Bahadur Eyvazov
Bahadur Eyvazov | |
---|---|
Bahadur Əsgər bəy oğlu Eyvazov | |
Doğum tarixi | |
Doğum yeri | Qarğabazar, Füzuli |
Vəfat tarixi | |
Vəfat yeri | |
Həyat yoldaşı | Xurşid Ağayeva |
Elm sahələri | həkim, dermatoveneroloq |
Elmi dərəcəsi | tibb elmləri doktoru (1936) |
Elmi adı | professor (1940) |
Mükafatları |
Eyvazov Bahadur Əsgər bəy oğlu (26 oktyabr 1907, Qarğabazar, Qaryagin qəzası – 26 yanvar 1987, Bakı) — görkəmli həkim, dermatoveneroloq, tibb elmləri doktoru (1936), professor (1940), Azərbaycan SSR-nin Əməkdar həkimi (1942), Azərbaycan SSR əməkdar elm xadimi (1956).
Həyatı
Bahadur Eyvazov 26 oktyabr 1907-ci ildə Qaryagin qəzasının Qarğabazar kəndində anadan olmuşdu. Kəndlərindəki natamam məktəbi bitirəndən sonra Bakı şəhərində orta təhsil almışdı. Sonra Bakı Dövlət Universitetinin tıbb fakültəsini bitirmişdi.
1935-1937-ci illərdə Azərbaycan SSR Səhiyyə Komissarlığında elm və tibb təhsili idarəsinə başçılıq etmiş, 1938-1946-cı illərdə Azərbaycan Elmi-Tədqiqat Dəri-Zöhrəvi Xəstəlikləri İnstitutunun direktoru vəzıfəsində çalışmışdı.
1946-1964-cü illərdə N.Nərimanov adına Azərbaycan Dövlət Tibb İnstitutunun rektoru olmuşdu. 1973-cü ildən Azərbaycan SSR Elmi-Tədqiqat Hematologiya və Qanköçürmə İnstitutunun direktoru vəzifəsində çalışmışdı. Hazırda həmin institut onun adını daşıyır. Tədqiqatı əsasən, dəri-zöhrəvi xəstəliklərin klinikası və epidemiologiyasının, respublika balneoloji kurort sərvətlərinin (Naftalan nefti, Suraxanı kükürdlü suyu, Şıx mineral bulağı, Şuşa iqlim kurortu və s.) öyrənilməsinə həsr olunmuşdur.
Azərbaycan SSR Ali Sovetinin (2-ci və 5-ci çağırış) deputatı seçilmişdi.
Ailəsi
Bahadur Eyvazov Azərbaycan Cümhuriyyətinin rəhbərlərindən olan Həsən bəy Ağayevin qızı Xurşid Ağayeva ilə ailə qurmuşdu.
İstinadlar
- 26 oktyabrda doğulanlar
- 1907-ci ildə doğulanlar
- 1987-ci ildə vəfat edənlər
- Bakıda vəfat edənlər
- Azərbaycan SSR əməkdar elm xadimləri
- Əlifba sırasına görə alimlər
- Cəbrayıl qəzasında doğulanlar
- 26 yanvarda vəfat edənlər
- Dermatoloqlar
- Azərbaycan həkimləri
- Azərbaycan alimləri
- Azərbaycanlı alimlər
- Azərbaycan Tibb Universitetinin rektorları
- Füzuli rayonunda doğulanlar
- Tibb elmləri doktorları
- Professorlar
- Azərbaycan SSR Ali Sovetinin II çağırış deputatları
- Azərbaycan SSR Ali Sovetinin V çağırış deputatları