İbrahim Göyçaylı

Vikipediya, açıq ensiklopediya
Jump to navigation Jump to search
İBRAHİM GÖYÇAYLI
Fotoqrafiya
Doğum tarixi 12 noyabr 1936(1936-11-12)
Doğum yeri Göyçay, Alıkənd
Vəfatı 24 fevral 2007 (70 yaşında)
Vəfat yeri Bakı
Fəaliyyəti şair

İbrahim Göyçaylı (tam adı: Əsgərov İbrahim Məhəmməd oğlu) — Azərbaycanlı şair; Azərbaycanın Əməkdar İncəsənət Xadimi, Azərbaycan Televiziya və Radio Verilişləri Şirkətində "Ədəbiyyat və İncəsənət Redaksiyası"nın baş redaktor müavini.

Həyatı[redaktə | əsas redaktə]

İbrahim Göyçaylı 1936-cı il, noyabrın 12-də Göyçay rayonunun Alıkənd kəndində anadan olmuşdur.

1943-cü ildə Göyçay şəhərində orta məktəbə gedib. 1953-cü ildə məktəbi bitirdikdən sonra Azərbaycan Dövlət Universitetinin Filologiya fakültəsində təhsil alıb (1953-1958).

Əmək fəaliyyətinə qəzetdə müxbir kimi başlayıb. Sonra Azərbaycan Dövlət Nəşriyyatında redaktor, "Mədəni ticarət", "Za kulturnuyu torgovli" qəzetlərində baş redaktor, Azərbaycan Televiziya və Radio Verilişləri Şirkətində redaktor, şöbə müdiri, baş redaktor kimi vəzifələrdə çalışıb. 1983-cü ildən 2007-ci ilə qədər baş redaktor müavini vəzifəsində fəaliyyət göstərmişdir.

Ümumilikdə, Azərbaycan Dövlət Radiosunda 40 ilə yaxın müddətdə fəaliyyət göstərmiş, radionun formalaşmasında xüsusi xidmətləri olmuşdur.

2006-cı ildə prezident İlham Əliyevin qərarına əsasən Əməkdar İncəsənət Xadimi adına layiq görülmüşdür.

2007-ci il, fevral ayının 24-də, uzun sürən xəstəlikdən sonra 70 yaşında vəfat etmişdir.

Yüzdən çox şerinə mahnılar bəstələnib, tanınmış sənətkarlar tərəfindən ifa olunub.

Kitabları[redaktə | əsas redaktə]

  1. Dalğalar qoynunda. Bakı: Azərnəşr, 1966
  2. Yadigar sözlər. Bakı: Azərnəşr, 1969
  3. Gözlərinin işığında. Bakı: Gənclik, 1973
  4. Qərənfil işığı. Bakı: Gənclik, 1979
  5. Qoymayın qızları kədərlənməyə. Bakı: Yazıçı, 1982
  6. Ulduzlar nədən danışır. Bakı: Gənclik, 1984
  7. Vaxt soruşsa. Bakı: Yazıçı, 1986
  8. Песня голубой вершины. (Mavi zirvənin nəğməsi). Москва: Советский писатель, 1987
  9. Uzaq haraylara isinmir ürək. Bakı: Yazıçı, 1991
  10. Ümiddən uzun gecə. Bakı: Azərbaycan Ensiklopediyası N.P.B., 1997
  11. Lirika. Bakı: Gənclik, 2001
  12. Ümid yeri. Tehran: 2003
  13. Yaşadığım bu dünya. Bakı: Gənclik, 2004
  14. Fikrimin sabahı. Bakı: Şirvannəşr, 2005
  15. Ömrümüz su kimi. Bakı: Şirvannəşr, 2005

Xarici keçidlər[redaktə | əsas redaktə]