Xurşid Ağayeva

Xurşid Ağayeva
Xurşid Ağayeva
	Xurşid xanım Həsən bəy qızı Ağayeva
Doğum tarixi	20 aprel 1906
Doğum yeri	Bakı, Bakı qəzası, Bakı quberniyası, Rusiya imperiyası
Vəfat tarixi	3 dekabr 1953 (47 yaşında)
Vəfat yeri	Bakı, Azərbaycan SSR, SSRİ
Vətəndaşlığı	Rusiya İmperiyası→; Azərbaycan Xalq Cümhuriyyəti→; SSRİ
Həyat yoldaşları	Bahadur Eyvazov (1953-cü ilədək),; Əhməd bəy Pepinov (1924–1930);
Atası	Həsən bəy Ağayev
Anası	Xədicə Ağayeva
Fəaliyyəti	musiqişünas
Mükafatları

Xurşid Həsən bəy qızı Ağayeva (7 (20) aprel 1906, Bakı – 3 dekabr 1953, Bakı) — ilk azərbaycanlı musiqişünas qadın, Azərbaycan SSR əməkdar incəsənət xadimi (1943).

Həyatı

Xurşid Ağayeva 20 aprel 1906-cı ildə anadan olub.

Azərbaycan Dövlət Konservatoriyasını bitirmişdir (1935). Üzeyir Hacıbəyli haqqında ilk monoqrafiyanın müəllifidir. Azərbaycan Dövlət Konservatoriyasında musiqi tarixindən dərs demiş, elmi işlər üzrə prorektor (1944-1946) olmuşdur.

Xurşid Ağayeva 1918–1920-ci illərdə Azərbaycan Respublikası Parlamentinin ilk sədrinin birinci müavini olmuş Həsən bəy Ağayevin qızıdır. O, 1930-cu ildə isə musiqiçi müəllimlərin Moskva ixtisasartırma İnstitutuna oxumağa göndərilmişdir. Xurşid xanım musiqi nəzəriyyəsi və tarixi üzrə tədris kitablarının Azərbaycan dilinə tərcüməsi üzərində işləmişdir.

O, 1940-cı ildən Azərbaycan Dövlət Konservatoriyasının prorektoru vəzifəsində çalışmışdır.

Xurşid Ağayeva "Ü.Hacıbəyov" monoqrafiyasının, Azərbaycan musiqisinə aid məqalələrin, "XIX əsrdə Azərbaycan musiqi mədəniyyəti ocaqları" (ölümü ilə əlaqədar tamamlanmamışdır) əsərinin müəllifidir.

Xurşid Ağayeva 3 dekabr 1953-cü ildə vəfat edib.

Ailəsi

Görkəmli göz həkimi Bahadur Eyvazovun həyat yoldaşı idi.
Musiqişünas Xurşid Abdullayevanın nənəsidir.^[1]^[2]

İstinadlar

↑ "Azərbaycan Gender İnformasiya Mərkəzi - Bacılar". 5 mart 2016 tarixində arxivləşdirilib. İstifadə tarixi: 8 may 2013.
↑ ""Amerikanın Səsi" radiosu. Xurşid Abdullayeva: "37-ci ilin qorxusu anamın canında ömrünün axırınadək qalmışdı"". 28 iyun 2013 tarixində arxivləşdirilib. İstifadə tarixi: 8 may 2013.

Xarici keçidlər

Azərbaycan tarixində iz qoyan qadınlar - SİYAHI Arxivləşdirilib 2016-03-11 at the Wayback Machine

[1] "Azərbaycan Gender İnformasiya Mərkəzi - Bacılar". 5 mart 2016 tarixində arxivləşdirilib. İstifadə tarixi: 8 may 2013.

[2] ""Amerikanın Səsi" radiosu. Xurşid Abdullayeva: "37-ci ilin qorxusu anamın canında ömrünün axırınadək qalmışdı"". 28 iyun 2013 tarixində arxivləşdirilib. İstifadə tarixi: 8 may 2013.

[1]

[2]