Vüqar Həşimov

Vikipediya, açıq ensiklopediya
Jump to navigation Jump to search
Chess tile kl-whitebg.svg
Vüqar Həşimov
Fotoqrafiya
Ölkə Azərbaycan Azərbaycan
Doğum tarixi 24 iyul 1986(1986-07-24)
Doğum yeri Bakı, Azərbaycan SSR, SSRİ
Vəfat tarixi 11 yanvar 2014 (27 yaşında)
Vəfat yeri Heydelberq, Almaniya
Titulu qrossmeyster (2002)
Son reytinqi 2737 (yanvar 2014)
Maksimal reytinqi 2761 (yanvar 2012)
Ən yüksək reytinq yeri 6-cı (noyabr 2009)
FİDE nömrəsi 13400630
Commons-logo.svg Vikianbarda əlaqəli mediafayllar

Vüqar Həşimov ( azərb. Vüqar Qasım oğlu Həşimov‎; d.24 iyul 1986, Bakı, Azərbaycan SSR, SSRİ11 yanvar 2014, Heydelberq, Almaniya) — Azərbaycan şahmatçısı, qrossmeyster (2002).

Həyatı[redaktə | əsas redaktə]

Vüqar Həşimov 24 iyul 1986-cı ildə Bakı şəhərində anadan olub. Vuqar Həşimov 11 yanvar 2014-cü ildə müalicə olunduğu Almaniyanın Heydelberq klinikasında dünyasını dəyişib.[1] 14 yanvar 2014-cü ildə mərhumla vida mərasimi Respublika Şahmat Mərkəzində təşkil olunmuş; o, həmin gün III Fəxri Xiyabanda dəfn edilmişdir[2].

Fəaliyyəti[redaktə | əsas redaktə]

Vüqar Həşimov 2002, 2004, 2006 və 2008-ci illərin Şahmat Olimpiadalarında Azərbaycan yığmasının tərkibində çıxış etmişdir. 2009-cu ildə Azərbaycan yığmasının heyətində Avropa Çempionu adını qazanmışdır. Azərbaycan Şahmat Federasiyası ilə arasında yaranmış münaqişəyə görə 2010—cu il Şahmat Olimpiadasında yığma komandanın heyətinə dəvət edilməmişdir.[3]  2011-ci ilin yanvarında 1958-ci ildən İtaliyada müntəzəm olaraq keçirilən Recco-Emiliya şahmat turnirinin qalibi olmuşdur.[4]

Xronologiya[redaktə | əsas redaktə]

  • 1996/1998/1999/2000/2001/2009/2011-ci il – Slovakiya, Avstriya, Yunanıstan, Bakı, Serbiya–Avropa çempionu və vitse çempion
  • 1996/2000/2002-ci il – Ukrayna, Aluşta, İspanya, Minorka dünya çempionatının vitse çempionu
  • 1996/1998/2005/2007/2011-ci il – Ruminya, İspanya, Afina, Abu-Dabi, Monako beynəlxalq turnirlərinin qalibi
  • 1997-ci il – İstanbul “Zafer Haftesi” open turnirin qalibi
  • 1999-cu il – Rusiya, Moskva “Kasparov Kubokunun” qalibi
  • 1999-cu il – Beynəlxalq Usta
  • 2000-ci il – Ukrayna şahmat olimpiadasının qalibi
  • 2002-ci il – “Trip Lite və Best Comp Qrup” kubokunun qalibi
  • 2002-ci il – Qrossmeyster
  • 2004-cü il – Heydər Əliyevin xatirəsinə həsr edilmiş Sürətli şahmat turnirinin qalibi
  • 2005/2007/2008-ci il – Türkiyə, İstanbul şahmat festivalının qalibi
  • 2006/2007/2008-ci il – Fransa Kapella la Qrand open turnirinin qalibi
  • 2007-ci il – İspanya, Barselona, Sanxenxo beynəlxalq turnirin qalibi
  • 2007-ci il – Yunanıstan, Krit adası Avropa komanda birinciliyi vitse çempion
  • 2007-ci il – Norveç, Tronso beynəlxalq turnir vitse çempion
  • 2007-ci il – Kuba, Havana kapablanka memorialının qalibi
  • 2007/2008/2010/2011 – İtalya, Redjio Emiliya – beynəlxalq turnirin qalibi
  • 2008/2009 -cu il – Rusiya Poykovskiy, Gibraltar Cəbəllütariq beynəlxalq turnirin qalibi
  • 2008 ci il – Almanya, Drezden şahmat olimpiadasanın vitse çempionu
  • 2009-cu il – Heydər Əliyevin 85 illiyinə həsr olunmuş FİDE-nin I Qrand-Prix Bakı turnirinin qalibi
  • 2009-cu il – İspanya, Orenje sürətli şahmat üzrə avropa çempionu
  • 2009-cu il – Heydər Əliyevin xatirəsinə Prezident kuboku. Azərbaycan-FİDE dünya matçı
  • 2009-cu il – Azərbaycanın ən güclü idmançısı
  • 2009/2010/2011-ci il – İspanya, Xorvatiya, Moldaviya, Almaniya, çempionu
  • 2009/2011-ci il – Almaniya, Maynz , Pekin, Çin rapid üzrə vitse çempionu
  • 2011-ci il – Dünya intellektual oyunlarının vitse çempionu

Xatirəsi[redaktə | əsas redaktə]

2014-cü ilin aprel ayında, Şəmkirdə Vüqar Həşimovun xatirəsinə həsr olunmuş beynəlxalq şahmat turniri təşkil edilmişdir. Turnirdə Maqnus Karlsen, Fabiano Karuana, Şəhriyar Məmmədyarov, Teymour Rəcəbov, Sergey Karyakin, Hikaru Nakamura, Etiyen Bakrot, Vang Hao, Rauf Məmmmədov, Qədir Hüseynov, Pavel Elcanov, Rodoslav Voytaşek, Aleksander Motilev, Eltac Səfərrli, Nicat Abbasov və Vasif Durarbəyli kimi şahmatçılar iştirak etmişdir.[5][6]

Növbəti illərdə də bu turnir keçirilməyə davam etmişdir.

24 iyul 2014-cü ildə Vüqar Həşimovun qəbirüstü abidəsinin açılış mərasimi olub. Bürüncdən olan abidənin müəllifi məşhur heykəltəraş Azad Əliyevdir[7].

2016-cı ildə Bakıda Vüqar Həşimov Şahmat Akademiyası fəaliyyətə başlamışdır.[8]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Vüqar Həşimov ilə əlaqəli mediafayllar var.

Vikimənbədə Vüqar Həşimov ilə əlaqəli məlumatlar var.

Vikisitatda Vüqar Həşimov ilə əlaqəli məlumatlar var.