Alidə Mustafayeva

Vikipediya, azad ensiklopediya
Burocan (müzakirə | töhfələr) (vikimübaliğə) tərəfindən edilmiş 22:32, 15 avqust 2021 tarixli redaktə
Naviqasiyaya keç Axtarışa keç
Alidə Mustafayeva
Fayl:Alida Mustafayeva.jpg
Doğum tarixi (36 yaş)
Doğum yeri Bakı, Azərbaycan SSR
Vətəndaşlığı Azərbaycan Azərbaycan
Atası Fərhad Mustafayev
Anası İradə Kəsəmənli
Təhsili
Fəaliyyəti televiziya aparıcısı
Fəaliyyət illəri 2009 - indiyədək

Alidə Fərhad qızı Mustafayeva və ya Alidə Fərhadqızı (30 avqust 1987, Bakı) — azərbaycanlı aparıcı.[1][2][3]

Həyatı

Mustafayeva Alidə Fərhad qızı 30 avqust 1987-ci ildə Bakıda ziyalı ailəsində doğulub. Atası elmlər namizədi, dosent Mustafayev Fərhad Məhəmməd oğlu Qazaxın Aşağı Salahlı kəndində tanınmış Səməd Ağa Mustafayevin nəvəsidir. Anası Kəsəmənli İradə Baba qızı Ağstafanın Qıraq Kəsəmən kəndində tanınmış Səlim bəyin nəvəsidir. 2004-cü ildə Nəsimi rayonu Samir Hacıyev adına 5 saylı orta məktəbi bitirib. 2008-ci ildə Azərbaycan Dillər Universitetinin Avropaşünaslıq və Beynəlxalq Münasibətlər fakültəsinin amerikaşünaslıq ixtisasını fərqlənmə diplomu ilə bitirib. 2007-ci il sentyabr ayının 27-dən oktyabr ayının 27-dək Azərbaycan Respublikası Milli Məclis Aparatının Beynəlxalq münasibətlər şöbəsində istehsalat təcrübəsi keçib. 7 dekabr 2009-cu il tarixində ATV-də seçimlərdən keçərək, işə götürülüb. İlk olaraq Səhər Proqramı çərçivəsində "Binaların tarixi" və "Yazarlar" rubrikalarını hazırlayıb və aparıb. 2010-cu ilin sentyabr ayının 17-də "106" və "106.3 FM" dalğalarında "Son xəbər"i təqdim edib. 2011-ci il 20 iyun tarixindən ATV-də "Son Xəbər"in aparıcısı olub. Müxtəlif vaxtlarda xəbərlərlə yanaşı, "ATV İqtisadiyyat", "ATV Dünya" proqramlarının aparıcısı olub. 2016-cı il 8 aprel tarixində ATV-dən ayrılıb. 2016-cı il 4 iyul tarixindən ANS-də "Salam, Azərbaycan" və "Xəbərçi" proqramlarını aparıb. 2016-cı il 18 iyul tarixdən fəaliyyətini dayandıran kanalla yolları ayrılıb. 2017-ci il 5 yanvar tarixdən Azərbaycan Televiziyasında işə qəbul edilib.[4] Həmin il 14 yanvar tarixdən "Xəbərlər" informasiya proqramında aparıcı olaraq fəaliyyətə başlayıb. 2017-ci il sentyabrın 8-də AzTV-dən ayrılıb. 11 sentyabr 2017-ci il tarixdə İctimai Televiziya və Radio Yayımları Şirkətində "Carçı" İnformasiya Proqramının və "90 FM"-də "Xəbər vaxtı" proqramının aparıcısı kimi fəaliyyətə başlayıb. 2019-cu ildə "Diqqət Mərkəzi", "Diqqət Mərkəzi Yekun" proqramlarının aparıcısı olub.[5] 2017-ci il sentyabrın 11-dən 2021-ci il yanvarın 21-dək İTV-də "İTV Xəbər" və İctimai Radioda xəbərlər buraxılışını təqdim edib. 2019-cu ildə İctimai Televiziya və Radio Yayımları Şirkəti tərəfindən müxbir kimi Prezident Administrasiyasına akreditə olub. 21 yanvar 2021-ci ildə İTV-dən ayrılıb, 1 fevral 2021-ci ildən yenidən AzTV-də fəaliyyətə başlayıb.

Apardığı tədbirlər

Alidə Mustafayevanın fəaliyyətində beynəlxalq tədbirlər, xüsusilə idman yarışları üstünlük təşkil edir.

  • 4 Aprel 2014-cü ildə Heydər Əliyev Fondunun və Heydər Əliyev Mərkəzinin birgə layihəsi çərçivəsində dahi alman bəstəkarı Rixard Vaqnerin Heydər Əliyev Mərkəzində təşkil olunmuş "Mənim həyatım" kitabının təqdimat mərasiminin aparıcısı olmuşdur.[6][7][8]
  • 2015-ci ildə Azərbaycanın ev sahibliyi etdiyi 1-ci Avropa Oyunlarının "Xanım səsi" seçilmiş və bütün arenalardakı idman növü ilə bağlı məlumat xarakterli mətnləri həm ingilis, həm də azərbaycanca səsləndirmişdir.
  • Azərbaycanda keçirilən "1-ci Avropa Oyunları"nda Triatlon yarışları və 3x3 Basketbol Oyunlarında aparıcı olmuşdur.
  • 2017-ci ildə Azərbaycanda keçirilən 4-cü İslam Həmrəyliyi Oyunlarında Cüdo yarışlarının aparıcı və şərhçisi olmuşdur.
  • 9 iyun 2018-ci ildə "Birlik" xeyriyyə təşkilatının "Müşfiq" əlil uşaqlara yardım ictimai birliyi və 6 nömrəli uşaq-somatik sanatoriyasının uşaqları üçün təşkil etdiyi xeyriyyə tədbirinin aparıcısı olmuşdur.
  • 16 oktyabr 2018-ci ildə Azərbaycan Respublikası Müharibə, Əmək və Silahlı Qüvvələr Veteranları Təşkilatının 30 illik yubileyi ilə bağlı Dövlət Təhlükəsizliyi Xidmətinin Şəhriyar adına Mədəniyyət Mərkəzində keçirilən tədbirin Azərbaycan və rusdilli aparıcısı olmuşdur. Tədbirdə ölkəmizlə yanaşı, Rusiya, Qazaxıstan, Belarus, Özbəkistan və digər ölkələrdən də veteranlar iştirak etmişdir.
  • 18 sentyabr 2018-ci ildə Beynəlxalq Cüdo Federasiyasının "Şöhrət Zalı" (IJF -Hall of Fame) adı altında Buta Palace-da təşkil etdiyi qala gecənin ingilisdilli aparıcısı olmuşdur. (Tədbirə dünya şöhrətli Al Bano Carissi yekun vurmuşdur.)
  • 2019-cu ildə yeni təcrübə imkanları qazanmaq üçün Formula-1 Azərbaycan Qran-Prisində marşal olaraq iştirak etmişdir.
  • 2019-cu ildə Azərbaycanda keçirilən Avropa Gənclər Yay Olimpiya Festivalında Voleybol oyunlarının həm ingilis, həm də Azərbaycan dillərində aparıcısı və şərhçisi olmuşdur.
  • 12 may 2019-cu ildə Yaxt Klubda ümummilli lider Heydər Əliyevin xatirəsinə həsr olunan Cüdo üzrə "Böyük Dəbilqə" turnirinin bağlanışına həsr olunan qala gecənin ingilisdilli aparıcısı olmuşdur.
  • 4 may 2019-cu ildə ümummilli lider Heydər Əliyevin doğum günü və Heydər Əliyev Fondunun 15 illiyi münasibətilə Gəncə şəhərində təşkil olunmuş tədbirin aparıcısı olmuşdur.[9]
  • 10 oktyabr 2019-cu ildə Azərbaycan Nar İstehsalçıları və İxracatçıları Assosiasiyasının təsis edilməsinin 3 illiyinə və Assosiasiyaya fəxri üzvlərin qəbul edilməsinə həsr edilmiş tədbirin aparıcısı olmuşdur.
  • 26 dekabr 2019-cu ildə Heydər Əliyev Mərkəzində Mərkəzin və Heydər Əliyev Fondunun Regional İnkişaf İctimai Birliyi ilə ərsəyə gətirdiyi "Azərbaycanım" fotomüsabiqəsinin mükafatlandırma mərasiminin aparıcısı olmuşdur.[10]
  • 2 fevral 2020-ci ildə Biləsuvarda Heydər Əliyev Mərkəzində təşkil edilmiş Heydər Əliyev Fondunun vitse-prezidenti Leyla Əliyevanın təşəbbüsü ilə baş tutan "Xocalıya Ədalət" beynəlxalq kampaniyası çərçivəsində keçirilən "Xocalı- tarixin qan yaddaşı" adlı beynəlxalq rəsm sərgisinin aparıcısı olmuşdur.
  • 16 fevral 2020-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən "Xocalıya Ədalət" kampaniyası çərçivəsində Quba Soyqırım Memorial Kompleksində "Xocalı - tarixin qan yaddaşı" rəsm sərgisinin aparıcısı olmuşdur.
  • 17 fevral 2020-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən "Xocalıya Ədalət" kampaniyası çərçivəsində YAP Gəncə şəhər təşkilatında baş tutan "Xocalı - tarixin qan yaddaşı" rəsm sərgisinin aparıcısı olmuşdur.[11]
  • 18 fevral 2020-ci ildə Heydər Əliyev Fondunun vitse-prezidenti Leyla Əliyevanın "Xocalıya Ədalət" kampaniyası çərçivəsində Azərbaycanın Gürcüstandakı səfirliyi və "EMedia Group"un təşkilatçılğı ilə Tbilisidə M.F.Axundovun ev muzeyində keçirilən "Xocalı tarixin qan yaddaşı" sərgisinin aparıcısı olmuşdur.[12]

Mükafatları

  • 2018-ci ildə "Xəbəri özünəməxsus şəkildə tamaşaçıya çatdırmaq bacarığına görə" - "İlin istedadlı Personası" - "Mətbuat firması" tərəfindən "Diplom Persona" mükafatı ilə təltif edilmişdir.
  • 2018-ci ildə general-polkovnik Tofiq Ağahüseynov tərəfindən Azərbaycan Respublikası Müharibə, Əmək və Silahlı Qüvvələr Veteranları Təşkilatının "30 il" yubiley medalı ilə təltif edilmişdir.
  • 2019-cu ildə "Peşəkar Televiziya Fəaliyyətinə görə" Mətbuatın dostu - Milli Müstəqil Mükafatı ilə təltif edilmişdir.
  • 2019-cu ildə "Televiziya sahəsində göstərdiyi peşəkar fəaliyyətə görə" "İlin işgüzar xanımı" mükafatı ilə təltif edilmişdir.[13]
  • 2019-cu ildə "Peşəkar televiziya fəaliyyətinə görə "İlin səmimiyyət personası" mükafatı ilə təltif edilmişdir.
  • 2019-cu ildə "Azərbaycan mətbuatında və informasiya tarixində faydalı iştirakına görə" "EMedia Group" tərəfindən "The best of Azerbaijan- 2019" mükafatı ilə təltif edilmişdir.
  • 2021-ci ildə "Səmimiyyəti ilə tamaşaçıların rəğbətini qazanmaq bacarığına görə" "İlin işgüzar xanımı" mükafatı ilə təltif edilmişdir.[14]

İstinadlar

  1. ↑ "Alidə Mustafayeva: İşimi heç vaxt şəxsi həyatıma qurban vermərəm - VİDEOMÜSAHİBƏ" (az.). azxeber.com. İstifadə tarixi: 2020-06-17.
  2. ↑ "ATV-nin yeni siması Alidə Mustafayeva: "Hərdən özümü tanıya bilmirəm" - MÜSAHİBƏ" (az.). modern.az. İstifadə tarixi: 2020-06-17.
  3. ↑ "Azərbaycanın gözəl aparıcısı illər sonra yenidən efirdə" (az.). sputnik.az. İstifadə tarixi: 2020-06-17.
  4. ↑ "Alidə Mustafayeva AZTV-də - FOTO" (az.). news.day.az. İstifadə tarixi: 2020-06-17.
  5. ↑ "İTV-də yeni veriliş: "Diqqət Mərkəzi - Yekun"" (az.). azvision.az. İstifadə tarixi: 2020-06-17.[ölü keçid]
  6. ↑ "Heydər Əliyev Mərkəzində dahi alman bəstəkarı Rixard Vaqnerin "Mənim həyatım" kitabının təqdimatı keçirilib" (az.). heydar-aliyev-foundation.org. İstifadə tarixi: 2020-06-17.
  7. ↑ "Heydər Əliyev Mərkəzində dahi alman bəstəkarı Rixard Vaqnerin "Mənim həyatım" kitabının təqdimatı keçirilmişdir" (az.). azertag.az. İstifadə tarixi: 2020-06-17.
  8. ↑ "Heydər Əliyev Mərkəzində alman bəstəkarı Rixard Vaqnerin "Mənim həyatım" kitabının təqdimatı keçirilib - FOTO" (az.). news.milli.az. İstifadə tarixi: 2020-06-17.
  9. ↑ "Heydər Əliyev Fondu mayın 4-də Gəncədə konsert təşkil edəcək" (az.). yenigence.com. İstifadə tarixi: 2020-06-17.
  10. ↑ ""Azərbaycanım" - foto müsabiqəsi keçirilir" (az.). riib.az/. İstifadə tarixi: 2020-06-17.
  11. ↑ "Gəncədə 'Xocalı tarixin qan yaddaşı' beynəlxalq sərgisi keçiriləcək" (az.). ganjanews.az. İstifadə tarixi: 2020-06-17.
  12. ↑ "Tbilisidə "Xocalı: tarixin qan yaddaşı" adlı sərgi açılıb" (az.). azertag.az. İstifadə tarixi: 2020-06-17.
  13. ↑ ""İlin işgüzar xanım"ı hansı məşhurlar oldu? - (+FOTOLAR)" (az.). azpress.az. İstifadə tarixi: 2020-06-17.
  14. ↑ "İl ərzində seçilən bu xanımlar mükafatlandırıldı". news24.az (az.).

Xarici keçidlər

Mənbə — "https://az.wikipedia.org/w/index.php?title=Alidə_Mustafayeva&oldid=6101549"