Zəm-zəm

Vikipediya, açıq ensiklopediya
Keçid et: naviqasiya, axtar
Zəvvarlar sususluqlarını söndürürlər

Zəm-zəm suyu (ərəbcə زمزم) — Kəbənin yaxınlığında müqəddəs bulaq suyu.

Zəm-zəm ərəbcə "alçaq səslə danışmaq" mənasını verir. Bu quyu Kəbə qapısı ilə üz-üzə yerləşir. İbrahim peyğəmbərin Hicazda qoyub getdiyi körpə, İsmayıl və onun anası Hacər susuzluqdan əziyyət çəkərkən möcüzə baş vermiş, körpənin ayaqları altından su fəvvarə vurmuşdur. Dərinliyi 18, eni 14 addım olan Zəm-zəm quyusu İbrahim peyğəmbərin dövründən bu günə kimi Həccə gələn zəvvarlara, Məkkə və Mədinə şəhərlərinə milyon tonlarla su verir.

Müqəddəs sayılan bu su, bir çox hədislərdə işarə edildiyi kimi şəfalıdır. Məhəmməd peyğəmbər buyurur:

"Yer üzündəki ən xeyirli su, Zəm-zəm suyudur, O aclığı götürür və xəstələrə şəfa verir."

Bütün hədis və rəvayətlərdən aydın olur ki, Zəm-zəm ac olan insanın aclığını, susuz olanın susuzluğunu götürür, ən əsası isə xəstələrə şəfa verir.

Zəm-zəm Allahın möcüzələrindən biridir. Bu açıq-aydın quyuda aparılan tədqiqatlarda görsənmişdir. Belə ki, quyunu araşdırarkən onun mənbəyi tapılmamışdır. Bunu öyrənmək üçün tədqiqatçılar su çəkən nasoslardan istifadə etdilər, ancaq nasos suyu çəkdikcə bir möcüzə baş verdi ki, su öz səviyyəsindən enmirdi. Nə qədər cəhd edilsə də hər şey bu möcüzə qarşısında aciz qaldı. Zəm-zəm quyusunun dibi tam sudur. Oradan təzyiqlə çıxan su həqiqətən də nasosların aciz olduğunu göztərirdi. Bunu görən tədqiqatçılar sonralar tədqiq etdilər ki, Zəm-zəm quyusunun divarlarında heç bir sızıntı yoxdur. Quyuya su yerin dərinliklərindən gəlir, hansı ki, heç vaxt tükənməzdir. Hətta dünyanın hər yerində su qurusa belə, Zəm-zəm tükənməz. O dünyada olan hər bir insana bəs edər. Bundan başqa Zəm-zəm suyu Avropa laboratoriyalarında da öyrənilmişdir. O öz möcüzəsi ilə hamını heyrətə gətirdi. Belə ki, Zəm-zəm suyunun tərkibində başqa sulara nisbətən kalsium və maqnezium daha çoxdur. Bu isə susuzluğu aradan götürür. Ən maraqlısı isə odru ki, Zəm-zəm suyunu mikrobları məhv edən florla zəngindir. Bu isə onun necə də böyük möcüzə olmasını göstərir.

Yüz illərdir ki, bu su öz keyfiyyətini itirmir, qurumur, suyun həcmi azalmır, tükənmir, onun tərkibinə heç vaxt xlor əlavə edilmir. İllərlə saxlansa belə xarab olmur, öz keyfiyyətini quyudan təzə çıxmış kimi saxlayır. Başqa quyulardan fərqli olaraq onun divarlarında mamır və başqa bitkilər bitmir.

Yaponiyalı alim Masura Emoto üzərində təcrübə apararaq təsdiq etmişdir ki, bu su son dərəcə səslərə həssasdır. Su zəng səsi ilə qaralır, azan və Qurani-Kərim oxunduğundan isə aydınlaşır[1].

Mənbə[redaktə]

İstinadlar[redaktə]

  1. "Zəmzəm" suyunun sirri açıldı. (azərb.)