Nazim Rzayev
| Nazim Rzayev | |
|---|---|
 | |
| Ümumi məlumatlar | |
| Doğum tarixi | |
| Doğum yeri | Bakı, Bakı qəzası, Azərbaycan SSR, ZSFSR, SSRİ |
| Vəfat tarixi | (81 yaşında) |
| Vəfat yeri | Əskişəhər, Türkiyə |
| Musiqiçi məlumatları | |
| Fəaliyyəti | dirijor, konsertmeyster |
| Janr | klassik musiqi |
| Musiqi aləti | skripka |
| Təhsili | Moskva Dövlət Konservatoriyası (1951) |
| Mükafatları |
     |
Nazim Əsədulla oğlu Rzayev (14 fevral 1925, Bakı – 2 may 2006, Əskişəhər) — Azərbaycan dirijoru, Azərbaycan SSR xalq artisti (1977), SSRİ (1980) və Azərbaycan (1974) Dövlət mükafatları laureatı, professor (1985).
Həyatı
Nazim Rzayev 14 fevral 1925-ci ildə Bakıda anadan olmuşdur. 1951-ci ildə Moskva Dövlət Konservatoriyasını skripka sinfi üzrə bitirmişdir. 1958–1960-ci illərdə Azərbaycan Dövlət Akademik Opera və Balet Teatrının dirijoru olmuş, 1960–1963-cü illərdə Moskvada Böyük Teatrda təcrübə keçmişdir. 1964-cü ildən təşkil etdiyi Azərbaycan Dövlət Kamera Orkestrinin bədii rəhbəri və baş dirijoru olmuşdur.[1] Sonrakı illərdə Türkiyədə işləmişdir. Üzeyir Hacıbəyovun bir neçə əsərinə dirijorluq etmişdir. 1984–1985-ci illər teatr mövsümündə Ankara Dövlət Opera və Balet Teatrında Üzeyir Hacıbəyovun "Arşın mal alan" musiqili komediyasının quruluşçu dirijoru olmuşdur.
Dirijorun repertuarına rus və xarici ölkə klassiklərinin, sovet və Azərbaycan bəstəkarlarının balet və simfonik əsərləri daxildir. Rəhbərlik etdiyi orkestrlə SSRİ-nin bir sıra şəhərlərində, xarici ölkələrdə qastrolda olmuşdur.[1]
Nazim Rzayev pedaqoji fəaliyyətlə də məşğul olmuş, 1968-ci ildə dosent,[1] 1985-ci ildə professor adlarını almışdır.
Nazim Rzayev 2 may 2006-cı ildə Əskişəhərdə vəfat etmişdir.[2]
Təltif və mükafatları
- "Azərbaycan SSR xalq artisti" fəxri adı — 29 iyun 1977
- "Azərbaycan SSR əməkdar artisti" fəxri adı — 26 aprel 1958
- SSRİ Dövlət mükafatı — 6 noyabr 1980
- Azərbaycan SSR Dövlət mükafatı — 26 aprel 1974
- "Şərəf Nişanı" ordeni — 9 iyun 1959
Filmoqrafiya
Dirijoru olduğu filmlər
- Arşın mal alan (film, 1965)
- Biri vardı, biri yoxdu... (film, 1967)
- Bizim Cəbiş müəllim (film, 1969)
- Əmək və qızılgül (film, 1962)
- Gilas ağacı (film, 1972)
- Göyçək Fatma (film, 1973)
- İntibah (film, 1972)
- Qaraca qız (film, 1966)
- Qəzəlxan (film, 1991)
- Qızıl qaz (film, 1972)
- Mən ki gözəl deyildim (film, 1968)
- Mücrü (film, 1973)
- Torpaq. Dəniz. Od. Səma (film, 1967)
- Yaşamaq gözəldir, qardaşım! (film, 1966)
İstinadlar
- ↑ 1 2 3 РЗАЈЕВ Назим Әсәдулла оғлу // Азәрбајҹан Совет Енсиклопедијасы: [10 ҹилддә]. VIII ҹилд: Прадо—Спринт. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1984. С. 145.
- ↑ "Tanınmış Azərbaycan dirijoru Nazim Rzayev Türkiyədə dünyasını dəyişib". trend.az. 2 may 2006. 27 noyabr 2020 tarixində arxivləşdirilib. İstifadə tarixi: 27 noyabr 2020.
- 14 fevralda doğulanlar
- 1925-ci ildə doğulanlar
- 81 yaşında vəfat edənlər
- 2 mayda vəfat edənlər
- 2006-cı ildə vəfat edənlər
- Azərbaycan SSR xalq artistləri
- Azərbaycan SSR əməkdar artistləri
- SSRİ Dövlət mükafatı laureatları
- Azərbaycan SSR Dövlət mükafatı laureatları
- "Şərəf nişanı" ordeni ilə təltif edilənlər
- Əlifba sırasına görə musiqiçilər
- Bakıda doğulanlar
- Əskişəhərdə vəfat edənlər
- Azərbaycan dirijorları
- Azərbaycanlı dirijorlar