Ağaxan Abdullayev

Ağaxan Abdullayev
Ümumi məlumatlar
Doğum tarixi	6 fevral 1950(1950-02-06)
Doğum yeri	Bakı, Azərbaycan SSR, SSRİ
Vəfat tarixi	25 dekabr 2016(2016-12-25) (66 yaşında)
Vəfat yeri	Bakı, Azərbaycan
Vəfat səbəbi	xərçəng xəstəliyi
Vətəndaşlığı	SSRİ  Azərbaycan
Musiqiçi məlumatları
Fəaliyyəti	müğənni, aktyor, xanəndə
Fəaliyyət illəri	1975–2016
Janr	muğam
Mükafatları
Vikianbarda əlaqəli mediafayllar

Ağaxan Abdullayev — Məşhur Azərbaycan xanəndəsi, Azərbaycan Respublikasının Xalq Artisti

Həyatı

Abdullayev Ağaxan Minaxan oğlu 1950-ci ildə Bakı şəhərinin Əmircan kəndində anadan olmuşdur.

1958-1968-ci illərdə 84 saylı orta məkəbdə təhsil almışdır.

1969-1973-cü illərdə A.Zeynallı adına Orta İxtisas Muiqi Məktəbində təhsil almışdır.

1973-cü ildə Əbilov adına Mədəniyyət evində muğam ixtisası üzrə müəllim vəzifəsinə dəvət olunmuşdur.

1977-ci ildən A.Zeynallı adına musiqi məktəbində muğam müəllimi kimi çalışır.

1975-ci ildə Filarmoniyanın səhnəsində fəaliyyətə başlayıb. Rusiya, Qazaxıstan, Gürcüstan, Özbəkistan, ABŞ, Kanada, Almaniya, Hollandiya, İsveç, Belçika, Avstriya, Fransa, Avstraliya, Hindistan, İraq, Tunis, Türkiyə, İran və s. ölkələrdə konsert proqramları ilə çıxışlar edib.

25 dekabr 2016cı ildə uzun sürən xərçəng xəstəliyindən dünyasını dəyişmişdir.

Mükafatları

1992-ci ildə Azərbaycan Respublikasının Əməkdar Artisti fəxri adına, 1998-ci ildə Azərbaycan Respublikasının Xalq Artisti fəxri adına layiq görülüb. Prezident təqaüdçüsü idi.

2000-ci ildə pedaqoji fəaliyyətinə görə Azərbaycan Respublikasının Təhsil Nazirliyi Kollegiyasının Fəxri fərmanı, 2001-ci ildə Azərbaycan Respublikası Simurq Milli Mükafat Fondu, 2002-ci ildə "Humay" Milli Mükafatı, 2003-cü ildə "Yaşa Azərbaycan" mükafatı ilə təltif olunub.

10 may 2015-ci ildə Heydər Əliyev Fondunun "Qızıl çinar" beynəlxalq mükafatı ilə təltif olunub.

Uzun illər xərçəng xəstəliyindən əziyyət çəkən Böyük ustad Ağaxan Abdullayev 25 dekabr 2016-cı ildə 66 yaşında, Bakıda vəfat etmişdir. Vəsiyyətinə əsasən, Türkan qəsəbəsi kənd qəbiristanlığında valideynlərinin yanında torpağa tapşırılmışdır.

Filmoqrafiya

1. Ver sözə ehya ki... (film, 1989)
2. Dağıdılmış körpülər (film, 1996)
3. Abşeron lövhələri (film, 2004)(qısametrajlı sənədli film)(Aztv)-filmdə iştirak edən
4. Küçələrə su səpmişəm (film, 2004)
5. Ağaxan (film, 2006)
6. Bakı bağları. Nardaran (film, 2007)
7. Biz qayıdacağıq (film, 2007)
8. Biz qayıdacağıq (veriliş, 2007) (II)
9. Muğam (veriliş, 2007)
10. Əslində Ağaxan Abdullayev (2005)

Xarici keçidlər

• Xanəndə Ağaxan Abdullayevin doğum günüdür