İslam Duquçiyev

Vikipediya, azad ensiklopediya
Naviqasiyaya keç Axtarışa keç
İslam Duquçiyev
Şəxsi məlumatlar
Tam adı İslam Duquçiyev
Vətəndaşlığı Rusiya Rusiya →
Azərbaycan Azərbaycan
Doğum tarixi (57 yaş)
Doğum yeri Altınemel, Qazaxıstan SSR
Boyu 170 sm. (5 ft 6 in)
Çəkisi 68 kq
İdman növü Güləş
Karyera illəri 1978—2000
Medallar

Olimpiya Oyunları
Gümüş 1992 Barselona 68 kq.
Dünya Çempionatı
Qızıl 1990 İtaliya 68 Kq.
Qızıl 1991 Bolqarıstan 68 Kq.
Qızıl 1993 İsveç 68 Kq.
Qızıl 1994 Finlandiya 68 Kq.
Avropa Çempionatı
Qızıl 1990 Poznan 68 Kq.
Qızıl 1993 İstanbul 68 Kq.
Bürünc 1994 Afina 68 Kq.

İslam Duquçiyev (15 aprel 1966) — 1992-1995-ci illərdə Rusiyanı, 2000-сi ildə isə Azərbaycanı təmsil edən yunan-roma güləşçisi, 4 dəfə Dünya və 2 dəfə Avropa Çempionatlarının qalibi.[1]

Karyerası[redaktə | mənbəni redaktə et]

İslam Duquçiyev 1984-cü ildə Polşada gənclər arasında Avropa Çempionatının qalibi oldu.[2] 1990-cı ildə isə İslam Duquçiyev Polşanın Poznan şəhərində Avropa Çempionatının, İtaliyanın Roma şəhərində isə Dünya Çempionatının qızıl medallarına sahib oldu.[2]

İslam Duquçiyev uğuruna 1991-ci ildə də davam elədi.[2] Bolqarıstanın Varna şəhərində Dünya Çempionatının qalibi olan İslam Duquçiyev 1992-ci ildə Birləşmiş Komanda ilə birgə İspaniyanın Barselona şəhərində baş tutan olimpiada da mübarizə apardı.[2] Finala gedən yolda bütün rəqibləri üzərində qələbələr qazanan İslam Duquçiyev həlledici görüşdə Macarıstan nümayəndəsi Atilla Repaya məğlub oldu və olimpiadanı gümüş medalla başa vurdu.[2]

1993-cü ildə İslam Duquçiyev Almaniya Qran-Prisinin, həmçinin Dünya və Avropa Çempionatlarının qızıl medallarına sahib oldu.[2] 1994-cü ildə Afina şəhərində (Yunanıstan) Avropa Çempionatının bürünc medalına sahib olan İslam Duquçiyev həmin il İsveçdə Dünya Çempionatının qalibi oldu və ardıcıl üçüncü dəfə Dünya çempionu adını qazandı.[2]

1995-ci ildə İslam Duquçiyevin nəticələri zəifləməyə başladı.[2] Avropa Çempionatında çıxış eləməyən İslam Duquçiyev Çexiyada baş tutan Dünya Çempionatını onuncu pillədə başa vurdu.[2] Bundan sonra İslam Duquçiyev uzun müddət Rusiya yığmasının heyətində Dünya və Avropa Çempionatlarında mübarizə aparmadı.[2] 2000-ci ildə İslam Duquçiyev Azərbaycan bayrağı altında olimpiada da mübarizə aparmaq üçün Dünya Olimpiya Təsnifat Turnirlərində çıxış elədi.[2] Nəticədə İslam Duquçiyev olimpiya lisenziyasına sahib oldu.[2]

İslam Duquçiyev Azərbaycanı 2000-ci ildə Sidney şəhərində (Avstraliya) baş tutan XXVII Yay Olimpiya Oyunlarında təmsil elədi.[2] İslam Duquçiyev qrup mərhələsinin birinci görüşündə İran nümayəndəsi Pərviz Zeydvənd ilə üz-üzə gəldi.[3] Həmin görüşdə İslam Duquçiyev rəqibi üzərində 5:0 hesabı ilə qələbə qazandı.[3] Qrup mərhələsinin növbəti görüşündə isə onun rəqibi Finlandiya nümayəndəsi Yuna Lappalaynen oldu.[3] Həm Duquçiyev, həm də Lappalaynen birinci görüşlərində qələbə qazanmışdı və bu görüşdə qalib gələn güləşçi növbəti mərhələyə vəsiqə qazanacaqdı.[3] Gəgrin idman mübarizəsi şəraitində baş tutan görüşdə İslam Duquçiyev rəqibi üzərində minimal hesablı (1:0) qələbə qazandı və qrup mərhələsini birinci pillədə başa vuraraq növbəti mərhələyə vəsiqə qazandı.[3] Olimpiadanın 1/4 final mərhələsində onun rəqibi Estoniya nümayəndəsi Valeri Nihitin oldu.[3] Həmin görüşdə İslam Duquçiyev rəqibinə 1:4 hesabı ilə məğlub oldu və olimpiadanı altıncı pillədə başa vurdu.[3]

Nəticələri[redaktə | mənbəni redaktə et]

Sıra
İl
Yarış
Ev sahibi
Nəticə
SSRİ SSRİ
1
1984
 Gənclərin Avropa Çempionatı Polşa Polşa
1.
2
1990
 Avropa Çempionatı Polşa Polşa
1.
3
1990
 Dünya Çempionatı İtaliya İtaliya
1.
4
1991
 Dünya Çempionatı Bolqarıstan Bolqarıstan
1.
Rusiya Rusiya
5
1992
 Olimpiya Oyunları İspaniya İspaniya
2.
6
1993
 Avropa Çempionatı Türkiyə Türkiyə
1.
7
 Almaniya Qran-Prisi Almaniya Almaniya
1.
8
 Dünya Çempionatı İsveç İsveç
1.
9
1994
 Avropa Çempionatı Yunanıstan Yunanıstan
3.
10
 Dünya Çempionatı Finlandiya Finlandiya
1.
11
1995
 Dünya Çempionatı Çexiya Çexiya
10.
Azərbaycan Azərbaycan
12
2000
 Dünya Olimpiya Təsnifat Turniri Özbəkistan Özbəkistan
1.
13
 Dünya Olimpiya Təsnifat Turniri ABŞ ABŞ
12.
14
 Olimpiya Oyunları Avstraliya Avstraliya
6.

İstinadlar[redaktə | mənbəni redaktə et]

  1. ↑ Olympedia.org. "İslam DUQUÇİYEV". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 8 9 10 11 12 13 International Wrestling Database. "ISLAM DUGUSHIEV". www.iat.uni-leipzig.de (ingilis). 2022-08-04. 2016-08-28 tarixində arxivləşdirilib. İstifadə tarixi: 02.08.2022.
  3. ↑ 1 2 3 4 5 6 7 Olympedia.org. "2000 Summer Olympics / Wrestling / Welterweight / Greco-Roman (69 Kilograms) / Men". www.olympedia.org (ingilis). 2022-08-30. 2022-10-10 tarixində arxivləşdirilib. İstifadə tarixi: 30.08.2022.
Mənbə — "https://az.wikipedia.org/w/index.php?title=İslam_Duquçiyev&oldid=7571681"