İbrahim Balakişiyev

İbrahim Balakişiyev
Doğum yeri	Bakı

Balakişiyev İbrahim Əbdülsalam oğlu — "Səhiyyə əlaçısı" (1961), "Azərbaycan SSR Əməkdar həkimi" (1968).

Həyatı

İbrahim Balakişiyev 1916-cı il mayın 5-də Novxanıda anadan olub. 1940-cı ildə Azərbaycan Dövlət Tibb İnstitutunu bitirib. Sentyabr ayına kimi poliklinikada həkim vəzifəsində çalışmış, oradan da Sovet Ordusu sıralarına getmişdir.

1941–1942-ci illərdə Pribaltika Səyyar Səhra hospitalı filialının rəisi vəzifəsində xidmət edib. Ərazi işğal olunduqdan sonra 1942–1943-cü illərdə Leninqrad vilayətində partizan briqadasının hospitalına rəhbərlik edib. Vilayət düşməndən azad olunandan sonra ona Leninqrad şəhəri Novoselsk rayon şəhiyə şöbəsinin müdiri vəzifəsi təklif edilib. Lakin o, faşist işğalçıları ilə mübarizə aparmağa üstünlük verib, döyüçən ordunun tərkibində müharibənin sonuna qədər Qatçinsk diviziyası 201-ci Tibbi Sanitar Batalyonunda hospital rotasının rəisi vəzifəsində xidmət edib. "Qırmzı Ulduz" və "Vətən müharibəsi" ordenləri ilə təltif edilmişdir.

Müharibədən sonra N. Nərimanov adına ATİ-nun dəri-zöhrəvi xəstəliklər kafedrasında klinik ordinaturanı bitirib. 1949–1950-ci illərdə Dəri-Zöhrəvi Xəstəlikləri Elmi Tədqiqat İnstitutunda əvvəlcə stasionar şöbənin müdiri, sonradan isə müdir müavini vəzifəsində çalışıb. 1950–1955-ci illərdə Şəki Dəri-zöhrəvi dispanserində baş həkim işləyib. 1955-ci ildən ömrünün sonuna kimi Respublika Dəri-Zöhrəvi Dispanserində şöbə müdiri vəzifəsində çalışıb.

1961-ci ildə "Səhiyyə əlaçısı" nişanı ilə mükafatlandırılıb. 1968-ci ildə Azərbaycan SSR "Əməkdar həkimi" adına layiq görülmüşdür.

Mənbə

• Fikriyə Balakişiyeva, "Balakişiyev İbrahim Əbdülsalam oğlu" məqaləsi.