Alidə Mustafayeva

Vikipediya, azad ensiklopediya
Jump to navigation Jump to search
Alidə Mustafayeva
Alidə Fərhad qızı Mustafayeva
Alidə Fərhadqızı.jpg
Doğum tarixi (34 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Atası Fərhad Mustafayev
Anası İradə Kəsəmənli
Təhsili
Fəaliyyəti televiziya aparıcısı
Fəaliyyət illəri 2009 - indiyədək

Alidə Fərhad qızı Mustafayeva və ya Alidə Fərhadqızı (30 avqust 1987, Bakı) — azərbaycanlı aparıcı.[1][2][3]

Həyatı[redaktə | mənbəni redaktə et]

Mustafayeva Alidə Fərhad qızı 30 avqust 1987-ci ildə Bakıda ziyalı ailəsində doğulub. Atası elmlər namizədi, dosent Mustafayev Fərhad Məhəmməd oğlu Qazaxın Aşağı Salahlı kəndində tanınmış Səməd Ağa Mustafayevin nəvəsidir. Anası Kəsəmənli İradə Baba qızı Ağstafanın Qıraq Kəsəmən kəndində tanınmış Səlim bəyin nəvəsidir. 2004-cü ildə Nəsimi rayonu Samir Hacıyev adına 5 saylı orta məktəbi bitirib. 2008-ci ildə Azərbaycan Dillər Universitetinin Avropaşünaslıq və Beynəlxalq Münasibətlər fakültəsinin amerikaşünaslıq ixtisasını fərqlənmə diplomu ilə bitirib. 2007-ci il sentyabr ayının 27-dən oktyabr ayının 27-dək Azərbaycan Respublikası Milli Məclis Aparatının Beynəlxalq münasibətlər şöbəsində istehsalat təcrübəsi keçib. 7 dekabr 2009-cu il tarixində ATV-də seçimlərdən keçərək, işə götürülüb. İlk olaraq Səhər Proqramı çərçivəsində "Binaların tarixi" və "Yazarlar" rubrikalarını hazırlayıb və aparıb. 2010-cu ilin sentyabr ayının 17-də "106" və "106.3 FM" dalğalarında "Son xəbər"i təqdim edib. 2011-ci il 20 iyun tarixindən ATV-də "Son Xəbər"in aparıcısı olub. Müxtəlif vaxtlarda xəbərlərlə yanaşı, "ATV İqtisadiyyat", "ATV Dünya" proqramlarının aparıcısı olub. 2016-cı il 8 aprel tarixində ATV-dən ayrılıb. 2016-cı il 4 iyul tarixindən ANS-də "Salam, Azərbaycan" və "Xəbərçi" proqramlarını aparıb. 2016-cı il 18 iyul tarixdən fəaliyyətini dayandıran kanalla yolları ayrılıb. 2017-ci il 5 yanvar tarixdən Azərbaycan Televiziyasında işə qəbul edilib.[4] Həmin il 14 yanvar tarixdən "Xəbərlər" informasiya proqramında aparıcı olaraq fəaliyyətə başlayıb. 2017-ci il sentyabrın 8-də AzTV-dən ayrılıb. 11 sentyabr 2017-ci il tarixdə İctimai Televiziya və Radio Yayımları Şirkətində "Carçı" İnformasiya Proqramının və "90 FM"-də "Xəbər vaxtı" proqramının aparıcısı kimi fəaliyyətə başlayıb. 2019-cu ildə "Diqqət Mərkəzi", "Diqqət Mərkəzi Yekun" proqramlarının aparıcısı olub.[5] 2017-ci il sentyabrın 11-dən 2021-ci il yanvarın 21-dək İTV-də "İTV Xəbər" və İctimai Radioda xəbərlər buraxılışını təqdim edib. 2019-cu ildə İctimai Televiziya və Radio Yayımları Şirkəti tərəfindən müxbir kimi Prezident Administrasiyasına akreditə olub. 21 yanvar 2021-ci ildə İTV-dən ayrılıb, 1 fevral 2021-ci ildən yenidən AzTV-də fəaliyyətə başlayıb.[6]

4 may 2022-ci il tarixindən Azərbaycan Respublikası Rəqəmsal İnkişaf və Nəqliyyat Nazirliyinin tabeliyində olan “Aztelekom” Məhdud Məsuliyyətli Cəmiyyətinin Kommersiya departamentinin ictimaiyyətlə əlaqələr üzrə meneceri vəzifəsində çalışır.[7][8]

Mükafatları[redaktə | mənbəni redaktə et]

  • 2018-ci ildə "Xəbəri özünəməxsus şəkildə tamaşaçıya çatdırmaq bacarığına görə" - "İlin istedadlı Personası" - "Mətbuat firması" tərəfindən "Diplom Persona" mükafatı ilə təltif edilmişdir.
  • 2018-ci ildə general-polkovnik Tofiq Ağahüseynov tərəfindən Azərbaycan Respublikası Müharibə, Əmək və Silahlı Qüvvələr Veteranları Təşkilatının "30 il" yubiley medalı ilə təltif edilmişdir.
  • 2019-cu ildə "Peşəkar Televiziya Fəaliyyətinə görə" Mətbuatın dostu - Milli Müstəqil Mükafatı ilə təltif edilmişdir.
  • 2019-cu ildə "Televiziya sahəsində göstərdiyi peşəkar fəaliyyətə görə" "İlin işgüzar xanımı" mükafatı ilə təltif edilmişdir.[9]
  • 2019-cu ildə "Peşəkar televiziya fəaliyyətinə görə "İlin səmimiyyət personası" mükafatı ilə təltif edilmişdir.
  • 2019-cu ildə "Azərbaycan mətbuatında və informasiya tarixində faydalı iştirakına görə" "EMedia Group" tərəfindən "The best of Azerbaijan- 2019" mükafatı ilə təltif edilmişdir.
  • 2021-ci ildə "Səmimiyyəti ilə tamaşaçıların rəğbətini qazanmaq bacarığına görə" "İlin işgüzar xanımı" mükafatı ilə təltif edilmişdir.[10]

Apardığı tədbirlər[redaktə | mənbəni redaktə et]

  • 4 Aprel 2014-cü ildə Heydər Əliyev Fondunun və Heydər Əliyev Mərkəzinin birgə layihəsi çərçivəsində dahi alman bəstəkarı Rixard Vaqnerin Heydər Əliyev Mərkəzində təşkil olunmuş "Mənim həyatım" kitabının təqdimat mərasiminin aparıcısı olmuşdur.[11][12][13]
  • 4 may 2019-cu ildə ümummilli lider Heydər Əliyevin doğum günü və Heydər Əliyev Fondunun 15 illiyi münasibətilə Gəncə şəhərində təşkil olunmuş tədbirin aparıcısı olmuşdur.[14]
  • 26 dekabr 2019-cu ildə Heydər Əliyev Mərkəzində Mərkəzin və Heydər Əliyev Fondunun Regional İnkişaf İctimai Birliyi ilə ərsəyə gətirdiyi "Azərbaycanım" fotomüsabiqəsinin mükafatlandırma mərasiminin aparıcısı olmuşdur.[15]
  • 17 fevral 2020-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən "Xocalıya Ədalət" kampaniyası çərçivəsində YAP Gəncə şəhər təşkilatında baş tutan "Xocalı - tarixin qan yaddaşı" rəsm sərgisinin aparıcısı olmuşdur.[16]
  • 18 fevral 2020-ci ildə Heydər Əliyev Fondunun vitse-prezidenti Leyla Əliyevanın "Xocalıya Ədalət" kampaniyası çərçivəsində Azərbaycanın Gürcüstandakı səfirliyi və "EMedia Group"un təşkilatçılğı ilə Tbilisidə M.F.Axundovun ev muzeyində keçirilən "Xocalı tarixin qan yaddaşı" sərgisinin aparıcısı olmuşdur.[17]
  • 6 dekbar 2021-ci ildə İcbari Tibbi Sığorta üzrə Dövlət Agentliyinin təşəbbüsü və Novo Nordisk şirkətinin dəstəyi ilə “Virtual Diabet Məktəbi” layihəsinin “JW Marriott Absheron Baku” oteldə keçirilən təqdimat mərasiminin aparıcısı olmuşdur.[18]

İstinadlar[redaktə | mənbəni redaktə et]

  1. "Alidə Mustafayeva: İşimi heç vaxt şəxsi həyatıma qurban vermərəm - VİDEOMÜSAHİBƏ" (az.). azxeber.com. İstifadə tarixi: 2020-06-17.
  2. "ATV-nin yeni siması Alidə Mustafayeva: "Hərdən özümü tanıya bilmirəm" - MÜSAHİBƏ" (az.). modern.az. İstifadə tarixi: 2020-06-17.
  3. "Azərbaycanın gözəl aparıcısı illər sonra yenidən efirdə" (az.). sputnik.az. İstifadə tarixi: 2020-06-17.
  4. "Alidə Mustafayeva AZTV-də - FOTO" (az.). news.day.az. İstifadə tarixi: 2020-06-17.
  5. "İTV-də yeni veriliş: "Diqqət Mərkəzi - Yekun"" (az.). azvision.az. 2021-08-15 tarixində orijinalından arxivləşdirilib. İstifadə tarixi: 2020-06-17.
  6. "Məşhur aparıcı bundan sonra AzTV-də efirə çıxacaq". İstifadə tarixi: 18 noyabr 2021.
  7. https://marja.az/87176/aztelekoma-sozcu-teyin-olunub?fbclid=IwAR1AnhAXbbKS7akv7gJLS-wMjjRWoDYvgzIwGCE7IKS3STphLlNZkZ-JdZ8
  8. https://baku.ws/politics/149288
  9. ""İlin işgüzar xanım"ı hansı məşhurlar oldu? - (+FOTOLAR)" (az.). azpress.az. İstifadə tarixi: 2020-06-17.
  10. "İl ərzində seçilən bu xanımlar mükafatlandırıldı". news24.az (az.).
  11. "Heydər Əliyev Mərkəzində dahi alman bəstəkarı Rixard Vaqnerin "Mənim həyatım" kitabının təqdimatı keçirilib" (az.). heydar-aliyev-foundation.org. İstifadə tarixi: 2020-06-17.
  12. "Heydər Əliyev Mərkəzində dahi alman bəstəkarı Rixard Vaqnerin "Mənim həyatım" kitabının təqdimatı keçirilmişdir" (az.). azertag.az. İstifadə tarixi: 2020-06-17.
  13. "Heydər Əliyev Mərkəzində alman bəstəkarı Rixard Vaqnerin "Mənim həyatım" kitabının təqdimatı keçirilib - FOTO" (az.). news.milli.az. İstifadə tarixi: 2020-06-17.
  14. "Heydər Əliyev Fondu mayın 4-də Gəncədə konsert təşkil edəcək" (az.). yenigence.com. İstifadə tarixi: 2020-06-17.
  15. ""Azərbaycanım" - foto müsabiqəsi keçirilir" (az.). riib.az/. İstifadə tarixi: 2020-06-17.
  16. "Gəncədə 'Xocalı tarixin qan yaddaşı' beynəlxalq sərgisi keçiriləcək" (az.). ganjanews.az. 2020-02-05 tarixində orijinalından arxivləşdirilib. İstifadə tarixi: 2020-06-17.
  17. "Tbilisidə "Xocalı: tarixin qan yaddaşı" adlı sərgi açılıb" (az.). azertag.az. İstifadə tarixi: 2020-06-17.
  18. ""Virtual diabet məktəbi" layihəsi təqdim olunub".

Xarici keçidlər[redaktə | mənbəni redaktə et]