Vahid Qəhrəmanov

Vahid Qəhrəmanov
Vahid Qəhrəmanov
Naxçıvan Muxtar Sovet Sosialist Respublikasının xalq ədliyyə komissarı və prokuroru
	1928 – 1930
Əvvəlki	İsa Tarverdiyev
Sonrakı	Şirəli Şirəliyev
Bakı Dövlət Universitetinin Hüquq fakültəsinin Cinayət hüququ və kriminologiya kafedrasının müdiri
	1943 – 1978
Sonrakı	Əjdər İbrahimov (hüquqşünas)
Şəxsi məlumatlar
Doğum tarixi	1900
Doğum yeri	Qutqaşın, Nuxa qəzası, Yelizavetpol quberniyası, Rusiya imperiyası;
Vəfat tarixi	1978
Vəfat yeri	Bakı, Azərbaycan SSR, SSRİ;
Milliyyəti	azərbaycanlı
Vətəndaşlığı	SSRİ
Təhsili	Moskva Dövlət Hüquq Universiteti[d];
Fəaliyyəti	alim, hüquqşünas
Elmi fəaliyyəti
Elm sahəsi	cinayət hüququ
Elmi dərəcəsi	hüquq elmləri doktoru;
Elmi adı	professor;
Təltifləri

Vahid Pənah oğlu Qəhrəmanov (1900, Qutqaşın, Nuxa qəzası – 1978, Bakı) – hüquqşünas, hüquq elmləri doktoru (1950), professor (1951), AMEA-nın müxbir üzvü (1972), Əməkdar hüquqşünas (1966).^[1]

Həyatı

Vahid Qəhrəmanov 1900-cü ildə Qəbələ şəhərində anadan olub.^[2]1919-cu ildə Nuxa gimnaziyasını bitirib, 1935–1937-ci illərdə Ümumittifaq Hüquq Akademiyasında təhsil alıb.^[1]

Əmək fəaliyyəti

Vahid Qəhrəmanov 1926–1928-ci illərdə Ağdamda müstəntiq, daha sonra Kürdəmir qəzasında prokuror işləyib. Naxçıvan MR prokuroru və xalq ədliyyə komissarı (1929–1934), Ordubad Rayon Xalq İcraiyyə Komitəsinin sədri, Azərbaycan Respublikası prokurorunun baş köməkçisi (1934–1935) vəzifələrini icra edib. 1939–1941-ci illərdə Bakı hüquq məktəbinin direktoru, 1943–1978-ci illərdə (fasilələrlə) Bakı Dövlət Universitetinin Cinayət hüququ kafedrasının müdiri olub.^[1]

Vahid Qəhrəmanov Azərbaycan Respublikası Ali Məhkəməsi və Respublika Prokurorluğunda Elmi Məsləhət Şuralarının üzvü, həmçinin Ali və Orta İxtisas Təhsili Nazirliyinin Dövlət və Hüquq üzrə Elmi Şurasının sədri olub.^[1]

Akademik fəaliyyəti

Vahid Qəhrəmanov 1943-cü ildə Tbilisi şəhərində dissertasiya müdafiə edərək fəlsəfə doktoru, 1950-ci ildə Moskvada elmlər doktoru elmi adlarını alıb. 1951-ci ildə professor elmi adı verilib. 1972-ci ildə Azərbaycan Milli Elmlər Akademiyasının müxbir üzvü seçilib. Vahid Qəhrəmanov Azərbaycanda hüquq təhsili və hüquq elminin ilk yaradıcılarından biri, cinayət hüququ sahəsində tanınmış mütəxəssislərdəndir. O, 5 monoqrafiya, dərslik və dərs vəsaiti, 60-dan artıq elmi məqalənin müəllifi olub. XX əsrin 70-ci illərində Respublikanın cinayət hüququ siyasətinin və cinayət məcəllələrinin işlənib hazırlanmasında böyük xidmətləri olub.^[1]

Əsərləri

Sovet cinayət hüququnda "cəza anlayışı";
"Sovet cinayət hüququnda cəza sistemi";
"Sovet cinayət hüququnda cəzanın müəyyən edilməsi";
"Sovet cinayət hüququ";

Ölümü

Vahid Qəhrəmanov 29 mart 1978-ci ildə Bakı şəhərində vəfat edib.^[1]

Təltif və mükafatları

Vahid Qəhrəmanov Əməkdar hüquqşünas adına layiq görülüb, "Qırmızı Əmək Bayrağı" ordeni və Azərbaycan Ali Sovetinin Fəxri fərmanları ilə təltif edilib.^[1]

İstinadlar

↑ ¹ ² ³ ⁴ ⁵ ⁶ ⁷ "Qəhrəmanov Vahid Pənah oğlu" (Azərbaycan). science.gov.az. 21.09.2021 tarixində arxivləşdirilib.
↑ Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.

Xarici keçidlər

[:0-1] ¹ ² ³ ⁴ ⁵ ⁶ ⁷ "Qəhrəmanov Vahid Pənah oğlu" (Azərbaycan). science.gov.az. 21.09.2021 tarixində arxivləşdirilib.

[2] Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.

[1]

[2]