Üçüncü sülalə (Misir)

	Qədim Misir tarixi
	Sülalə öncəsi dövr
	Tasi mədəniyyəti
	Badar mədəniyyəti
	Nakadi mədəniyyəti
	Amrat mədəniyyəti (I Nakad); Gerzey mədəniyyəti (II Nakad)
	Aşağı Misir
	Yuxarı Misir
	Sülalələr dövrü
	Erkən padşahlıq
	I sülalə • II sülalə
	Qədim padşahlıq
	III sülalə • IV sülalə; V sülalə • VI sülalə
	Birinci aralıq dövr
	VII sülalə • VIII sülalə; IX sülalə • X sülalə; XI sülalə
	Orta padşahlıq
	XI sülalə • XII sülalə
	İkinci aralıq dövr
	XIII sülalə • XIV sülalə; XV sülalə • XVI sülalə; XVII sülalə
	Yeni padşahlıq
	XVIII sülalə; XIX sülalə • XX sülalə
	Üçüncü aralıq dövr
	XXI sülalə; XXII sülalə • XXIII sülalə; XXIV sülalə • XXV sülalə; XXVI sülalə
	Sonrakı dövr
	XXVIII sülalə; XXIX sülalə • XXX sülalə
	Fars dövrü
	XXVII sülalə • XXXI sülalə
	Yunan-Roma dövrü
	Argeadlar • Ptolemeylər
	bax; müzakirə; redaktə;

III sülalə - Qədim Misirdə Qədim padşahlığın ilk sülaləsi. Təxminən e.ə 2686–2575 illərdə (başqa hesablamalara görə e.ə 2727–2655 illərdə) hakimiyyətdə olub^[1].

Tarix

Sülalənin hakimiyyət dövrü sakit keçib, böyük münaqişələr olmayıb. Bu illərdə mərkəzi hakimiyyət güclənib və bir çox sahədə əhəmiyyətli yenilikləri baş verib.

Siyasi sabitlik, memarlıq sahəsindəki inqilabi yeniliklər və mədəni yüksəliş ilə seçilən III sülalə dövründə möhtəşəm piramida mədəniyyətinin başlanğıcı qoyulub.

Sülalənin ən tanınmış fironu Coser (e.ə. 2670–2640) olub. O, Misir tarixində ilk daş piramidanın – məşhur Sakkara pilləli piramidasının inşasına göstəriş verib. Bu tikili memar İmhotepin rəhbərliyi altında inşa edilib və dünyada mövcud olan ilk böyük miqyaslı daş memarlıq əsəri sayılır. İmhotep yalnız istedadlı bir memar deyildi. O həm də həkim, alim və dövlət xadimi kimi tanınırdı. İmhotepin şəxsiyyəti daha sonrakı dövrlərdə ilahiləşib və o Misirin müdriklik tanrısı hesab edilməyə başlayıb.

Coserin hakimiyyəti dövrü ölkədə iqtisadi və mədəni inkişaf illəri hesab olunur. Güclü mərkəzi idarəçilik və əkinçiliyin genişləndirilməsi üçün irriqasiya sistemlərinin təkmilləşdirilməsi, Misirin sabitliyini təmin edirdi.

III sülalənin digər mühüm fironları arasında Sexemxet və Huni da var. Sexemxetin hakimiyyəti dövründə, Sakkarada ona aid olan daha bir pilləli piramidanın inşası başlanıb, lakin tam başa çatdırılmayıb. Huni isə sülalənin son hökmdarı kimi, Nil çayı üzərində su idarəetmə sistemlərini təkmilləşdirib.