Şahin Seyidzadə
| Şahin Seyidzadə | |
|---|---|
| Doğum tarixi | 15 aprel 1978 (46 yaş) |
| Doğum yeri | |
| Təhsili | |
| Fəaliyyəti | siyasətçi |
| Partiyası | |
| Mükafatları | Azərbaycan Respublikası Prezidentinin Fəxri Diplomu (2016), “Bakı Dövlət Universitetinin 100 illiyi (1919-2019)” Azərbaycan Respublikasının Yubiley Medalı (2019) |
| seyidzade.az | |
Şahin Kamil oğlu Seyidzadə (15 aprel 1978, Bakı, Azərbaycan SSR) - Azərbaycan Respublikası Milli Məclisinin VI çağırış deputatı (2020-ci ildən), Heydər Əliyev Fondunun “Regional İnkişaf” İctimai Birliyinin “Sosial layihələr” müsabiqəsinin (2019-cu ildən), Azərbaycan Respublikası Təhsil Nazirliyinin SABAH qruplarının İcra Komitəsinin rəhbəri (2015-ci ildən).
Həyat və təhsil
1995-ci ildə akademik Azad Mirzəcanzadənin təşəbbüsü ilə yaradılmış Həbib bəy Mahmudbəyov adına Texniki-Humanitar Liseyi bitirib. 1999-cu ildə Azərbaycan Dövlət Pedaqoji Universitetinin bakalavr, 2001-ci ildə bu universitetin, 2006-ci ildə Azərbaycan Dövlət İqtisad Universitetinin “Menecment” ixtisası, 2007-ci ildə isə İngiltərənin Mançester Universitetinin “Təhsilin təşkili və idarəetməsi ixtisası” üzrə magistr dərəcəsi alıb. Həmçinin, Sosial və İqtisadi elmlər üzrə Moskva Ali Məktəbinin “Təhsilin təşkili və idarəetməsi” ixtisası üzrə təhsil alıb. Hazırda Azərbaycan Dövlət Pedaqoji Universitetinin “Təhsilin təşkili və idarəetməsi” üzrə fəlsəfə doktorluğu üzrə dissertantıdır.
İngilis və Rus dillərində sərbəst danışa bilir. Ailəlidir, iki övladı var.
Fəaliyyət
İctimai-siyasi fəaliyyətinə 1999-ci ildən başlayan Şahin Seyidzadə, bir çox ictimai və dövlət əhəmiyyətli layihələrə rəhbərlik edib. 1999-cu ildən “Vətəndaş Cəmiyyətində Debat” İctimai Birliyinin həmtəsisçisi olan Şahin Seyidzadə, 2006-2012-cı illərdə bir sıra özəl müəssisələrin rəhbərlik vəzifələrində çalışıb. 2012-2016-cı illərdə Azərbaycan Respublikası Gənclər Təşkilatları Milli Şurasının sədri, 2012-2017-ci illərdə Azərbaycan Respublikasının Prezidenti yanında Gənclər Fondunun Müşahidə Şurasının üzvü olub. 2012-ci ildən bəri gənc sahibkarların təşəbbüslərinə dəstək verən “Youth Inc.” Sahibkarlara Dəstək Proqramının (Biznes İnkubator) həmtəsisçidir. 2013-cü ildə baş tutan Prezident seçkiləri zamanı həyata keçirilən “Mənim Prezidentim” kampaniyasının rəhbəri olmuşdur. Həmçinin 2015-ci ildə Azərbaycanda keçirilən “Avropa Oyunları” zamanı ictimai tədbirlərin təşkili, “SABAH Könüllüləri”nin inkişafı üzrə fəaliyyət göstərib. 2015-ci ildən Azərbaycan Respublikası Təhsil Nazirliyinin “Bir” Tələbə-Könüllü proqramının supervayzeri, “Azərbaycan üçün öyrət” proqramının “Təhsil Avtobusu” layihəsinin, “SABAH qrupları”nın, 2019-cu ildən isə Heydər Əliyev Fondunun təşəbbüsü ilə “Regional İnkişaf” İctimai Birliyi tərəfindən həyata keçirilən “Sosial layihələr” müsabiqəsinin rəhbəridir. Həmçinin 9 fevral 2020-ci ildə keçirilən növbədənkənar parlament seçkilərində 50 saylı Abşeron-Qobustan seçki dairəsi üzrə VI çağırış millət vəkili olaraq seçilmişdir. Azərbaycan Respublikasının Milli Məclisinin Elm və Təhsil, həmçinin Gənclər və idman Komitələrinin üzvüdür.
Mükafatları
- Gənclər siyasətinin həyata keçirilməsində səmərəli fəaliyyətinə görə “Azərbaycan Respublikası Prezidentinin Fəxri Diplomu”, 28 yanvar 2016-cı il "[2]".
- “Bakı Dövlət Universitetinin 100 illiyi (1919-2019)” Azərbaycan Respublikasının Yubiley Medalı, 6 dekabr 2019-cu il
İştirak etdiyi tədbir və təşkilatlar
- Dünya Türk Gəncləri Birliyinin (DTGB) XVI Qurultayı [1]
- MDB ölkələrinin Gənclərlə iş üzrə Şurasının iclası [2], 2012
- “Şərq Tərəfdaşlığı ölkələrinin gənclər siyasətinin dəstəklənməsi proqramı”, 2013
- Avropa Şurasının Parlament Assembleyasında iştirak [3], 2013
- Paris Sorbonna Abu Dabi Universitetində "SABAH Qrupları" tələbələri üçün keçirilən “Tənqidi düşüncə texnikası” adlı 5 günlük təlim [4], 2016
- Azərbaycan Sahibkarlar Konfederasiyası “Gənc sahibkarlarla iş komissiyası”nın sədr müavini, 2019
İstinadlar
- "ARGTMŞ sədri bir sıra görüşlər keçirib" (azərb.).
- "Millət vəkili Şahin Seyidzadə: Tibbi maska qıtlığı artıq qısa müddətdə aradan qaldırılacaq" (azərb.).