Vikipediya:İnzibatçılara müraciət

↓

Zəhmət olmasa, aşağıdan yeni mövzu əlavə edin

Yaxşı məqalə namizədləri

Salam. Bu səhifəyə konkret kimsə baxır? İş bölgüsünə əsasən kimin nəzarətindədir? Ümumiyyətlə kimsə, zəhmət olmasa, nəzər yetirə bilər? Əvvəlcədən təşəkkürlər. samral ^müzakirə 17:36, 5 iyul 2023 (UTC)

@Samral salam. İnzibatçıların iş bölgüsünə əsasən istiqamətlər üzrə fəaliyyət göstərən inzibatçılara baxa, onları işarələyə bilərsiniz — Toghrul R (m) 06:08, 7 iyul 2023 (UTC)

@Toghrul R, axı o cədvəldə Laboratoriya ilə bağlı heç bir başlıq filan yoxdur. Onda belə çıxır aktiv istifadəçilər olaraq özümüz edə bilərik, ya necə? samral ^müzakirə 11:46, 7 iyul 2023 (UTC)

@Samral "MN" sütununa baxa bilərsiniz. Hələ ki, inzibatçılar bu məsələni həll edirlər. Məqalə qiymətləndirənlər üçün təcrübəli istifadəçilərdən ibarət xüsusi komitə yaratmaq yaxşı olardı — Toghrul R (m) 11:56, 7 iyul 2023 (UTC)

@Baskervill və @Turkmen samral ^müzakirə 14:46, 7 iyul 2023 (UTC)

bəli DəyanətMM (müzakirə) 08:41, 12 iyul 2023 (UTC)

• @Baskervill və @Turkmen, mən sizlərin adlarını teq etməkdən yoruldum.— samral ^müzakirə 15:30, 30 iyul 2023 (UTC)

  Samral, son vaxtlar əsasən mən. Mövcud səsvermələri yekunlaşdıra bilmirəm deyə yeniləri əlavə etmirəm. --► Hörmətlə: SolaVirum 16:36, 30 iyul 2023 (UTC)

  @Solavirum, əziz həmkar, ləğv edək səsvermə sistemini. Effekt vermir də. İllərdi nəyi gözləyirik? samral ^müzakirə 16:38, 30 iyul 2023 (UTC)

  Səhv xatılamıramsa, köhnə sistem ləğv edilib yeni sistemə keçiləndə artıq müzakirə olacağı qeyd edilmişdi. Gadir (müzakirə) 16:45, 30 iyul 2023 (UTC)

  samral, mən inanmıram ki, kimsə durub bir-bir məqalələri "review" edəcək. Tətbiq edək, amma uğuruna şübhə ilə yanaşıram. --► Hörmətlə: SolaVirum 16:50, 30 iyul 2023 (UTC)

  Təəssüf ki, razıyam, haqlısınız. Gadir (müzakirə) 16:55, 30 iyul 2023 (UTC)

  @Solavirum, biz bu məsələdə ən azından "daha pis"dənsə "pis"i seçək. samral ^müzakirə 16:56, 30 iyul 2023 (UTC)

  Həqiqətən siz bir faydası olacağını düşünürsünüz? Yəni daha yaxşı vəziyyət yaranacaq? Yenə gəlib istifadəçilər səs verməyəcəklər? Gadir (müzakirə) 17:00, 30 iyul 2023 (UTC)

  samral Tam olaraq nədən yorulmusan ki ? Pul alıb, məqalə yazmısan və indidə ona status aldırmağa çalışırsan ? Yəgin ki, statuslu məqalənin "hörməti" bir ayrı olmalıdır. Gör Ensikopediyanı nə günə qoymusuz. Narahat olmayın yoldaş istifadəçi baxıb, lazım olan əlavələri edəcəm sözügedən səhifədə.— Baskervill (müzakirə) 06:57, 31 iyul 2023 (UTC)

  Mən də ödənişli redaktorluğa qarşıyam, amma mövzu bu deyil. Yazdıqlarınız heç xoş deyil, həm də çox ciddi qayda pozuntusudur. AzVikidəki qayda boşluqları başımızı hələ çox ağrıdacaq deyəsən... Ödənişli redaktorluq qadağan deyil. Vikimedia fondunun qaydalarına əsasən, istifadəçi bunu açıqlamalıdır. İstifadəçi ödəniş aldığını açıqlayırsa, problem yoxdur, amma ödənişli redaktorluq təbii olaraq maraq toqquşmalarına qədər problem yaradır. Məsələn, onlardan biri. Qadağan olunmasının da həll yolu olacağını düşünmürəm. Gadir (müzakirə) 07:19, 31 iyul 2023 (UTC)

  Mən heç kimə atak etmirəm cənab Gadir. Məsələ burasındadır ki, istifadəçi Azvikini özünün qazanç mənbəyinə çevirib və bu heç kimin xoşuna gəlmir. Başa düşdük ki, qadağan deyil və bunu hamı açıq formada bəyan etməklə edə bilər. Sadəcə burada gəlib bizə söz atmasının heç yeri yoxdur. Adam ödəniş əsasında məqalə yaradacaq, bunu namizəd kimi təqdim edəcək və ardınca da, müzakirəyə adımızı işarələyəcək ki, bəs hara baxırsız ? Lütfən, bir az ədalətli olun. Söhbət 52 dəfə bloklanmış istifadəçidən gedir bu arada. — Baskervill (müzakirə) 07:27, 31 iyul 2023 (UTC)

  Cənab Gadir mən 2 ayrı hal bilirəm ki, şəxslər müxtəlif insanlardan onlar haqqında "statuslu" məqalələr yaratmaq bəhanəsi ilə əlavə pullar alırlar. Azərbaycanca Vikipediyanı bu formada gözdən salmağa imkan vermək olarmı sizcə ? — Baskervill (müzakirə) 07:29, 31 iyul 2023 (UTC)

  Narahatlıqlarınızı başa düşürəm. Səhv anlamayın, istifadəçini nə müdafiə edirəm, nə də etdikləri düzdür deyirəm. Tərəfsiz olmağa çalışıram. İstifadəçinin ritorikasında istifadəçilərə qarşı çox ciddi problem var, bunu dəfələrlə müşahidə etmişəm, lakin bu, qayda pozuntusuna qayda pozuntusu ilə cavab verməyə icazə vermir. Qeyd etdiyim kimi, ödənişli redaktorluğa icazə var, amma bu, maraq toqquşmalarına zəmin yaratdığında çox ciddi problemlərə də yol açır. Təsəvvür edirsiniz, ensiklopedik olmayan mövzunu israrla ensiklopedikmiş kimi göstərməyə çalışmaq və fikirlərini bildirərək qarşı çıxan hər istifadəçiyə də cavab yazıb onlara bir növ təzyiq etmək və bəzən bir qədər də aqressiya göstərmək də heç də xoş hal deyil. Bəlkə də bəzi istifadəçilər bu səbəbə görə fikir bildirməkdən imtina edirlər. Bütün bunlar Vikipediyanın normal işini pozur və belə halların qarşısı vaxtında alınmalıdır ki, daha sonra bundan da ciddi problemlər yaşamayaq. Nə təklif edirsiniz? Gadir (müzakirə) 07:48, 31 iyul 2023 (UTC)

  @Gadir, əyri oturaq, düz danışaq ki, statuslu məqalələrin verilməsi prosesində islahatlar aparılmalıdır, neçə vaxtdır deyirəm ki, səsvermə sistemi ucbatından ucdan tutma məqalələr status ala bilir, istifadəçilər gözucu ilə məqaləyə baxıb, "böyükdür, bəsdir" prinsipi ilə səs verirlər. Buna görə layihəyə marağım indi yoxdur. Ödənişlə məqalə işləmək illeqal deyil, amma sırf ödəniş məsələsinə görə Məqalə namizədlərindəki bu problemin yada düşməsi mənim də xoşuma gəlmir, çünki neçə vaxtdı bu problemlərdən danışıram, qulaq asan yoxdur. Şiroi Akuma 07:47, 31 iyul 2023 (UTC)

  Qeyd etdiklərinizlə razıyam. Onu da əlavə edim ki, layihəyə aktivlik, maraq və həvəs olmadığı müddətçə bu, belə də davam edəcək, çox güman ki. Gadir (müzakirə) 07:51, 31 iyul 2023 (UTC)

  Problemin kökündəki ən böyük nüanslardan biri YM və SM qaydalarının nataman olmasıdır. AzVikidə istifadəçilərindən soruşsaq ki, "YM və SM statusları arasındakı fərq nədir?", istifadəçilərin 90%-inin verəcəyi maksimum cavab "SM-in ölçüsü YM-dan böyükdür" olacaq. Hətta hazırda statuslu məqalələr yazan tək-tük istifadəçilər də aradakı fərqlər barədə az məlumatlıdırlar. Baxırsan ki, film, anime, serial məqaləsini SM kimi təqdim edir, halbuki bu cür məqalələrdə azad olmayan fayllar çox olur və belə halda məqalə ancaq YM statusu ala bilər. İstifadəçilərin bu barədə məlumatsız olmasının səbəbi qeyd etdiyim kimi qaydaların nataman olmasından irəli gəlir. Şiroi Akuma 07:54, 31 iyul 2023 (UTC)

  Qaydaları işləmək işin asan tərəfidi. Əsas olan yenə mövzular ətrafında müzakirələr aparılmayacağı və səsvermə məkanı olacağı ehtimalının böyük olmasıdır. Gadir (müzakirə) 07:58, 31 iyul 2023 (UTC)

  Onsuz da hazırda statusu olan məqalələrin bir çoxunun statusu alınmalıdır, status üçün uyğun deyil. Gadir (müzakirə) 07:59, 31 iyul 2023 (UTC)

  söhbət tam olaraq hansı məqalədən gedir? Atakhanli (müzakirə) 08:00, 31 iyul 2023 (UTC)

  Səhv etmirəmsə, Samralın ödəniş qarşılığında yazdığı bu məqalədən. Gadir (müzakirə) 08:03, 31 iyul 2023 (UTC)

Baskervill-in məni təhqir etməsi

Bundan yuxarıdakı müzakirədə @Baskervill yazdığı ilk rəydə açıq-aşkar şəkildə və çox ağır formada məni təhqir edib. Halbuki inzibatçıların iş bölgüsünə əsasən onun və digər bir inzibatçının səlahiyyətində olan VP:L-ə nəzər yetirməsini istəmişdim, başqa heç nə. Baskervill-in bu cür rahat şəkildə VP:N qaydasını pozması başadüşüləndir. Çünki vaxtikən onun kukla hesablarının olduğu və hətta bu hesablarla səsvermələrdə iştirak etdiyi sübut ediləndə onun inzibati statusları alınıb, ömürlük bloklansaydı (qaydalara əsasən əslində bu cür olmalı idi) indi əminəm ki, o bu cür rahat şəkildə məni təhqir edə bilməzdi. Qeyd edim ki, istər sözügedən məqalə, istərsə də VP:ÖR qaydası çərçivəsində yaratdığım bütün məqalələrdə bu şeyləri VP:ÖR çərçivəsində etdiyimi rəsmən açıqlamışam. Əlavə olaraq VP:ÖR çərçivəsində məqalələr yaratdığımı istifadəçi səhifəmdə də qeyd etmişəm. Bu şeyi etdiyimi vikidüşərgə və görüşlərdə də hər zaman demişəm. Bu ayıb şey deyil. Qeyd edim ki, bu təhqir Baskervill-in ilk belə təhqiri deyil. İdarəçi təxminən 1 həftə əvvəl VP:İMZ-də yazdığı bu rəydə Elşad İmanı bəhanə edib, ad çəkmədən mən də daxil olmaqla VP:ÖR çərçivəsində məqalə yaradan bütün digər istifadəçiləri də təhqir etmişdi. Sadəcə orada ad çəkmədiyinə görə mən o məsələnin üstünə getmədim. Araz Yaquboglu, Atakhanli, Babək Akifoğlu, Burocan, Eldarado, Eminn, Nicat49,Solavirum, Sortilegus, Toghrul R, Turkmen və Wertuose xahiş edirəm bu məsələyə çox ciddi şəkildə diqqət yetirin. Hətta təklif edirəm ki, Baskervill-in inzibatçı statusunun alınması üçün səsvermə keçirilsin. Onsuz da O, illərdi inzibatçılıq səlahiyyətlərini kamil şəkildə yerinə yetirmir. Dəfələrlə bu barədə ona xəbərdarlıq edilib və irad bildirilib. O da hər dəfə söz verib ki, fəaliyyətini düzəldəcək. Amma gördüyünüz kimi nəinki düzəltmək, əksinə başqalarını təhqir edir. Digər hörmətli inzibatçılar White Demon və @Atakhanli, sizlərə də ayıb olsun ki, inzibatçı həmkarınızın məni açıq şəkildə təhqir etdiyi bir müzakirədə həmin təhqiri görməzdən gəlib, hələ bir sıradan bir müzakirə imiş kimi rəy də yazmısız. samral ^müzakirə 13:38, 31 iyul 2023 (UTC)