Cəfər Bağır

Cəfər Bağır
Doğum tarixi	5 may 1912(1912-05-05)
Doğum yeri	Ordubad, Naxçıvan qəzası, İrəvan quberniyası, Rusiya imperiyası
Vəfat tarixi	17 aprel 1983(1983-04-17) (70 yaşında)
Vəfat yeri	Bakı, Azərbaycan SSR, SSRİ
Fəaliyyəti	yazıçı
Vikianbarda əlaqəli mediafayllar

Cəfər Səfər oğlu Bağırov – nasir, tərcüməçi, 1934-cü ildən Azərbaycan Yazıçılar Birliyinin üzvü.

Həyatı

Cəfər Bağır 1912-ci il mayın 5-də Naxçıvanın Ordubad rayonundakı Dəstə kəndində yoxsul ailədə doğulmuşdur. Kənd orta məktəbini bitirdikdən sonra Azərbaycan Dövlət Pedaqoji İnstitutunun fıloloji fakültəsinə daxil olmuşdur. Eyni zamanda "Gənc işçi" qəzetində şöbə müdiri işləmişdir. Bu dövrdə ilk hekayələrini qələmə almışdır. "Kommunist" qəzetində şöbə müdirinin müavini (1934-1936), "Kirovabad bolşeviki" qəzetində məsul katib (1936-1937), Yazıçılar İttifaqı Gəncə fılialının məsul katibi olmuşdur. 1955-ci ildə Bakıya qayıdıb bütün qüvvəsi ilə bədii yaradıcılığa başlamışdır. Oçerk, hekayə, miniatürlər yazmaqla yanaşı, bədii tərcümə ilə də məşğul olmuşdur. Onun rus dilindən etdiyi tərcümələr sayəsində oxucular T.Drayzer, P.Abrahams, A.Sent-Ekzüperi, R.Taqor, Əziz Nesin, M.Broden, A.Kamenova, S.Kardiaşvili kimi yazıçıların əsərləri ilə tanış olmuşlar. O, Azərbavcan Dövlət Nəşriyyatında bədii ədəbiyyat şöbəsinin müdiri (1955-1960), redaktoru (1960-1966), məsləhətçi redaktor (1966-1967), bədii tərcümə redaksiyasının müdiri (1967-1973) vəzifələrində çalışmışdır. 1973-cü ilin martından fərdi təqaüdə çıxmış və yaradıcılıqla məşğul olmuşdur. 1983-cü il aprelin 17-də vəfat etmişdir.

Əsərləri

• 1. Zəfər səsləri (oçerk). Bakı: Azərnəşr, 1932, 68 səh.
• 2. Səslər. Bakı: Azərnəşr, 1967, 226 səh.
• 3. Xəzan (miniatürlər və hekayələr). Bakı: Gənclik, 1968, 106 səh.
• 4. Babamın ürəyi (miniatürlər və hekayələr). Bakı: Azərnəşr, 1969, 164 səh.
• 5. Bir ömür azdır (miniatürlər). Bakı: Gənclik, 1971, 102 səh.
• 6. Səni görəndə. Bakı: Azərnəşr, 1973, 115 səh.
• 7. Mən yadına düşəndə. Bakı: Gənclik, 1975, 114 səh.
• 8. Miniatürlər. Bakı: Azərnəşr, 1977, 115 səh.
• 9. Bitməmiş gündəlikdən. Bakı: Yazıçı, 1979, 167 səh.
• 10.Xoşbəxt o adamlar ki. Bakı: Yazıçı, 1986, 398 səh.
• 11.Xoşbəxt o adamlar ki. Bakı: Ulu, 2014, 508 səh.

Tərcümələri

• 1. Teodor Drayzer – “Dahi”.
• 2. Teodor Drayzer – “Kerri bacı”.
• 3. Teodor Drayzer – “Cenni Herhardt”.
• 4. Berzan Yuri – “Bir məhəbbətin tarixi”.
• 5. Rabindranat Taqor – “Seçilmiş əsərləri”.
• 6. Frans Kafka – “Çevrilmə”.
• 7. Antuan de Sent-Ekzüperi – “Balaca şahzadə”.

Filmoqrafiya

1. Yoxlanılmış, inanılmış... (film, 1971)