Ölümcül döyüş (film, 1995)

Vikipediya, azad ensiklopediya
Naviqasiyaya keçin Axtarışa keçin
Ölümcül döyüş
ing. Mortal Kombat
Janr döyüş filmi[1][2][…], fentezi filmi[d][1][2][…], döyüş sənətləri filmi[d], macəra filmi
Əsas mövzu Nindza
Rejissor
  • Pol V. S. Anderson[d]
Baş rollarda
Operator
  • Con R. Leonetti[d]
Distribütor New Line Cinema, Netflix
İlk baxış tarixi 18 avqust 1995[7], 27 oktyabr 1995[8], 18 yanvar 1996[9]
Müddət 101 dəq.
Büdcə 20.000.000 $
Gəlir 122.195.920 $[10], 70.454.098 $[10]
Ölkə
Dil ingilis dili
Sonrakı film Ölümcül döyüş 2: Məhv etmək
Rəng rəngli
Çəkiliş yeri Los-Anceles, Budapeşt, Tailand
IMDb ID0113855

Ölümcül döyüş (ing. Mortal Combat) – 1995-ci ildə rejissor Pol Uilyam Skott Anderson tərəfindən döyüş janrında çəkilən filmdir.[11][12] Filmin distribütori New Line Cinema kinokompaniyasıdır.[13]

Məzmun[redaktə | mənbəni redaktə et]

Xarici Dünyanın İmperatoru olan Şao Kannın Dünyanı ələ keçirməsi üçün Böyük Tanrılar tərəfindən yaradılan "Ölümcül döyüş" turnirində bir-birinin ardınca 10 turniri qazanması lazımdır. Bu səbəbdən cadugər Şanq Tsunqun gücündən istifadə edir. İmperator "Ölümcül döyüş" turnirinin doqquzunu qazanır. Şanq Tsunq turnir üçün dünya ölkələrdə yaşayan ən yaxşı döyüşçülər axtarır. Bu səbəbdən Şanq Tsunq döyüşçüləri aldadaraq və ya onların intiqam duyğularından istifadə edərək, turnirə qatılmağa vadar edir. Şimşək tanrısı olan Reydenin vəzifəsi isə Dünyanı İmperatorun dəstəsindən qorumaqdır.

Şanq Tsunq və Çen "Ölümcül döyüş" turnirində qarşılaşırlar. Turnir döyüşündə Şanq Tsunq asanlıqla qalib çıxır. Bu zaman Şanq Tsunq skeletə dönür. Vahimə içində yuxudan oyanan Liu Kenq bunun bir yuxu olduğunu zənn edir. Lakin Liu Kenq bununla bərabər qardaşının fəlakətə uğradığını başa düşür. Bu səbəbdən Liu Kenq Şaolin məbədinə dayısının məbədinə qayıdır. Məbəddə Liu Kenq şimşək tanrısı olan Lord Reyden ilə rastlaşır. Rayden onun döyüşdə qələbə çalmasından şübhə ilə yanaşır. Liu Kenq isə fikrindən dönmür və turnirə hazırlaşır.

Conni Keyc isə uğursuz film çəkilişdən sonra dostu Boyd ilə qarşılaşır. Həmin adam onu "Ölümcül döyüş" turnirinə dəvət edir. Conni Keyc turnirdə gücünü bütün dünyaya göstərərək, əsl döyüş ustası sübut etmək üçün turnirə qatılmağı planlaşdırır. Lakin Conni Keyc Boydun əslində Şanq Tsunq olduğunu bilmir. Bu müddətdə polislər monyak qatilin axtarışındadır. Polis vəzifəsində çalışan Sonya Bleyd dostunun Kano adlı monyak qatil tərəfindən öldürüləndən sonra ondan qisas almaq niyyətindədir. Sonya Kanonun "Ölümcül döyüş" turnirinə qatılmasını eşidincə, döyüşçülərin yola düşdüyü gəmiyə girməyi bacarır. Turnirə qatılmaq üçün gəmidə Şanq Tsunq hiyləgər planı sayəsində dünyanın hər yerindən dəvət olunmuş güclü döyüşçülər vardır. Döyüşçülər Honq Konq limanından Şanq Tsunqa məxsus adaya yola düşürlər. Turnir gecəsində Liu Kenq, Sonya Bleyd və Conni Keyc gizlincə otaqlardan birinə daxil olurlar. Onlar otaqda Qoro və Kanonun Şanq Tsunqun yerinə keçmək haqqında danışdıqlarını görürlər. Danışıq bitməmişdən əvvəl onlar buranı tərk edirlər. Bu müddətdə Şanq Tsunq onların ardınca sürünənlər sinfinə mənsub olan canlı məxluqu göndərir. Bir müddət sonra qəhrəmanlar sayca çox olan döyüşçülərlə vuruşaraq, onları məğlub edirlər. Lakin döyüş bitdikdən sonra qəhrəmanlar onların daha da çoxaldığını görürlər. Bu zaman gözlənilmədən Reyden peyda olur. Reyden onlara Şanq Tsunq haqqında danışır və "Ölümcül döyüş" turnirinin mahiyyətini izah edir. Bu ərəfədə Şanq Tsunq "Ölümcül döyüş" turnirinin ilk mərhələsini başladır.

Liu Kenq ilk döyüşünü qələbə ilə bitirir. Şanq Tsunq isə Liu Kenqin məğlub etdiyi döyüşçünün ruhunu alır. Döyüşlərin birində Sonya Bleyd Şanq Tsunqda Kano ilə döyüşmək istədiyini bildirir. Şanq Tsunq onun arzusunu yerinə yetirir. Döyüşün sonunda Sonya Bleyd gözlənilmədən Kanoya güclü müqavimət göstərir və onu öldürür. Şanq Tsunq isə bundan məmnun qalır. Turnir başlamamışdan əvvəl Liu Kenq Xarici Dünyanın İmperatoru Şao Kannın qızlığı Şahzadə Kitana ilə rastlaşır. Döyüşlərin birində Liu Kenq onunla qarşılaşır. Kitana ona döyüşmək üçün hazırlıqlı olmasını və daha sonrakı döyüşdə rəqibi məğlubiyyətə uğratmaq üçün yeni elementdən istifadə etməsini deyir. Liu Kenq onun sözlərini tam başa düşmür. Döyüş Kitana tərəfindən pozulduğundan, Şanq Tsunq Kitananı döyüş turnirindən kənarlaşdırır.

Conni Keyc meşədə Skorpion ilə qarşılaşır. Döyüş onlar arasında çox qəribə keçir. Onlar əvvəlcə meşədə, sonra yeraltı dünyada vuruşmağa başlayırlar. Döyüşün sonunda Conni Keyc qalib çıxır. Sonrakı döyüş isə Sab-Ziro ilə Liu Kenq arasında olur. Reyden ətrafa qabda su qoyur və gözdən itir. Bu zaman Liu Kenq və Sab-Ziro bura gələrək vuruşmağa başlayırlar. Sab-Ziro məğlub olmasını görüncə, ətrafında buz yaratmağa başlayır. Liu Kenq Kitananın ifadəsi yadına düşür və ətrafı göz gəzdirərək içi su ilə dolu qabı görür. Liu Kenq həmin qabda olan suyu fırladaraq buzlu dalğanın içinə atır. Bu zaman su buza çevrilərək Sab-Ziroya dəy və Sab-Ziro buzdan partlayır.

Turnirlərin birində Şahzadə Qoro Art Lin adlı döyüşçünü məğlub edir və bu zaman Şanq Tsunq onun ruhunu alır. Bundan ən çox qəzəblənən Conni Keyc Qoro ilə vuruşmaq istəyir. Conni Keycin Qoro ilə döyüşməmişdən əvvəl Şanq Tsunqa müraciət edir və arzusu həyata keçir. Conni Keyc ilə Qoro "Ölümcül döyüş" turnirində qarşılaşırlar. Qoro Conni Keycin köynəyinin cibindəki eynəyini götürərək sındırır. Bu zaman Conni Keyc ona möhkəm zərbə endirir və turnirdən uzaqlaşır. Bu zaman Şanq Tsunq Qoroya Conninin ardınca getməsini tələb edir və Qoro onu izləməyə başlayır. Sonda Conni Keyc ona təpiklə zərbə endirir və Qoro zirvədən yerə düşür. Turnirin qalibi Conni Keyc olur. Conni Keyc Qoronu məğlub etdikdən sonra döyüşçüsünün məğlubiyyətinə tab gətirə bilməyən Şanq Tsunq Sonya Bleydi oğurlayır. Şanq Tsunq onlara deyir ki, buna onun tam ixtiyarı çatır. Reyden onlarla birgə getmir. Çünki bu zaman qələbə düşmən tərəfinə veriləcəkdir. Liu Kenq və Conni Keyc onun ardınca gedirlər. Lakin bu zaman Liu Kenq Reptayl ilə vuruşmağa məcbur olur. Döyüşün sonunda Liu Kenq qalib gəlir və skeletin içindən çıxmış canlı məxluqu əzir. Bu zaman Kitana peyda olur. Kitana Liu Kenq və Conni Keyci Sonya Bleydin saxlandığı yerə aparır.

Şanq Tsunq Sonya Bleydi turnirə gətirir. Şanq Tsunq Sonya ilə döyüşməyə hazırlaşır. Bu zaman gözlənilmədən ətrafdakılar bağlı üzlərini açırlar. Həmin şəxslər Liu Kenq, Kitana və Conni Keycdir. Şanq Tsunq əvvəlcə Conni Keyc ilə döyüşmək istəyir. Lakin Liu Kenq qardaşının qisasını almaq üçün Şanq Tsunqu döyüşə çağırır və "Ölümcül döyüş" turniri başlayır. Döyüşün sonunda Liu Kenq qalib gəlir. Bu zaman onun bədənindən çoxlu sayda ruhlar çıxmağa başlayır. Ruhların biri də Liu Kenqin qardaşının ruhudur. Çenin ruhu Liu Kenqə təşəkkür edir və digər dünyaya yola düşür. Qələbədən sonra qəhrəmanlar bir araya gələrək qələbəni qeyd edirlər. Lakin bu zaman Xarici Dünyanın İmperatoru Şao Kann peyda olur və onları tabe olmağa çağırır. Qəhrəmanlar isə buna razı olmayaraq döyüş vəziyyətində dayanırlar.

Rollarda[redaktə | mənbəni redaktə et]

Aktyor/aktrisa Rol
Robin Şu Liu Kenq
Talisa Soto Kitana
Keri-Hiroyuki Taqava Şanq Tsunq
Linden Eşbi Conni Keyc
Bricitt Vilson Sonya Bleyd
Kristofer Lambert Reyden
Trevor Qoddard Kano
Keyt Kuk Reptayl
Fransua Peti Sab-Ziro
Kris Kasamasa Skorpion
Qreqori Makkini Ceks
Stiven Ho Çen
Kevin Maykl Riçardson Qoro
Frenk Uolker Şao Kann
Kennet Edvards Art Lin
Ed Bun Skorpion (səsləndirmə)

Maraqlı faktlar[redaktə | mənbəni redaktə et]

  • "Ölümcül döyüş" filminə Brüs Linin oğlu Brendon Lini də çəkmək istəyirdilər. Lakin Brendon Li "Qarğa" filmində açılan atəşdən vəfat edir.
  • Sonya Bleyd roluna aktrisa Kameron Diazı dəvət edirlər. Lakin Kameron Diazın film səhnəsində ayağı burxulur və filmdən imtina edir.
  • "Ölümcül döyüş" filminə Jan-Klod Van Dammı dəvət edirlər. Lakin Van Damm bu filmdən imtina edərək "Küçə döyüşçüsü" filminə çəkilir.[14]
  • Linden Eşbi (Conni Keyc) və Kristofer Lambert (Lord Reyden) bu film zamanı gizli reklamlara çəkildikləri üçün onların "Ölümcül döyüş 2" filmində iştirakına icazə verilməyib.[15]
  • "Ölümcül döyüş" əsərində Sab-Ziro ilə Skorpion düşmən olurlar. Skorpion həmişə qardaşı Reptaylı Sab-Zirodan qoruyur.
  • Filmdə olan bütün hərəkətləri aktyorlar özləri ifa edirlər.
  • Filmdə Sab–Ziro (Fransua Peti) və Lui Kenq (Robin Şu) vuruşmasında Robin Şu qabırğası sınır. Buna baxmayaraq Robin çəkilişi davam etdirir.
  • "Ölümcül döyüş" əsərində Şanq Tsunq ölmür.
  • "Ölümcül döyüş" əsərində Sonya Bleyd Kanonu öldürmür.
  • "Ölümcül döyüş" əsərində filmin baş qəhrəmanlarından biri olan Conni Keyc personajı yoxdur.

Saundtrek[redaktə | mənbəni redaktə et]

Filmin bəstəkarı Corc S. Klintondur.[16] Filmin başlanğıc mahnısının müəllifləri Praqah Xan və Oliver Adamsdır. Mahnı "Hərəkət filminin yazıçılar mahnısı" mükafata layiq görülmüşdür. Həmin mahnı ABŞ-nin Billboard 200 hit paradında 10 gün #10-cu pillədə qalmışdır. Filmin saundtrek albomu 15 avqust 1995-ci il tarixində "TVT" firması tərəfindən istehsal edilmişdir.

Filmin davamı[redaktə | mənbəni redaktə et]

Filmin davamı 1997-ci ildə çəkilmişdir. Filmin məzmunu əvvəlki məzmunu davam etdirsə də, nisbətən fərqlənir. Filmdə əvvəlki filmdən Robin Şu və Talisa Soto iştirak edir. Digər personajlar isə dəyişdirilmişdir. Filmin davamı ilk hissənin ardını davam etdirir. "Ölümcül döyüş" turnirinin sonuncu döyüşündən sonra Qara qüvvələr artıq Yer kürəsinə daxil olmuşdur. Şao Kann müqəddəs qanunları pozaraq Yer kürəsini ələ keçirmək istəyir. Qara qüvvələr Sindeli öz tərəflərinə çəkib, onu özlərinə kraliça seçmişdilər. Filmin baş qəhrəmanları bu mübarizə iştirak etməlidilər. Bunun üçün onlar çox çətn sınaqlardan keçməlidirlər. Filmin məzmunu əvvəlki məzmunu davam etdirsə də, ilk hissədən çox fərqlənir. Film nisbətən müasir tərzdə çəkilmişdir.

İstinadlar[redaktə | mənbəni redaktə et]

  1. 1,0 1,1 http://www.imdb.com/title/tt0113855/.
  2. 2,0 2,1 2,2 2,3 http://www.metacritic.com/movie/mortal-kombat.
  3. 3,0 3,1 http://www.allocine.fr/film/fichefilm_gen_cfilm=13254.html.
  4. 4,0 4,1 http://stopklatka.pl/film/mortal-kombat.
  5. 5,0 5,1 http://www.imdb.com/title/tt0113855/fullcredits.
  6. 6,0 6,1 Česko-Slovenská filmová databáze (çeş.). 2001.
  7. http://www.boxofficemojo.com/movies/?id=mortalkombat.htm.
  8. http://www.sfi.se/sv/svensk-filmdatabas/Item/?itemid=21751&type=MOVIE&iv=Basic.
  9. IMDb (ing.). 1990.
  10. 10,0 10,1 Box Office Mojo (ing.). 1999.
  11. Paul W.S. Anderson Interested In Shooting Another Mortal Kombat Movie[ölü keçid]
  12. "A New Battle For Mankind Begins in 'Mortal Kombat' Tourney, Redo in the Works". 2022-09-15 tarixində arxivləşdirilib. İstifadə tarixi: 2012-05-09.
  13. "New 'Mortal Kombat' movie 'needs to feel brutal,' says director". Entertainment Weekly. 2011-09-29. 2011-10-01 tarixində arxivləşdirilib. İstifadə tarixi: 2011-09-30.
  14. Review of Mortal KombatSiskel & Ebert[ölü keçid]
  15. "Mortal Kombat reviews". Metacritic.com. 2010-05-27 tarixində arxivləşdirilib. İstifadə tarixi: 2014-01-26.
  16. Mortal Kombat review, Bruce Diones, The New Yorker, September 4, 1995

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]