Çiçək Mahmudqızı

Vikipediya, azad ensiklopediya
Jump to navigation Jump to search
Çiçək Mahmudqızı
Məmmədova Çiçək Mahmud qızı
Çiçək Mahmudqızı (6 fevral 2011-ci il)
Çiçək Mahmudqızı (6 fevral 2011-ci il)
Doğum adı Çiçək
Təxəllüsü Mahmudqızı
Doğum tarixi (59 yaş)
Doğum yeri Qaymaqlı, Qazax rayonu, Azərbaycan SSR, SSRİ
Vətəndaşlığı SSRİ SSRİ → Azərbaycan Azərbaycan
Milliyyəti Azərbaycanlı
Atası Mahmud Məmmədov
Təhsili Azərbaycan Dillər Universiteti
Fəaliyyəti televiziya aparıcısı
Əsərlərinin dili Azərbaycanca
İstiqamət şeir
Janrlar qoşma, gəraylı
Üzvlüyü
Mükafatları "Aşıq Ələsgər – 200" yubiley medalı
Vikianbarın loqosu Vikianbarda əlaqəli mediafayllar

Çiçək Mahmudqızı (Məmmədova Çiçək Mahmud qızı; d. 5 mart, 1964, Qaymaqlı, Qazax rayonu, Azərbaycan SSR, SSRİ) — Azərbaycan şairi, publisist, televiziya aparıcısı. "Aşıq Pəri" məclisinin üzvü (1984).[1]

Həyatı[redaktə | mənbəni redaktə et]

Məmmədova Çiçək Mahmud qızı 1964-cü il mart ayının 5-də Qazax rayonunun Qaymaqlı kəndində anadan olub. 1971-ci ildə Qaymaqlı kənd orta məktəbin birinci sinfinə gedib və orta təhsilini 1981-ci ildə bitirib. 1982-ci ildə Azərbaycan Dillər Universitetinə daxil olub və 1987-ci ildə ali təhsilini fərqlənmə diplomu ilə başa vurub. 1987-ci ildən etibarən respublikamızın müxtəlif rayonlarında müəllim kimi işləyib.[2]

Yaradıcılığı[redaktə | mənbəni redaktə et]

Çiçək Mahmudqızı dövri mətbuatda şeirlərlə və publisistik yazılarla çıxış edib.[3]

Azərbaycan Dövlət Radiosu və Televiziyası verlişlərində ştatdankənar müxbir kimi çalışıb. 1984-cü ildən "Aşıq Pəri" məclisinin üzvü olub. 1993-cü ildən Gəncə şəhərinə köçüb, həm orta məktəbdə, həm də Gəncə Dövlət Universitetində müəllim kimi işləyib.

2002-2003-cü illərdə Gəncənin “Kəpəz” kanalında “ Mənim şeirli dünyam” verlişinin aparıcısı, 2008-ci ildən Tovuzda fəaliyyət göstərən televiziyada “Saz-Söz Dünyası” verlişinin müəllif-aparıcı kimi çalışıb. 2010-cu ildənTürkel adı ilə yenidən fəaliyyətə başlayan həmin televiziyada “Xoş ovqat” verilişinin müəllif-aparıcısı işləyib.[4]

2013-cü ilin oktyabrından isə Gəncənin “Kəpəz“ televiziyasında “Duyğulu könüllər” verilişinin aparıcısıdır. “Bənövşə yaşlar” adlı şeir kitabının və onlarla publisist yazıların müəllifidir.

2011-ci ildən hər ilin yazında kecirdiyi "İncəgülü" saz-söz şöləni bir tele-layihə kimi saz-söz sənətinə çox dəyərli bir xidmətidir.

Kitabları[redaktə | mənbəni redaktə et]

  1. "Bənövşə yaşlar",
  2. "Könüllərin Çiçəyi"

Ailəsi[redaktə | mənbəni redaktə et]

Oğlu İsrafilov Cahid Şahin oğlu 1990-cı ildə, qızı İsrafilova Gülnar Şahin qızı isə 1992-ci ildə anadan olub. Hazırda övladları ilə birlikdə Gəncə şəhərində yaşayır.

İstinadlar[redaktə | mənbəni redaktə et]

  1. ↑ Rumiyyə Miraslan. ""Harandan vuruldun deyə sorsaydın, deyərdim Eşqimdən..."" (az.). moderator.az. 18/02/2016. 2016-09-28 tarixində arxivləşdirilib. İstifadə tarixi: 2016-09-28.
  2. ↑ Aydın Adıgözəlli. "Məşhur teleaparıcı: "Mən öz içimdəki Çiçəklə yaşayıram, çölümdəki ilə yox. Çölümdəki Çiçək insanlar üçündür"" (az.). azerbaycaninfo.com. 2015. 2016-09-28 tarixində arxivləşdirilib. İstifadə tarixi: 2016-09-28.
  3. ↑ "Çiçək Mahmudqızı:"Mən "Məlikməmməd nağılı", Bu dünya divlər ölkəsi"" (az.). analoq.az. 2016-09-18. 2016-10-03 tarixində arxivləşdirilib. İstifadə tarixi: 2016-10-03.
  4. ↑ Nigar İsfəndiyarqızı. "Hardasan, könül yiyəsi?!". "Kaspi" qəzeti (az.). kaspi.az. 2013-11-01. 2016-10-03 tarixində arxivləşdirilib. İstifadə tarixi: 2016-10-03.
Vikianbarın loqosu Vikianbarda Çiçək Mahmudqızı ilə əlaqəli mediafayllar var.
Mənbə — "https://az.wikipedia.org/w/index.php?title=Çiçək_Mahmudqızı&oldid=5531567"