Çingiz Ələkbərzadə

Çingiz Ələkbərzadə
Çingiz Ələkbərzadə
	Çingiz Əbülhəsən oğlu Ələkbərzadə
Doğum tarixi	17 oktyabr 1936
Doğum yeri	Bakı, Azərbaycan SSR, ZSFSR, SSRİ;
Vəfat tarixi	7 yanvar 1999 (62 yaşında)
Vəfat yeri	Bakı, Azərbaycan;
Milliyyəti	azərbaycanlı
Uşaqları	Sevda Ələkbərzadə ; Elmira Ələkbərzadə
Fəaliyyəti	aktyor, yazıçı
Təhsili	Azərbaycan Dillər Universiteti;

Ələkbərzadə Çingiz Əbülhəsən oğlu (17 oktyabr 1936, Bakı – 7 yanvar 1999, Bakı) — nasir, ssenarist,^[1] 1970-ci ildən Azərbaycan Yazıçılar Birliyinin üzvü.^{[mənbə göstərilməlidir]}

Həyatı

Çingiz Ələkbərzadə 1936-cı il oktyabrın 17-də Bakı şəhərində anadan olmuşdur. Tovuz şəhərindəki A.S.Puşkin adına şəhər orta məktəbini bitirmişdir (1955). ADU-nun filologiya fakültəsində təhsil almışdır (1955-1960).

Tələbəlik dövründə "Kökəlməyin sirri" hekayəsi almanaxda dərc olunmuşdur (1958). Bundan sonra dövri mətbuatda müntəzəm çıxış etmişdir. Əmək fəaliyyətinə Əli Bayramlı rayonundakı 2 saylı orta məktəbdə müəllim kimi başlamışdır (1960).

Azərbaycan Dövlət Televiziya və Radio Verilişləri komitəsində son xəbərlər redaksiyasında işləmişdir (1961-1966). İsmayıllı rayonundakı İvanovka kəndində müəllim (1966-1968), Əli Bayramlı rayonunda "İşıq" qəzeti redaksiyasında məktublar şöbəsinin müdiri (1968-1971), İsmayıllı rayonunda "Zəhmətkeş" qəzeti redaksiyasında məktublar şöbəsinin müdiri (1971-1972), Azərbaycan SSR Televiziya və Radio Verilişləri komitəsində "Günün səsi" xəbərlər baş redaksiyasında müxbir (1972-1973), "Azərbaycanfılm" kinostudiyasında ssenarist (1973-1975), "Kirpi" satirik jurnalında ədəbi işçi (1976-1979), Azərbaycan Dövlət Televiziya və Radio Verilişləri Komitəsində "Günün ekranı" redaksiyasında ştatdankənar müxbir (1979-1984), Şirvan bölgəsi üzrə xüsusi müxbir (1984-1989) olmuşdur. Özbəkistanda keçirilən Azərbaycan ədəbiyyatı və incəsənəti ongünlüyündə iştirak etmişdir (1980). Durğunluq dövründə ictimai qüsurları kəskin tənqid etdiyinə görə həbs edilmişdir (1986-1988). Sonra bəraət almış, bədii yaradıcılıqla məşğul olmuşdur. 1999-cu il yanvarın 7-də vəfat etmişdir.

Əsərləri

Yarpaqlar töküləndə. Bakı: Uşaqgəncnəşr, 1964, 120 səh.
Güllələr dənizdə sönür. Bakı: Gənclik, 1973, 138 səh.
Qızıl yəhərli at. Bakı: Gənclik, 1976, 135 səh.
Çılpaqlı (roman). Bakı: Gənclik, 1979, 176 səh.
Vulkan (povest və hekayələr). Bakı: Yazıçı, 1983, 181 səh.
Öndən. Bakı: Yazıçı, 1992, 214 səh.
Qumarbaz. Bakı: Azərnəşr, 1993, 295 səh.
Türmə mənim ahımdı. Bakı: Gənclik, 1993, 78 səh.

Filmoqrafiya

İstinadlar

↑ Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 272-274.

[1] Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 272-274.

[1]