Çin Milli Muzeyi
| Çin Milli Muzeyi | |
|---|---|
| 中国国家博物馆 | |
.jpg) | |
 | |
| Əsası qoyulub | 2003 |
| Açılış tarixi | mart 2011 |
| Ölkə | |
| Ziyarətçi sayı |
|
| 39°54′13″ şm. e. 116°23′42″ ş. u.HGYO | |
| chnmuseum.cn en.chnmuseum.cn | |
 Vikianbarda əlaqəli mediafayllar | |
Çin Milli Muzeyi — Pekində Tyananmen meydanının şərq tərəfində yerləşir və məqsədi Çinin incəsənəti və tarixi haqqında məlumat verməkdir. Çin Xalq Respublikasının Mədəniyyət Nazirliyi tərəfindən idarə olunur.
Tarixi
[redaktə | vikimətni redaktə et]Muzey 2003-cü ildə 1959-cu ildən bəri eyni binada yerləşən iki ayrı muzeyin birləşməsi ilə qurulmuşdur: şimal qanaddakı Çin İnqilabı Muzeyi (1949 inqilabının mirasını qorumaq üçün 1950-ci ildə qurulmuş) və cənub qanaddakı Çin Tarixi Milli Muzeyi (1949-cu ildə qurulan Pekin Milli Tarix Muzeyini və Çinin böyük tarixi irsini qorumaq üçün 1912-ci ildə qurulan Milli Tarix Muzeyinin ilkin ofisi).
Bina 1959-cu ildə Çin Xalq Respublikasının qurulmasının on illiyi münasibətilə tikilən On Möhtəşəm Binadan biri kimi tamamlandı. Bina eyni vaxtda tikilən Böyük Xalq Zalının binasını tamamlayır. Bina 6,5 hektar sahəyə, 313 metr uzunluğa, 149 metr enə və 40 metr hündürlüyə malikdir.[2] Ön tərəfin mərkəzində on kvadrat sütun var.
Dörd illik təmirdən sonra muzey 17 mart 2011-ci ildə yenidən açıldı. 28 yeni sərgi salonu yaradılmış, sərgi sahəsi, sənət sərgisi və anbarları üç dəfədən çox artırılmışdır. Sərgi üçün təxminən 200 min m2 ümumi sahə sahəsi var. Təmir işləri alman firması "Gerkan, Marg and Partners" tərəfindən layihələndilmişdir.[3]
Kolleksiyalar
[redaktə | vikimətni redaktə et]Muzey 1,7 milyon il əvvəl yaşamış Yuanmou insanından Tzin sülaləsinin (Çin tarixindəki sonuncu imperator sülaləsi) sonuna qədər Çin tarixini əhatə edir. Muzeydə bir çox qiymətli və nadir əsərlərlə birlikdə Çində və ya dünyanın digər muzeylərində tapılmayan 1 milyon 50 min əşyadan ibarət daimi kolleksiya var.
Çin Milli Muzeyindəki ən əhəmiyyətli əşyalar arasında Şan sülaləsi dövrünə aid Simuvu dini (dünyanın ən ağır qədim bürünc məmulatı: 832,84 kq), həmin dövrə aid dörd qoyun başı ilə bəzədilmiş dördbucaqlı bürünc zun, iri və nadir yazılı Qərbi Çjou sülaləsi dövrünə aid bürünc su qabı, pələng şəklində qızıl naxışlı Tsin sülaləsi dövrünə aid bürünc yarlıq, qızıl sapla tikilmiş Han sülaləsi dövrünə aid nefrit dəfn kostyumları və Tan sülaləsi dövrünə aid üçrəngli şirli san-tsay və Sun imperiyası dövrünə aid keramika kolleksiyası. Muzeydə həmçinin Luo Bojao tərəfindən bağışlanan 15000 sikkə də daxil olmaqla mühüm numizmatik kolleksiya var.[4]
Muzeydə Kommunist Partiyası tarixinə və siyasi uğurlarına vurğu edən Birinci tiryək müharibəsinin başlanğıcından bəri Çinin yaxın tarixini təqdim edən Gəncləşmə Yolu adlı daimi bir sərgi var.
Qalereya
[redaktə | vikimətni redaktə et]-
Çin Milli Muzeyində qızıl saplarla bağlanan Han sülaləsi dövrünə aid nefrit dəfn kostyumu -
Tzin sülaləsindən olan imperator Tsianlunun dövrünə aid çini vaza -
Böyük Min sülaləsi dövrünə aid simli əsginasın çapı üçün mis lövhə -
Şərqi Han sülaləsindən daş oyma. Balıqlar, tısbağalar və su quşları ilə dolu bir gölə baxan sahil köşkünün təsviri. -
-
Eramızdan əvvəl XIII əsrdə Şan sülaləsindən olan Xanım Fu Haonun türbəsindən yarasa şəklində bürünc qab. -
Qərbi Han sülaləsinin dövrünə aid kirəmit -
Lyan sülaləsinin son dövrünə aid bir döyüşçünü əks etdirən boyalı daş relyef -
Szyansu əyalətinin Syuyçjou şəhərindəki Şizişandakı Çu şahzadəsinin türbəsindən tapılan Qərbi Han sülaləsi dövrünə aid nefrit yastıq -
Tzin sülaləsi dövrünə aid qırmızı lak qutusu -
Yan tərəfdə bir balıq və daş balta tutan leylək təsviri ilə neolit Yanşao mədəniyyətinin boyalı saxsı qabları -
Döyüşən çarlıqlar dövrünə aid qızıl rənglə işlənmiş yazılarla bürünc yarlıqlar (Çu əyaləti) -
Cənub sülalələrdən olan iki alim və iki qulluqçunun təsvir olunduğu kərpic relyef -
Xubilay xanın hakimiyyət dövrünə aid tunc top -
Simuvu dini (qabı) bu günə qədər dünyada tapılan ən böyük bürünc əsərdir. -
Neolit Yanşao mədəniyyətinin qartalşəkilli saxsı qabları
İstinadlar
[redaktə | vikimətni redaktə et]- ↑ Art's most popular (ing.): Exhibition and museum visitor figures 2019. // The Art Newspaper 2020. Vol. XXIX, Iss. 322. ISSN 0960-6556
- ↑ "China.org". 2010-04-15 tarixində arxivləşdirilib. İstifadə tarixi: 2021-06-27.
- ↑ "Hanno Rauterberg, Aufklärung in eigener Sache, Die Zeit, April 1, 2011 (in German)". January 28, 2018 tarixində arxivləşdirilib. İstifadə tarixi: June 27, 2021.
- ↑ Luo Bozhao qianbixue wenji by Ma Feihai, Zhou Xiang, Luo Jiong, Luo Bozhao, review by Helen Wang The Numismatic Chronicle (1966-), Vol. 165 (2005), pp. 413–414