İlqar Abbaszadə
| İlqar Abbaszadə | |
|---|---|
| İlqar Hüseyn oğlu Abbaszadə | |
| Doğum tarixi | |
| Doğum yeri | Azərbaycan, Bakı |
| Vətəndaşlığı |
 ABŞ |
| Atası | Hüseyn Abbaszadə |
| Anası | Solmaz Kərimova |
| Milliyyəti | azərbaycanlı |
| Tanınır | xalq yazıçısı |
İlqar Abbaszadə — Professor.
Həyat və fəaliyyəti[redaktə | mənbəni redaktə et]
1954-cü ildə Bakıda anadan olub. 1971-ci ildə 134 nömrəli məktəbdə orta təhsilini bitirərək Moskva Dövlət Universitetinə qəbul olunub. 1977-ci ildə orada biofizika və molekulyar kimya ixtisasına yiyələnib. Vətənə dönərək Bakı Dövlət Universitetinin biologiya fakültəsində biofizika və biokimya fənnlərindən dərs deməyə başlayıb. Eyni zamanda universitetin aspiranturasında təhsilini davam etdirib, biologiya elmləri namizədi alimlik dərəcəsinə sahib olub. ABŞ-yə gələnədək BDU-da müəllim, az sonra baş müəllim vəzifəsində çalışıb.[1]
1991-ci ildə onu İlinois ştatındakı Şimali İlinois Universitetinə dəvət ediblər. 4 ay orada çalışdıqdan sonra, daha bir dəvətlə Şimali Karolina ştatına gəlir və Çapel Hil Universitetinin elmi lobaratoriyasında işə başlayır. Burada o, "Nobel" mükafatı laureatı Sancarla bir yerdə işləyir. Deyir ki:
|
" Sancarı özümə qardaş bilirəm. O vaxt vətən üçün çox darıxırdım. O, mənə Amerikada arxa-dayaq oldu. 1993-cü ildə ondan ayrılandan sonra əlaqəni itirdik. 2015-ci ildə "Nobel" mükafatını ona təqdim edəndə, çətinliklə də olsa telefonunu tapdım və zəng edib təbrik etdim. Çox şad oldu, xeyli söhbət etdik" | 
|
İlqar Abbaszadə 1993-cü ildə Miçiqan ştatına gəlir, Ann Arbor şəhərindəki Miçiqan Universitetinin tibb fakültəsində biokimyadan dərs deyir və elmi araşdırmalar aparır. 1994-cü ildə məşhur Standford Universitetinə dəvət alır, 1996-cı ilədək orada tədqiqatlarını davam etdirərək, molekulyar biologiya fənnini tədris edir. Və elmi axtarışlardan ayrılaraq biznes sahəsində fəaliyyətə başlayır. Bu günədək o, bir sıra məşhur biotexnologiya üzrə şirkətlərdə biznesin idarə olunması üzrə müxtəlif vəzifələrdə işləyib. "Genscript — CPBU", "ALLSTAR ADVİSORY, INC", "BECHMAN COULTER", "PROMEGA CORPORATION", "LIFE TECHNOLOGIES", "AGILENT TECHNOLOGIES" şirkətləri bu sıradadır. Arada Çikaqo Universitetində biznesin idarə olunması ixtisası üzrə (MBA) magistr dərəcəsinə yiyələnib. Hazırda Kaliforniya şatatında "Fiji Film İrvine Scientific" şirkətində satış və marketinq deportamentinin rəhbəri vəzifəsində çalışır[1].
Ailəsi[redaktə | mənbəni redaktə et]
Ailəlidir, 4 övladı var. Ekiz qızları Nərgiz və Nigar birinci, qızı Lina, oğlu Mikayıl isə ikinci nikahdandılar. Yoldaşı Oksana Abbaszadə məşhur "Paul Mitçell" kosmetika şirkətində kurslar keçib, hazırda özəl biznesi var.
Xalq yazıçısı Hüseyn Abbaszadənin oğludur.
İstinadlar[redaktə | mənbəni redaktə et]
- ↑ 1,0 1,1 "Xalq yazıçısının ABŞ-də yaşayan alim oğlu" (az.). modern.az. 2019-02-03 tarixində arxivləşdirilib. İstifadə tarixi: 2019-02-03.