Vahid Qəhrəmanov

Vahid Qəhrəmanov
Naxçıvan Muxtar Sovet Sosialist Respublikasının xalq ədliyyə komissarı və prokuroru
1928 – 1930
Əvvəlki	İsa Tarverdiyev
Sonrakı	Şirəli Şirəliyev
bayraq Bakı Dövlət Universitetinin Hüquq fakültəsinin Cinayət hüququ və kriminologiya kafedrasının müdiri bayraq2
1943 – 1978
Sonrakı	Əjdər İbrahimov (hüquqşünas)
Şəxsi məlumatlar
Doğum tarixi	1900
Doğum yeri	Qutqaşen, Azərbaycan SSR, SSRİ
Vəfat tarixi	29 mart 1978
Vəfat yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ
Təhsili	Ümumittifaq Hüquq Akademiyası (1935-1937)
Fəaliyyəti	alim, hüquqşünas
Elmi fəaliyyəti
Elm sahəsi	hüquq, cinayət hüququ,
Elmi dərəcəsi	hüquq elmləri doktoru (1950)
Elmi adı	professor (1951)

Vahid Pənah oğlu Qəhrəmanov (1900, Qutqaşın – 1978, Bakı) – hüquqşünas, hüquq elmləri doktoru (1950), professor (1951), AMEA-nın müxbir üzvü (1972), Əməkdar hüquqşünas (1966).

Həyatı

Vahid Qəhrəmanov 1900-cü ildə Qəbələ şəhərində anadan olub.1919-cu ildə Nuxa gimnaziyasını bitirib, 1935-1937-ci illərdə Ümumittifaq Hüquq Akademiyasında təhsil alıb.

Əmək fəaliyyəti

Vahid Qəhrəmanov 1926-1928-ci illərdə Ağdamda müstəntiq, daha sonra Kürdəmir qəzasında prokuror işləyib. Naxçıvan MR prokuroru və xalq ədliyyə komissarı (1929–1934), Ordubad Rayon Xalq İcraiyyə Komitəsinin sədri, Azərbaycan Respublikası prokurorunun baş köməkçisi (1934–1935) vəzifələrini icra edib. 1939-1941-ci illərdə Bakı hüquq məktəbinin direktoru, 1943–1978-ci illərdə (fasilələrlə) Bakı Dövlət Universitetinin Cinayət hüququ kafedrasının müdiri olub.

Vahid Qəhrəmanov Azərbaycan Respublikası Ali Məh­kə­məsi və Respub­lika Pro­ku­rorluğunda Elmi Məs­ləhət Şuralarının üzvü, həmçinin Ali və Or­ta İxtisas Təhsili Nazirliyinin Dövlət və Hüquq üz­rə Elmi Şurasının sədri olub.

Akademik fəaliyyəti

Vahid Qəhrəmanov 1943-cü ildə Tbilisi şə­hərində dissertasiya müdafiə edərək fəlsəfə doktoru, 1950-ci ildə Moskvada elmlər dok­toru elmi adlarını alıb. 1951-ci il­də professor elmi adı verilib. 1972-ci ildə Azərbaycan Milli Elmlər Akademiyasının müxbir üzvü seçilib. Vahid Qəhrəmanov Azərbaycanda hüquq təhsili və hüquq el­minin ilk ya­radıcı­larından biri, cinayət hü­qu­qu sa­hə­sin­də tanınmış mütəxəssislərdəndir. O, 5 mo­noqrafiya, dərslik və dərs vəsaiti, 60-dan ar­tıq elmi məqalənin müəl­lifi olub. XX əsrin 70-ci illərində Respublikanın cinayət hüququ siya­səti­nin və cina­yət məcəllələrinin işlənib hazırlanmasında böyük xidmətləri olub.

Əsərləri

• Sovet cinayət hüququnda "cəza anlayışı";
• "Sovet cinayət hüququnda cəza sistemi";
• "Sovet cinayət hüququnda cəzanın müəyyən edilməsi";
• "Sovet cinayət hüququ";

Vəfatı

Vahid Qəhrəmanov 29 mart 1978-ci ildə Bakı şəhərində vəfat edib.

Təltif və mükafatları

Vahid Qəhrəmanov Əmək­­­dar hüquqşünas adına layiq gö­rülüb, "Qır­mızı Əmək Bayrağı" ordeni və Azərbaycan Ali Sovetinin Fəxri fərmanları ilə təltif edilib.

Xarici keçidlər

• Qəhrəmanov Vahid Pənah oğlu
• Qəhrəmanov Vahid Pənah oğlu
• Vahid Pənah oğlu Qəhrəmanov