Aydın Süleymanlı

Vikipediya, azad ensiklopediya
Jump to navigation Jump to search
Chess tile kl-whitebg.svg
Aydın Süleymanlı
Aydın Süleymanlı 2020-ci ildə
Aydın Süleymanlı 2020-ci ildə
Ölkə Azərbaycan Azərbaycan
Doğum tarixi (18 yaş)
Doğum yeri Bakı, Azərbaycan
Titulu Qrossmeyster (2021)
Son reytinqi 2536 (avqust 2021)
Maksimal reytinqi 2560 (may 2021)
FİDE nömrəsi 13413937
Vikianbarın loqosu Vikianbarda əlaqəli mediafayllar

Aydın Süleymanlı (d. 22 mart 2005, Bakı, Azərbaycan) — azərbaycanlı şahmatçı, qrossmeyster (2021). Yeniyetmələr arasında dünya və ikiqat Avropa çempionu. "Aeroflot open 2020" turnirinin qalibi.

Uşaqlığı və şahmata başlaması[redaktə | mənbəni redaktə et]

Aydın Elşən oğlu Süleymanlı 2005-ci il martın 22-də Bakıda anadan olub.[1] 6 yaşında 249 nömrəli tam orta məktəbin birinci sinfinə gedib. 5 yaşından şahmatla məşğul olmağa başlayıb. İlk vaxtlar evlərinin yaxınlığındakı Xətai Rayon Mədəniyyət Mərkəzində şahmat məşğələlərinə qatılıb. Sonra valideynlərinin arzusu ilə Aydın Respublika İxtisaslaşdırılmış Olimpiya Ehtiyatları Uşaq-Gənclər Şahmat Məktəbində Xalid Atababayevdən şahmatın sirlərini dərindən öyrənməyə başlayıb.[1]

Şahmat karyerası[redaktə | mənbəni redaktə et]

Aydın Süleymanlı — 2017-ci il U-12 Avropa çempionatının qalibi.

Aydın 6 yaşından başlayaraq beynəlxalq yarışlara qatılıb.[1] O, müxtəlif yaş kateqoriyalarında Azərbaycanı uşaq və yeniyetmələr arasında şahmat üzrə dünya və Avropa çempionatlarında təmsil etmişdir. 2013-cü ildə Monteneqronun Budva şəhərində keçirilmiş qitə birinciliyində 8 yaşlı şahmatçılar arasında birinci olub.[1] Həmin ilin dekabrında Birləşmiş Ərəb Əmirliklərinin Əl-Əyn şəhərində keçirilmiş şahmat üzrə dünya çempionatında eyni yaş kateqoriyasında üçüncü yeri tutub.[1]

2014-cü ilin noyabrında şahmatın blits və rapid növü üzrə keçirilmiş Avropa çempionatında bütün rəqiblərini üstələyərək həm blits, həm də rapiddə 10 yaşlı oğlanlar arasında birinci olub.[2]

2017-ci ildə Rumıniyanın Mamaya şəhərində təşkil olunmuş Avropa Çempionatında 9 oyundan 7 xal yarım yığmaqla 12 yaşlı oğlanlar arasında Avropa çempionu adını qazanıb.[3]

2019-cu ildə Hindistanın Mumbay şəhərində keçirilmiş dünya çempionatında 11 oyundan 9 xal yığmaqla 14 yaşlı oğlanlar arasında dünya çempionu olub.[4]

2019-cu ilin noyabr ayında Azərbaycanın gənclərdən ibarət şahmat üzrə yığma komandasının heyətində Türkiyənın Çorum şəhərində keçirilmiş 16 yaşadək şahmatçılar arasında Dünya Şahmat Olimpiadasının qalibi olub.[5]

27 fevral 2020-ci ildə Moskvada "Aeroflot open" beynəlxalq şahmat festivalının A turnirində 9 turdan 6,5 xal toplayaraq festivalın qalibi olub.[6]

2023-cü ilin mayında "Titled-Tuesday" blitz beynəlxalq turnirində 11 oyundan 9,5 xal toplayaraq ikinci pilləni qazanıb.[7][8]

Şəxsi həyatı[redaktə | mənbəni redaktə et]

Aydın Süleymanlı 2023-cü ilin yanvarında blokçeyn əsaslı şirkət ilə birlikdə şahmat sənayesində ilklərdən olan çoxillik NFT əməkdaşlığını açıqladı.[9]

İstinadlar[redaktə | mənbəni redaktə et]

  1. ↑ 1 2 3 4 5 "Sürətli şahmat üzrə 10 yaşlılar arasında Avropa çempionu". Anl.az. 19 oktyabr 2018 tarixində arxivləşdirilib.
  2. ↑ Yeniyetmələrimiz blits və rapid üzrə Avropa çempionatında 7 medal qazandılar // Dsport.az[ölü keçid]
  3. ↑ "European Youth Chess Championship 2017 Open U12 // Chess-results.com". 2021-01-31 tarixində arxivləşdirilib. İstifadə tarixi: 2018-10-18.
  4. ↑ "Yeniyetmə şahmatçımız Aydın Süleymanlı dünya çempionu adını qazanıb // Azertag.az". 2019-10-25 tarixində arxivləşdirilib. İstifadə tarixi: 2019-10-12.
  5. ↑ "Azərbaycan Dünya Şahmat Olimpiadasının qalibi oldu". Trend.az. 2019-11-18 tarixində arxivləşdirilib. İstifadə tarixi: 2019-11-18.
  6. ↑ "Gənc azərbaycanlı şahmatçı "Aeroflot open" festivalının qalibi olub // Azertag.az". 2020-03-14 tarixində arxivləşdirilib. İstifadə tarixi: 2020-02-27.
  7. ↑ SKAUT. "Aydın Süleymanlı "Titled Tuesday" turnirində fərqlənməyi bacarıb". instagram.com (ingilis). 4 May 2023 tarixində arxivləşdirilib. İstifadə tarixi: 4 may 2023.
  8. ↑ "Titled-Tuesday-Blitz-May-02-2023". Chess.com (ingilis). 2023-05-07 tarixində arxivləşdirilib. İstifadə tarixi: 2023-05-04.
  9. ↑ "SKAUT GM Aydın Süleymanlı ilə əməkdaşlıq elan edir". skaut.uk (az.). 2023-04-06 tarixində arxivləşdirilib. İstifadə tarixi: 4 yanvar 2022.

Xarici keçidlər[redaktə | mənbəni redaktə et]

Vikianbarda Aydın Süleymanlı ilə əlaqəli mediafayllar var.

Mənbə — "https://az.wikipedia.org/w/index.php?title=Aydın_Süleymanlı&oldid=7014770"