Mortal Kombat Mythologies: Sub-Zero

Vikipediya, açıq ensiklopediya
Keçid et: naviqasiya, axtar
Mythologies: Sub-Zero

Mortal Kombat Mythologies.jpg

Oyun haqqında
Hazırlayan(lar) Midway Games (PS)
Avalanche Software (N64)
Nəşr edən(lər) Midway Games
Bəstəkar(lar) Den Forden
Buraxılış tarix(lər)i 1997
Janr(lar) Faytinq oyunu
Texniki Məlumatlar
Vebsaytı

Mythologies: Sub-Zero - "Midway Games" oyun şirkəti tərəfindən 1997-ci ildə yaradılan, döyüş oyunudur.

Hekayə[redaktə | əsas redaktə]

Sab-Ziro, Lin Kuey klanına mənsub döyüşçüdür. Kuan Çi, onu Şaolin məbədindən xəritəni götürməsi üçün vəzifələndirir. Sab-Ziro xəritəni götürmək üçün məbədə yola düşür. Döyüşlərin birində Şiray Ryu klanına mənsub olan döyüşçü Skorpionla qarşılaşır. Kuan Çi planının müvəffəqiyyətlə həyata keçməsi üçün Skorpionu da xəritəni götürmək üçün vəzifələndirmişdir. Lakin Sab-Ziro onu özünə rəqib olaraq düşünür. Bu zaman Sab-Ziro onunla döyüşür və onu öldürür. Sab-Ziro xəritəni tapandan sonra onu Kuan Çiyə təqdim edir. Kuan Çi isə mükafat olaraq Lin Kuey klanının əsas rəqibi olan Şiray Ryu klanının bütün heyətini işdən azad edir. Ardınca Kuan Çi Sab-Zironu məbəddən qədim amuleti götürmək üçün vəzifələndirir.

Sab-Ziro tapdığı xəritənin sayəsində amuleti tapmalıdır. Bir çox çətin sınaqlardan sonra Sab-Ziro amuleti tapır və bu zaman qəflətən Kuan Çi peyda olur. Kuan Çi ona bu amuletin onu sahibi olan Şinnoka aid olduğunu bildirir. Məhz bu amuletin sayəsində Şinnok Yer dünyasını ələ keçirəcəkdir. Sab-Ziro isə onun sözlərini bir mənalı olaraq qarşılamır. Bu zaman Kuan Çi yoxa çıxır. Ardınca Reyden peyda olaraq amuletin sehrli gücü barəsində Sab-Ziroya məlumat verir. Reyden ona səhvini düzəltməsi üçün portal yaradır və Sab-Ziro Amuleti tapmaq üçün bu portala daxil olur.

Portaldan çıxdıqdan sonra Sorpionun müqaviməti ilə qarşılaşır və onu yenidən məğlub edir. ŞinnoKun körpüsünə yaxınlaşan çatan zaman Kia, Cataaka və Sarina ilə döyüşmək məcburiyyətində qalır. Sab-Ziro onları məğlub edir və yalnız Sarinanı öldürmür. Sab-Ziro Kuan Çinin iqamətgahına gələn zaman amuletin artıq Şinnokda olduğu xəbərini alır. Kuan Çi isə ona klanına qatılması təklifini edir. Lakin Sab-Ziro onunla razılaşmır və döyüşmək niyyətindədir. Döyüş zamanı Sarina qəflətən peyda olaraq Kuan Çini körpüdən atır. Sab-Ziro Sarinaya bu köməkliyi ona nə üçün etdiyini soruşur. Sarina isə Sab-Ziroya Yeraltı dünyadan azad olmaq arzusu olduğunu bildirir. Bu zaman Şinnok qəflətən peyda olur və Sarinanı öldürür. Sab-Ziro Şinnokla mübarizə aparan zaman ondan amuleti götürməyi bacarır. Lakin bu zaman Şinnok bədheybətə dönür. Qəflətən Yeraltı dünyada portal açılır və Sab-Ziro həmin portala daxil olur. Burada Reydeni müşahidə edərək, ona amuleti təqdim edir. Bu hadisədən sonra Sab-Ziro Lin Kuey klanına geri qayıdır. Bura qayıdan zaman öyrənir ki, onun bu fərasəti Şanq Tsunqun diqqətini cəlb etmiş və onu "Ölümcül döyüş" turnirinə dəvət etmişdir.

Xarici keçidlər[redaktə | əsas redaktə]