İdris Süleymanov

Vikipediya, açıq ensiklopediya
Jump to navigation Jump to search
İdris Süleymanov
İdris Həsən oğlu Süleymanov
Fotoqrafiya
Doğum tarixi 12 fevral 1915(1915-02-12)
Doğum yeri Goran, Goranboy rayonu, Flag of the Russian Empire (black-yellow-white).svg Rusiya İmperiyası
Vəfat tarixi 29 iyul 1986 (71 yaşında)
Vəfat yeri Flag of the Azerbaijan Soviet Socialist Republic.svg Azərbaycan SSR
Peşəsi Hərbi qulluqçu
Milliyyəti azərbaycanlı
Mükafatları Sovet İttifaqı Qəhrəmanı
"Lenin" ordeni

Süleymanov İdris Həsən oğluSovet İttifaqı Qəhrəmanı.

Həyatı[redaktə | əsas redaktə]

İdris Süleymanov 12 fevral 1915-ci ildə Goranboy rayonunun Goran qəsəbəsində anadan olmuşdur[1].

1939-cu ildə Goranboy RHK-dan orduya çağırılmışdır. Leytenant İdris Süleymanov Qafqaz uğrunda gedən döyüşlərdə iştirak etmişdir. 1942-ci il noyabrın əvvəllərində kiçik leytenant rütbəsində olarkən Mozdok yaxınlığında 43-cü əlahiddə atıcı briqadanın birinci əlahiddə atıcı batalyonunun birinci tağımının komandiri olmuşdur[2].

Şimali Osetiya Respublikasının Mozdok rayonunun İşşersk məntəqəsinin alınmasında qəhrəmanlıq göstərmişdir. Vuruşmanın ən qaynar anında gözündən və ayağından yaralanmağına baxmayaraq, döyüşçüləri səsləyərək, düşmənə əks-həmlə etmişdir. Bundan sonra düşmən öz mövqelərini qoyub geriyə doğru çəkilməyə məcbur olmuşdur.

1942-ci ilin 13 dekabrında kiçik leytenant İdris Süleymanova SSRİ Ali Sovetinin əmri ilə Sovet İttifaqı Qəhrəmanı adı verilmişdir. 1943-cü ildə yaralandığına görə ön cəbhədən arxa cəbhəyə keçirilmişdir[3].

"Lenin" ordeni, Qırmızı Ulduz medalı və I dərəcəli Böyük Vətən müharibəsi ordeni ilə təltif edilmişdir. Müharibədən sonra Goranboy rayonunda sosial təminat şöbəsinin müdiri işləmişdir[2].

29 iyul 1986-cı ildə vəfat etmişdir[2].

İstinadlar[redaktə | əsas redaktə]

  1. Сулейманов Идрис Гасан оглу, Лейтенант, командир взвода, коммунист
  2. 2,0 2,1 2,2 (2013) Azərbaycan Respublikası Xatirə Kitabı, XIII cild. Bakı: Respublika Xatirə Kitabı redaksiyası, 493. ISBN A-49.
  3. 9may.az. Qəhrəmanlar.