Məhəmməd Muradlı

Vikipediya saytından
Nicat49 (müzakirə | töhfələr) tərəfindən edilmiş 03:37, 12 noyabr 2021 tarixli redaktə
Naviqasiyaya keç Axtarışa keç
Məhəmməd Muradlı
Muradlı 2016-cı ildə
Ölkə Azərbaycan Azərbaycan
Doğum tarixi (20 yaş)
Doğum yeri Bakı, Azərbaycan
Titulu beynəlxalq usta (2017)
Son reytinqi 2501 (noyabr 2021)
Maksimal reytinqi 2501 (noyabr 2021)
FİDE nömrəsi 13409301
Vikianbarın loqosu Vikianbarda əlaqəli mediafayllar

Məhəmməd Muradlı (d. 1 avqust 2003) — azərbaycanlı şahmatçı, kişilər arasında beynəlxalq usta (2017).[1]

Karyerası

2011-ci ildə 8 yaşlı oğlanlar arasında Azərbaycan çempionatının qalibi olub.

2012-ci ildə Çexiyanın Praqa şəhərində keçirilmiş 10 yaşlılar arasında Avropa çempionatında 5-ci yer tutaraq ELO əmsalını 117 xal artırıb.[2] Eyni ildə İranın Rəşt şəhərində keçirilmiş "Xəzər kuboku"nun D qrupunda yarışıb və 10 yaşlı şahmatçılar arasında 3-cü yeri tutub.[3]

2013-cü ildə 10 yaşlılar arasında Bakı və Azərbaycan çempionu olub.[4] Həmin ildə Rusiyanın paytaxtı Moskva şəhərində keçirilmiş "Moskva Open" turnirində 10 yaşı olmasına baxmayaraq 11 yaşlılar arasında 9 mümkün xaldan 8.5 toplayıb və turnirin qalibi olub[5]

2014-cü ildə Heydər Əliyevin anadan olmasının 91-ci ildönümünə həsr olunmuş ümumtəhsil məktəblərinin şagirdləri arasında Respublika şahmat festivalında 12 yaşlılar arasında birinci yeri tutub.[6] Həmin il Yunanıstanın Kavala şəhərində keçirilmiş məktəblilər arasında şahmat üzrə Avropa çempionatında yaşı 11-dək olan şahmatçılar arasında qələbə qazanıb.[7] Ardından Vüqar Həşimovun xatirəsinə həsr olunmuş beynəlxalq turnirdə 1 və 3-cü yerləri bölüşdürərək əlavə əmsallara görə 3-cü yeri tutub.[8]

2015-ci ilin mart ayında 12 yaşadək oğlanlar arasında şahmat üzrə Bakı şəhər birinciliyində qızıl medal qazanıb.[9] Ardıyca [[Vüqar Həşimovun]] xatirəsinə həsr olunmuş beynəlxalq turnirdə uşaqların yarışında 3-cü yerə layiq görülüb[10]. Birləşmiş Ərəb Əmirliklərinin paytaxtında keçirilmiş "Abu Dhabi Masters" turnirinin A qrupunda (böyüklər arasında) iştirak edib və öz ELO reytinq əmsalını 133 xal artırıb.[11] Eyni ilin noyabr ayında Yunanıstanın Halkidiki şəhərində keçirilmiş 12 yaşadək şahmatçılar arasında dünya çempionatında 11 oyundan 9 xal toplayaraq birinci olub.[12] Bu qələbəsi ilə Məhəmməd öz reytinq əmsalını 121 xal artırmış və FİDE ustası titulunu qazanmışdır.[13][14][1].

2016-cı ildə kişilər arasında Azərbaycan çempionatına qatılmış və Eltac Səfərli, Nicat Abbasov, Azər Mirzəyev, Vasif Durarbəyli və digər bu kimi qroysmeysterlərin arasında altıncı yeri tutmuşdur.[15] Bu nəticəsi ilə Məhəmməd reytinq əmsalını 42.4 xal artırmış və Beynəlxalq Usta titulunun ilk normasını toplamışdır.[16]

2017-ci ildə Rusiyanın paytaxtında keçirilən "Moskva Open" turnirinin A qrupunda 9 oyundan 5.5 xal toplayaraq çıxışını uğurla başa vurub. Bu nəticəsi ilə Məhəmməd öz ELO reytinq əmsalını 48.6 xal artırmış və Beynəlxalq Usta titulunun 2-ci normasını toplamışdır.[17] 2017-ci ildəki daha bir yarışda Gürcüstanın Poti şəhərində keçirilən Nana Aleksandria Kubokunun A qrupunda 9 oyundan 5.5 xal toplayaraq reytinq əmsalını 28.8 xal artırmış və Beynəlxalq Usta titulunun son normasını toplayaraq Beynəlxalq Usta adını qazanmışdır[18][1].

2018-ci ilin yanvar ayında keçirilmiş kişilər arasında Azərbaycan çempionatında üçüncü,[19] mart ayında keçirilmiş 18 yaşadək oğlanlar arasında Azərbaycan birinciliyində ikinci,[20] aprel ayında keçirilmiş 20 yaşadək oğlanlar arasında Azərbaycan birinciliyində isə birinci yerə çıxıb.[21]

2019-cu ilin yanvarında kişilər arasında Azərbaycan çempionatının qalibi olub.[22] Həmin ilin fevralında Rusiyanın Moskva şəhərində keçirilən ''Aeroflot Open'' turnirinin B qrupunda 9 oyundan 6.5 xal toplayaraq 3-cü yerə çıxıb və reytinq əmsalını 16 xal artırıb.[23]

2020-ci ilin fevral ayında Moskvada keçirilən ''Aeroflot Open'' turnirinə ikinci dəfə qatılır, 9 oyundan 6.5 toplayaraq 4-cü yerə çıxır və Beynəlxalq Qrossmeyster titulunun ilk normasını toplayır. Bu turnirdəki nəticəsi ilə reytinq əmsalını 2449-a yüksəldir.[24]

2021-ci ilin mayında Kişilər arasında Azərbaycan Çempionatında 11 oyundan 5.5 xal toplayaraq reytinq əmsalını 11.8 xal artırıb.[25] İyul ayında isə Serbiyada keçirilən ''Paracin Open 2021'' turnirində 9 oyundan 7.5 xal toplayaraq turnirin qalibi olmuş və Beynəlxalq Qrossmeyster titulunun 2-ci normasını yerinə yetirmişdir.[26]

Komanda

Məhəmməd Muradlı 2016-cı ildə Bakıda keçirilmiş 42-ci Ümumdünya Şahmat Olimpiadasında Azərbaycanın kişilərdən ibarət üçüncü komandasının heyətində mübarizə aparmışdır.[27]

2019-cu ilin noyabr ayında Azərbaycanın gənclərdən ibarət şahmat üzrə yığma komandasının heyətində Türkiyənın Çorum şəhərində keçirilmiş 16 yaşadək şahmatçılar arasında Dünya Şahmat Olimpiadasının qalibi olub.[28]

İstinadlar

  1. ↑ 1 2 3 FIDE Chess Profile // Fide.com
  2. ↑ European Youth Chess Championship 2012 - B10 - Czech Republic // Fide.com
  3. ↑ "10th Khazar Cup International Open Chess Tournament [Group D] FEB 29-MAR 07,2012 Rasht-Iran". Chess-results.com.
  4. ↑ ""Təhsil" RİM-2013 , Azərbaycan Çempionatı U-10 (2003-04)". Chess-results.com.
  5. ↑ "RESULTS". Open.moscowchess.org.
  6. ↑ Ümümilli lider Heydər Əliyevin 90illik yubileyinə həsr olunmuş YAP şahmat turnir 18 Aprel 2013, Bakı // Chess-results.com/
  7. ↑ European School Chess Championships 2014 Open under 11 // Chess-results.com
  8. ↑ Vugar Gashimov Memorial September 2014, Azerbaijan // Fide.com
  9. ↑ 12 yasadak oglanlar arasinda Baki birinciliyi 2015 // Chess-results.com
  10. ↑ Child tournament "Vugar Gashimov birthday's Memorial", U12, 2015 // Chess-result.com
  11. ↑ 22nd Abu Dhabi Int. Chess Festival Masters Tournament // Chess-results.com/
  12. ↑ World Youth Ch 2015 - Open under 12 // Chess-results.com
  13. ↑ World Youth Ch 2015 - Open under 12 // Chess-results.com
  14. ↑ "World Youth Ch 2015 - Open under 12". Chess-results.com.
  15. ↑ 2016-cı il kişilər arasında Azərbaycan Çempionatı // Chess-results.com
  16. ↑ 2016-cı il kişilər arasında Azərbaycan Çempionatı // Chess-results.com/
  17. ↑ Moscow-Open 2017 A // Chess-results.com/
  18. ↑ XII Poti International Chess Festival Open A // Chess-results.com/
  19. ↑ Azerbaijan Chess Championship 2018-Men // Chess-results.com
  20. ↑ 18 yaşadək oğlanlar arasında Azərbaycan birinciliyi 2018 // Chess-results.com
  21. ↑ Azerbaijan Chess Championship under 20 // Chess-results.com
  22. ↑ "Azerbaijan Chess Championship 2019-Men". Chess-results.com.
  23. ↑ "Aeroflot Open 2019 B" (ingilis). Chess-results.com. İstifadə tarixi: 2021-11-12.
  24. ↑ "Aeroflot Open 2020 B" (ingilis). Chess-results.com. İstifadə tarixi: 2021-11-12.
  25. ↑ "Azerbaijan Chess Championship, Men" (ingilis). Chess-results.com. İstifadə tarixi: 2021-11-12.
  26. ↑ "International Tournament "Paracin 2021" - OPEN A July 9th - 16th" (ingilis). Chess-results.com. İstifadə tarixi: 2021-11-12.
  27. ↑ "İlham Əliyev 42-ci Ümumdünya Şahmat Olimpiadasının təntənəli açılış mərasimdə iştirak edib". President.az.
  28. ↑ "Azərbaycan Dünya Şahmat Olimpiadasının qalibi oldu". Trend.az. 18 noyabr 2019 tarixində arxivləşdirilib.

Xarici keçidlər

Mənbə — "https://az.wikipedia.org/w/index.php?title=Məhəmməd_Muradlı&oldid=6203265"