Sərxan Quliyev

Sərxan Quliyev
Ölkə	Azərbaycan
Doğum tarixi	1 aprel 1968
Doğum yeri	Aşağı Mollu, Qubadlı rayonu, Azərbaycan SSR, SSRİ
Təhsili	Azərbaycan Dövlət İqtisad İnstitutu (1985–1992)
Titulu	qrossmeyster (1995)
Son reytinqi	2416 (avqust 2016)
Maksimal reytinqi	2537 (iyul 2003)
FİDE nömrəsi	13400231

Quliyev Sərxan Babaş oğlu (1 aprel 1968, Aşağı Mollu, Qubadlı rayonu, Azərbaycan SSR) — Azərbaycan şahmatçısı. Beynəlxalq dərəcəli qrossmeyster (1996).

Həyatı

Sərxan Quliyev 1968-ci ildə Qubadlı rayonunun Aşağı Mollu kəndində anadan olub. Orta təhsilini başa vurduqdan sonra 1985-ci ildə Azərbaycan Dövlət İqtisad Universitetinə qəbul olmuş və 1992-ci ildə oranı bitirərək mühəndis-iqtisadçı ixtisasına yiyələnmişdir. 1994-cü ildə "Rusiya Dövlət Bədən Tərbiyəsi və İdman Akademiyası"nda oxumuş və 1996-cı ildə oranı bitirərək "Ali dərəcəli məşqçi" rütbəsini almışdır. 1997-ci ildə isə həmin Akademiyanın şahmat kafedrasında aspiranturaya qəbul olunmuş və eyni zamanda orada müəllim işləmişdir. 1992-ci ildə Beynəlxalq usta, 1995-ci ildə isə Beynəlxalq qrossmeyster rütbəsinə yiyələnmişdir. Moskva-1994, Elista-1998 ümumdünya şahmat olimpiadasında və Pula-1997 Avropa komanda birinciliyində Azərbaycanı ləyaqətlə təmsil etmişdir. Sonra Veloreçensk–1991, Fridik-Mistik–1992, Çessko-Budoyovistsa–1992, Minsk-1994, Vladivostok–1994, Moskva–1995, Tehran–1999, 2000, İzmir–2000, Bakı–1994-cü il beynəlxalq yarışlarının qalibi olmuşdur. Sərxan Quliyev 17 dəfə müxtəlif səviyyəli yarışlarda Azərbaycan yığma komandasının tərkibində çıxış etmişdir.

O, Türkiyə və İran milli yığma komandasının baş məşqçisi vəzifəsində də işləmişdir.

Kitabları

Sərxan Quliyev həm də şahmat nəzəriyyəçisidir. "Namizədlikdən qrossmeystrliyədək" (Moskva, 1997), "Şahmat dərs vəsaiti" (Tehran, 2002), "Standart şahmat sonluqları" (Bakı, 2002), "Şahmat oyunun ideyesı" (Moskva, 2012), "Vladimir Kramnik - 14-cü dünya çempionunun seçilmiş oyunları" (Moskva 2015), "Veselin Topalov - keçmiş dünya çempionunun seçilmiş oyunları" (Moskva, 2016), və daha bir sıra kitabların müəllifidir.

Xarici keçidlər

• FIDE Chess Profile
• Sarhan Guliev. Chess-DB.com Arxivləşdirilib 2016-03-09 at the Wayback Machine  (ing.)
• Sarhan Guliev. Chessgames.com  (ing.)
• Sarhan Guliev. 365Chess.com  (ing.)
• Guliev, Sarkhan. OlimpBase.org  (ing.)