İlqar Paşazadə
| İlqar Paşazadə | |
|---|---|
| Paşazadə İlqar Tahir oğlu | |
 | |
| Doğum tarixi | 5 aprel 1963 (61 yaş) |
| Doğum yeri | |
| Atası | Tahir Paşazadə |
| Anası | Firəngiz Muxtar qızı Şıxəmirova |
| Milliyyəti | Azərbaycanlı |
| İxtisası | filoloq-dilçi |
| Təhsili | |
| Fəaliyyəti | jurnalist |
| Tanınır | teleradio jurnalisti |
| Mükafatları |
  |
 Vikianbarda əlaqəli mediafayllar | |
Paşazadə İlqar Tahir oğlu (5 aprel 1963, Bakı) — filoloq-dilçi, teleradio jurnalisti, ssenarist, "MİR" Dövlətlərarası Teleradio Şirkətinin Azərbaycan Milli Nümayəndəliyinin direktoru (2002-bu günədək),[1][2] filologiya üzrə Fəlsəfə doktoru (2007), Azərbaycan Respublikasının əməkdar jurnalisti (2010).[3] Prezident İlham Əliyevin 7 noyabr 2016-ci il Sərəncamı ilə 3-cü dərəcəli "Vətənə xidmətə görə" ordeni,[4] Rusiya Federasiyasının Prezidenti Vladimir Putinin 13033 N-li 17 oktyabr 2012-ci Fərmanı ilə "Dostluq" ordenilə təltif edilib.
Həyatı
[redaktə | mənbəni redaktə et]Paşazadə İlqar Tahir oğlu 1963-cü il aprel ayının 5-də Bakı şəhərində anadan olub. 1980-ci ildə Bakı şəhərində 167- saylı orta məktəbi bitirib. 1985-ci ildə S.M.Kirov adına Azərbaycan Dövlət Universitetinin filologiya fakültəsinin əyani şöbəsini bitirib. Tələbəlik illərindən mərkəzi və Respublika mətbuatında, o cümlədən "Komsomolskaya pravda" qəzetində məqalələri dərc olunub.
1986-cı ildə təyinatla Azərbaycan SSR-nın Nazirlər Sovetinin yanında Dövlət televiziya və radio Komitəsinə işləməyə göndərilib. 1989-cu ildə SSRİ Jurnalistlər Birliyinə üzv seçilib. Kiçik redaktordan baş redaktor vəzifəsinə kimi yüksəlib. 1992-ci ildən Respublika Radiosunun rus dilində verilişlər Yaradıcılıq birliyinə başçılıq edib. 1997-ci ildə Dövlət Televiziyasının "Xəzər" redaksiyasına baş redaktor vəzifəsinə təyin olunub. Gündəlik "Den" (Gün) və "Üz-üzə" verilişlərinə rəhbərlik edib.
2002-ci il dekabrın 11-də "Mir" Dövlətlərarası Teleradio Şirkətinin Milli Nümayəndəliyinə direktor təyin edilib.[1] 2007-ci ildə namizədlik dissertasiyasını müdafiə edib.
Ailəlidir. İki övladı var.
Mükafatları
[redaktə | mənbəni redaktə et]Həsən bəy Zərdabi adına "Qızıl qələm", Mikayıl Müşfiq adına "Azərbaycan bayrağı", BMT-nin Ümumdünya Beynəlxalq və dünya Dinlərarası Federasiyasının "Sülh səfiri" media-mükafatlarının laureatıdır. 2008-ci ildə MDB Parlamentlər Assambleyasının və "Mir" Dövlətlərarası Teleradio şirkətinin "Drevo Drujbı" (Dostluq ağacı) "qızıl" medalı ilə təltif olunub.
2010-cu il 21 iyulda Azərbaycan Respublikasının Prezidenti İlham Əliyevin sərancamı ilə "Azərbaycan mətbuatının inkişafında xüsusi xidmətlərinə görə" "Əməkdar jurnalist" fəxri adına layiq görülüb.[3]
2012 –cu il 17 oktyabrda Rusiya Federasiyasının Prezidenti Vladimir Putinin fərmanı ilə "Televiziya və radionun inkişafında böyük xidmətlərinə və uzun, səmərəli fəaliyyətinə görə" "Dostluq" ordeni ilə təltif olunub.[5]
2016-cı il 7 noyabrda Azərbaycan Respublikasının Prezidenti İlham Əliyevin fərmanı ilə Teleradio sahəsində xüsusi xidmətlərinə görə 3-cü dərəcəli "Vətənə xidmətə görə" ordeni ilə təltif olunub.[4][6]
İstinadlar
[redaktə | mənbəni redaktə et]- ↑ 1 2 "Новости Азербайджана – МТРК «МИР»О филиале". az.mirtv.ru. 2020-02-27 tarixində arxivləşdirilib. İstifadə tarixi: 8 sen 2022.
- ↑ ""Ən əsası səhihlik və səmimilikdir"". medeniyyet.az. 2022-09-08 tarixində arxivləşdirilib. İstifadə tarixi: 8 sen 2022.
- ↑ 1 2 "Azərbaycan Respublikasının mətbuat işçilərinə fəxri adların verilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az. 2022-09-08 tarixində arxivləşdirilib. İstifadə tarixi: 8 sen 2022.
- ↑ 1 2 Azərbaycan Respublikasının televiziya və radio işçilərinin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI[ölü keçid]
- ↑ ""Mir" Dövlətlərarası Teleradio Şirkətinin Azərbaycandakı Milli nümayəndəliyinin direktoru Rusiyanın "Dostluq" ordeninə layiq görülmüşdür". azertag.az. 2021-02-22 tarixində arxivləşdirilib. İstifadə tarixi: 8 sen 2022.
- ↑ "Batırşin MİR əməkdaşlarını təbrik etdi". 2022-09-09 tarixində arxivləşdirilib. İstifadə tarixi: 8 sen 2022.