Elçin Quliyev (general-polkovnik)

Elçin Quliyev
Elçin İsağa oğlu Quliyev
Elçin Quliyev
Azərbaycan Respublikası Dövlət Sərhəd Xidmətinin rəisi[d]
Vəzifədədir
31 iyul 2002-ci ildən
Şəxsi məlumatlar
Doğum tarixi	22 sentyabr 1967
Doğum yeri	Sumqayıt, Azərbaycan SSR
Təhsili	1982-1984 Cəmşid Naxçıvanski adına Hərbi Lisey 1984-1988 Bakı Ali Birləşmiş Komandanlıq Məktəbi
İxtisası	Hərbçi
Fəaliyyəti	siyasətçi
Atası	İsağa Quliyev
Həyat yoldaşı	Nailə Quliyeva
Uşağı	4 övlad
Dini	İslam
Hərbi xidmət
Xidmət illəri	1988-h.h.
Mənsubiyyəti	SSRİ (1988-1991) Azərbaycan (1991-h.h.)
Rəhbərlik edib	Sərhəd Qoşunları
Rütbəsi	General-polkovnik
Təltifləri
Vikianbarda əlaqəli mediafayllar

Elçin İsağa oğlu Quliyev (22 sentyabr 1967, Sumqayıt şəhəri, Azərbaycan SSR) — Azərbaycan Respublikası Dövlət Sərhəd Xidmətinin rəisi, general-polkovnik.

Həyatı

Elçin İsağa oğlu Quliyev 22 sentyabr 1967-ci ildə Sumqayıt şəhərində anadan olmuşdur. 1974-1982-ci illərdə Sumqayıtda 20 və 23 saylı məktəblərdə orta təhsil almış, 1984-cü ildə Cəmşid Naxçıvanski adına Hərbi Liseyi, 1988-ci ildə isə Bakı Ali Birləşmiş Komandanlıq Məktəbini bitirmişdir.

1988-ci ildən həqiqi hərbi xidmətdədir. 1988-1992-ci illərdə SSRİ Silahlı Qüvvələrində (Sovet Ordusunun Polşada yerləşən Şimal Qrupunda) müxtəlif zabit vəzifələrində xidmət etmiş, 1992-ci ildə Xudat əlahiddə nəzarət buraxılış məntəqəsinin rəisi, 1996-2001-ci illərdə isə Xudat sərhəd dəstəsinin rəisi vəzifələrində işləmişdir.

27 mart 2001-ci il tarixindən 31 iyul 2002-ci il tarixinədək Azərbaycan Respublikası Milli təhlükəsizlik nazirinin müavini — Sərhəd Qoşunlarının Komandanı vəzifəsində çalışmışdır.

Azərbaycan Respublikasının Prezidentinin 31 iyul 2002-ci il tarixli 743 nömrəli Fərmanı ilə Azərbaycan Respublikası Dövlət Sərhəd Xidmətinin rəisi — Sərhəd Qoşunlarının Komandanı təyin edilmiş, 5 iyun 2017-ci il tarixinədək bu vəzifədə çalışmışdır.

Azərbaycan Respublikasının Prezidentinin 5 iyun 2017-ci il tarixli Sərəncamı ilə Azərbaycan Respublikası Dövlət Sərhəd Xidmətinin rəisi təyin edilib.

Azərbaycan Respublikasının Prezidentinin 15 avqust 2001-ci il tarixli 556 nömrəli Fərmanı ilə general-mayor, 17 may 2003-cü il tarixli 869 nömrəli Fərmanı ilə general-leytenant, 15 avqust 2014-cü il tarixli 683 nömrəli Sərəncamı ilə general-polkovnik hərbi rütbəsi verilmişdir.

2009-cu ilin mart ayından Azərbaycan Atçılıq Federasiyasının prezidentidir.

Ailəsi

Nailə Quliyeva adlı xanım ilə ailəlidir, 4 övladı var.

Mükafatları

Azərbaycan Respublikası dövlət sərhədinin mühafizəsinin təmin edilməsində xüsusi xidmətlərinə görə, "Azərbaycan Bayrağı" ordeni ilə təltif edilmişdir. Azərbaycan Respublikası Prezidentinin sərəncamı ilə 2018 -ci ildə Vətənə Xidmətə görə 1-ci dərəcəli ordenlə təltif edilmişdir.