Yuri Andropov

Vikipediya, açıq ensiklopediya
Keçid et: naviqasiya, axtar
Yuri Andropov
Yuri Andropov
Sov.İKP MK Baş Katibi, SSRİ Ali Soveti Rəyasət Heyətinin Sədri
12 noyabr 1982 — 9 fevral 1984
Baş nazir: Nikoly Tixonov
Sələfi: Leonid Brejnev
Xələfi: Konstantin Çernenko
 
Partiya: 1) Pin of the Flag of CPSU.png Sovet İttifaqı Kommunist Partiyası (1939-1984)
Təvəllüdü: 15 iyun 1914(1914-06-15)
Stavropol quberniyası, Rusiya imperiyası
Vəfatı: 9 fevral 1984 (69 yaşında)
Moskva, RSFSR, SSRİ
Dəfn yeri: Kreml divarının yanı
 
İmzası: İmzası

Yuri Vladimiroviç Andropov (15 iyun 1914-cü il,[1][2], [3] Stavropol quberniyası, Rusiya imperiyası9 fevral 1984-cü il Moskva) — SSRİ-nin görkəmli dövlət və partiya xadimi, 1982-1984-cü illərdə Sov.İKP MK-nın Baş Katibi, 1983-1984-cü illərdə SSRİ Ali Soveti Rəyasət Heyyətinin Sədri, SSRİ DTK sədri (1967—1982).

Həyatı[redaktə]

1914-cü il 15 iyunda Stavropol quberniyasında anadan olmuşdur.

Komsomol hərəkatlarının fəal iştirakçısı olmuş və 1939-cu ildə ÜİK(b)P sıralarına daxil olmuşdur. 1938-1940-cı illərdə RSFSR Yaroslavl vilayət komsomol təşkilatının rəhbərlərindən biri təyin edilmişdir. Daha sonralar Karel-Fin SSR-in komsomol təşkilatının rəhbəri olmuşdur. Böyük Vətən Müharibəsindən sonra Karel-Fin Kommunist Partiyasə MK-nın 2-ci katibi kimi fəaliyyət göstərmişdir.

1951-ci ildə Ümumittifaq Kommunist (bolşeviklər) Partiyası Mərkəzi Komitəsi aparatına işə keçirilir. 1953-cü ildə Macarıstana SSRİ səfiri göndərilir və 1956-cı ildə məhz onun birbaşa iştirakı ilə ölkəyə sovet qoşunları daxil olur. Öz "funksiyasını" yerinə yetirdikdən sonra Moskvaya geri çağrılır və Sov.İKP MK-ya şöbə müdiri təyin edilir.

1961-ci ildə Sov.İKP-nin XXI qurultayında o partiya Mərkəzi Komitəsinin üzvü seçilir, daha sonra isə Sov.İKP MK katibi kimi fəaliyyət göstərir. 1967-ci ildə partiya fəaliyyətindən SSRİ Dövlət Təhlükəsizlik Komitəsinə sədr göndərilir. Dövlət Təhlükəsizlik Komitəsi-nin rəhbəri kimi 1967-ci ildə partiyanın ali orqanı olan MK Siyasi Bürosu üzvlüyünə namizəd, 1972-ci ildə Siyasi Büroya üzv seçilir. Öz fəaliyyətini o əsasən antisovet və dissident hərakatına qarşı mübarizəyə həsr edir. 1976-cı il 10 sentyabrda ona ordu generalı hərbi rütbəsi verilir.

Mixail Suslovun vəfatından sonra Andropov 1982-ci ilin 24 mayında SSRİ Dövlət Təhlükəsizlik Komitəsi sədri postundan Sov.İKP MK-nın katibi vəzifəsinə keçirilir. Daha sonralar 1982-ci ilin 12 noyabrında Andropov Sov.İKP MK-nın Plenumunda MK-nın Baş Katibi seçilir. SSRİ Ali Sovetinin Rəyasət Heyyətinin sədri seçilir.

Andopov rəhbərliyi dövründə ölkədəki sosial-iqtisadi problemlərin həllinə ciddi diqqət etməyə başlayır. Ancaq bunun üçün islahatlar ancaq əmək intizamının möhkəmlənməsi ilə bitir, o sovet siyasi siteminin əsaslarına toxunmur.

Yuri Andropov 9 fevral 1984-cü ildə uzun sürən xəstəlikdən sonra vəfat edib.

Y.Andropov sovet və post sovet araşdırmalarında qətiyyətli və ziddiyyətli dövlət xadimi kimi xarakterizə edilir.

İstinadlar[redaktə]

  1. Andropovun yaxın ətraflarına dediklərinə görə o bir il geç doğulub, texnikuma daxil olmaq üçün yaşını bir il artırıbсм.
  2. " Atam məhz 1914-cü ildə doğulub" (Y.Andropovun birinci kəbindən qızı yevgeniya Volkova) ( "Караван-РОС" qəzeti, Yaroslavl qəzeti, 28.06.2004).
  3. Bəzi mənbələrdə stanisa, bəzilərində dəmir yol stansiyası.