ailənizdəki böyüklərə izah edin və bu səhifəni oxumalarını xahiş edin. Sizə kömək etməyə çalışdığını desə(lər) belə, ünvan, telefon nömrəsi və s. kimi şəxsi məlumatlarınızı, yaxud şəklinizi həmin şəxs(lər)lə paylaşmayın. Bəzi məlumatlarınızın Vikipediyada paylaşmaq üçün məxfi olub-olmadığına dair şübhəniz varsa, hətta sizdən soruşulmasa belə, bu məlumatları istifadəçi səhifənizdə və ya Vikipediyanın hər hansı bir digər hissəsində paylaşmayın.

Həmçinin bax

• Vikipediya:Vikipediya nə deyil?