Elnur Məcidli
 | Bu məqaləni vikiləşdirmək lazımdır. |
 | Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər. |
 | Bu məqalədəki məlumatların yoxlanılabilər olması üçün əlavə mənbələrə ehtiyac var. |
| ELNUR MƏCİDLİ | |
|---|---|
| Fayl:Elnur Məcidli.jpg | |
| Doğum tarixi | |
| Doğum yeri | Bakı |
| Təhsili | |
| Fəaliyyəti | jurnalist |
| emajidli.wordpress.com | |
Elnur Məcidli — Fransada yaşayan azərbaycanlı jurnalist, bloqqer.
Həyatı
Elnur Məcidli Bakı şəhərində ziyalı ailəsində (anası müəllimə, atası jurnalist)[1] anadan olub. İbtidai təhsilə Bakıda, Binəqədi rayonunda yerləşən 244 saylı məktəbdə başlayıb[mənbə göstərin], daha sonra Nəsimi rayonunda yerləşən 14 saylı məktəbdə təhsilini davam etdirib[mənbə göstərin]. 6-cı sinifdə Çağ Öyrətim İşlətmələrinin keçirdiyi test imtahanıyla Sumqayıt Özəl Türk Litseyinə daxil olub[mənbə göstərin] və orta təhsilini bu litseydə başa vurub. Sonra Türkiyənin Qazi Universitetində ingilis dili müəllimliyi bölümündə təhsil alıb,[1], Qalatasaray Universitetində hüquq təhsilinə başlayıb[mənbə göstərin] və hüquq təhsilini Fransanın Robert Şuman Universitetində (hazırkı adı Strasburq Universiteti) davam etdirib və ordan məzun olub.[mənbə göstərin]
Fəaliyyəti
Orta məktəb dövründə ilk dəfə müxtəlif uşaq jurnallarında şeir və yazıları işıq üzü görüb. Peşəkar jurnalist fəaliyyətinə Türkiyədə ANS TV-nin müxbiri kimi başlayıb. Lider televiziyasının, Assa-İrada və Trend informasiya agentliklərinin Avropa və Fransa üzrə müxbiri vəzifələrində işləyib. "Azərbaycan", "Ayna", "Xalq", "AzerNews" və s. qəzetlərdə müxtəlif səpkili məqalələri yayınlanıb. Medianın inkişafı ilə bağlı keçirilən müxtəlif beynəlxalq treyninq-konfransların və sertifikat proqramlarının iştirakçısı olub. Hazırda BBC, AFP, İHA, ZDF kimi beynəlxalq media orqanlarıyla əməkdaşlıq edir. Eyni zamanda Avropa Şurası, Avropa İnsan Haqları Məhkəməsi, Fransa Senatı, UNESCO, Avropa Parlamenti, Fransanın prezident aparatı sayılan Yelisey Sarayı kimi beylənxalq və rəsmi quruluşlarda akreditasiyalı jurnalistdir.
2006-cı ildən Fransanın CLAPEST təşkilatında rus-fransız, fransız-rus, türk-fransız, fransız-türk dillərindən tərcüməçi işləyir.
2009-cu ildən etibarən Strasburqda yerləşən AEFTİ, daha sonra Formabilis təşkilatında rus-fransız, fransız-rus, türk-fransız, fransız-türk dillərindən tərcüməçi işləyir.
2007-ci ildə Strasburqdakı Azərbaycanlı Tələbələrin Forumunu(StrasForum) təsis etmiş, Azərbaycanlı Tələbələrin Avropa Forumunun (FASE) Fransa və Strasburq üzrə baş koordinatoru olmuşdur.
2007-ci ilin mart ayında Avropa Şurası tarixində ilk dəfə olaraq bir millətə mənsub tələbələrin - azərbaycanlı tələbələrin forumunun təşkilatçısı olmuşdur.
2007-ci ilin iyul ayının ilk həftəsində Elnur Məcidlinin təşkilatçılığıyla Almaniyanın Löffingen qəsəbəsində Azərbaycanın Avropadakı lobbiçiliyinə həsr olunmuş bir həftəlik yay forumu keçirilmişdir. Bu həm də Azərbaycan gənclərinin ölkə xaricində və Avropada təşkil olunun ilk yay düşərgəsi idi.
2008-ci ilin fevral ayında FASE-nin Parisdə, Fransa senatındakı forumunun təşkilatçısı oldu. Fransa senatındakı forumda, fransız senator, azərbaycanlı nazir və digər rəsmi nümayəndələr qarşısında çıxış edən Elnur Məcidli tənqidi fikirləriylə yadda qaldı.
2009-cu ildə Fransadakı Azərbaycanlıların Şəbəkəsini təsis etdi (Azerbaijanis Network in France (ANFR))və bu şəbəkənin bu gün 300-dən çox üzvü var.
2010-cu ilin may ayında Azərbaycanlı Vətəndaşların Avropa Forumunun (FACE) Avropa Şurasında keçirilən, ADR-in 82 illiyinə həsr edilmiş forumunun təşkilatçısı oldu.
Türk və Azərbaycan dillərində müxtəlif janrlı şerlərin müəllifidir. Türki dilində "Kalpten Kaleme" adlı şeirlər toplusunun müəllifidir. [1]
www.gundeliyim.com və www.sozunduzu.com saytlarının yaradıcısı və ideya müəllifidir. Eyni zamanda www.emecidli.com (http://emajidli.wordpress.combaşlıq) adlı şəxsi bloqu var.
2010 Parlament seçkilərində 94 saylı Bərdə kənd seçki dairəsində AXCP-Müsavat blokunun vahid namizədi olub.
2010 Parlament seçkilərindən sonra Avropadakı azərbaycanlı siyasi mühacirləri, demokratik-müxalif qüvvələri bir araya gətirmək üçün Avropalı Azərbaycanlılar Demokratiya Uğrunda (EUROAD) təşkilatını təsis edib [2] Arxivləşdirilib 2010-12-29 at the Wayback Machine
2004-cü ildən etibarən Fransada yaşayır. Evlidir.
Facebook saytında 11 Mart - Böyük Xalq Günü kampaniyasının yaradıcısıdır.
Eyni zamanda 2 Aprel - Böyük Qəzəb Günü aksiyasının təşkilatçısı, 8 Aprel - Böyük Cümə Günü etiraz səhifəsinin yaradıcısıdır.
Facebookda yaratdığı səhifələrə və bloqundakı yazılara görə Azərbaycan Respiblikası Prokurorluğuna bağlı Ağır Cinayətlərə dair İşlər üzrə İstintaq İdarəsi tərəfindən haqqında Cinayət məcəlləsinin 281-ci maddəsiylə cinayət işi açılıb.
2011-ci il Aprel ayında Azərbaycan hakimiyyəti tərəfindən İnterpol axtarışına verilib.
2011-ci il İyun ayının 2-də Elnur Məcidli barəsində başlanmış cinayət işinin icraatı dayandırılıb. [3][ölü keçid]
Mənbə
İstinadlar
 | Bu məqalədəki istinadlar müvafiq istinad şablonları ilə göstərilməlidir. |
[4] Arxivləşdirilib 2010-12-29 at the Wayback Machine
Xarici keçidlər
- Gündəliyim.com saytı Arxivləşdirilib 2015-03-10 at the Wayback Machine
- SözünDüzü.com saytı Arxivləşdirilib 2021-03-03 at the Wayback Machine
- Elnur Məcidlinin Bloqu Arxivləşdirilib 2011-01-28 at the Wayback Machine
- [5]
- [6]