İntiqam Yaşar

Vikipediya, azad ensiklopediya
Jump to navigation Jump to search
İntiqam Yaşar
Cavanşir İntiqam Yaşar oğlu
İntiqam Yaşar.jpg
Doğum tarixi (31 yaş)
Doğum yeri Gədəbəy rayonu
Vətəndaşlığı Azərbaycan Azərbaycan
Milliyyəti azərbaycanlı
Təhsili Azərbaycan Universiteti Filologiya fakültəsi
İxtisası filoloq
Fəaliyyəti şair, publisist
Əsərlərinin dili azərbaycan dili
İlk əsəri İlk görüş
Mükafatları Prezident təqaüdçüsü(2016); “Gənclər mükafatı” (2015); "Uğur"(2019)

İntiqam Yaşar (azərb. Cavanşir İntiqam Yaşar oğlu‎; d. 3 oktyabr 1990-cı il, Gədəbəy rayonu) — şair, publisist, Azərbaycan Yazıçılar Birliyinin üzvü (2015), Dünya Gənc Türk Yazarlar Birliyi İdarə Heyətinin sədri (2019), Prezident təqaüdçüsü.[1][2] Azərbaycan Respublikasının Gənclər və İdman Nazirliyi yanında İctimai Şuranın katibi (2021).

Həyatı[redaktə | mənbəni redaktə et]

Cavanşir İntiqam Yaşar oğlu 3 oktyabr 1990-cı ildə Gədəbəy rayonunda anadan olub. 1997–2008-ci illərdə Gədəbəy rayonu, Çobankənd kəndində orta məktəbdə, 2008–2012-ci illərdə isə Azərbaycan Universitetinin Filologiya fakültəsində bakalavr dərəcəsi üzrə ali təhsil alıb. 2012–2013-cü illərdə həqiqi hərbi xidmətdə olub.

Yaradıcılığı[redaktə | mənbəni redaktə et]

İntiqam Yaşar mətbuatda müxtəlif məzmunlu yazılarla çıxış edir. Yazıları "Ulduz", "Yazı" jurnallarında, "Ədəbiyyat", "Aydın yol", "525-ci qəzet", "Kaspi" kimi qəzetlərdə mütəmadi olaraq dərc olunur. Şairin 2012-ci ildə "İlk görüş" adlı şeirlər kitabı çapdan çıxıb. Həmçinin 2016-cı ildə "…və susarsan", 2018-ci ildə isə "Evdə yoxam" adlı şeir kitabları işıq üzü görüb. O, Azərbaycan Yazıçılar Birliyinin "Ən yaxşı şeir" müsabiqəsinin qalibidir.

İntiqam Yaşar 2009-cu ildən Dünya Gənc Türk Yazarlar Birliyinin üzvü, 2013-cü ildən Məclis üzvü, 2016-cı ildən Məclis Başqanı əvəzi olub. Dünya Gənc Türk Yazarlar Birliyinin icra etdiyi bir çox layihələrin rəhbəri olub. 2018-ci ildə Özbəkistanın Səmərqənd şəhərində təşkil olunan "Səmərqənd şeir axşamları" adlı beynəlxalq tədbirdə Azərbaycanı təmsil edib, 2019-cu ildə Dünya Gənc Türk Yazarlar Birliyinin nümayəndəsi kimi Özbəkistanın "Gənc Yaradıcılar Birliyi" təşkilatı ilə birgə əməkdaşlığa dair Memorandum imzalayıb.

İntiqam Yaşar eyni zamanda Azərbaycan Yazıçılar Birliyinin üzvüdür. O, 2015-ci ildə Azərbaycan Prezidentinin Təqaüd Fondunun təqaüdünə layiq görülüb. Habelə 24 iyun 2019-cu ildə Dünya Gənc Türk Yazarlar Birliyinin başqanı seçilib. Şairin şeirləri yerli türkcəyə uyğunlaşdırılaraq Özbəkistanda, Türkiyədə, Qazaxıstanda nəşr olunan dərgilərdə və antologiyalarda yayımlanıb, həmçinin rus, ingilis, belarus dillərinə tərcümə edilib.[3][4][1]

Mükafatları[redaktə | mənbəni redaktə et]

  1. Prezident təqaüdçüsü
  2. 2015-ci ildə Azərbaycan Respublikası Gənclər və İdman Nazirliyinin "Gənclər mükafatı"-na layiq görülüb.
  3. Mədəniyyət Nazirliyinin mükafatçısı [1].
  4. 2019-cu ildə Azərbaycan Yazıçılar Birliyinin təsis etdiyi "Uğur" mükafatına layiq görülüb.

İstinadlar[redaktə | mənbəni redaktə et]

  1. 1 2 "Cavanşir İntiqam Yaşar oglu". 2019-06-26 tarixində orijinalından arxivləşdirilib. İstifadə tarixi: 2019-06-28.
  2. "DGTYB konfransı keçirildi - İntiqam Yaşar başqan seçildi". 2019-06-28 tarixində orijinalından arxivləşdirilib. İstifadə tarixi: 2019-06-21.
  3. Gənc şair İntiqam Yaşarın yeni işıq üzü görmüş "Evdə yoxam" adlı şeirlər kitabının təqdimat mərasimi keçirilib
  4. İntiqam Yaşarın şeirləri