İsrafil Məmmədov (kimyaçı)
| İsrafil Məmmədov | |
|---|---|
| İsrafil Allahverdi oğlu Məmmədov | |
.jpg) | |
| Doğum tarixi | |
| Doğum yeri | Naxçıvan, Ordubad |
| Vəfat tarixi | |
| Vəfat yeri | Azərbaycan, Bakı |
| Vətəndaşlığı |
 SSRİ →  Azərbaycan |
| Milliyyəti | azərbaycanlı |
| Atası | Allahverdi Məmmədov |
| Elmi adı | Professor |
| Təhsili | Bakı Dövlət Universiteti |
İsrafil Məmmədov — (Tam adı: İsrafil Allahverdi oğlu Məmmədov ; d.25 iyun 1927 Ordubad - ö.28 oktyabr 1995 Bakı ) — Kimyaçı, Kimya elmləri doktoru (1965), Professor (1972).[1][2]
Həyatı
[redaktə | vikimətni redaktə et]Məmmədov İsrafil 25 iyun 1927-ci ildə Ordubad şəhərində anadan olmuşdur. 1951-ci ildə Azərbaycan Dövlət Universitetinin (indiki BDU) Kimya fakültəsini, 1955-ci ildə Azərbaycan Milli EA Kimya İnstitutunun aspiranturasını bitirmiş, 1951-1971-ci illərdə burada kiçik və böyük elmi işçi vəzifələrində çalışmış, 1971-1972-ci illərdə isə korroziya prosesinin inhibitorlaşdırılması laboratoriyasına rəhbərlik etmişdir. 1972-1978-ci illərdə Naxçıvan Dövlət Pedaqoji İnstitunun (indiki Naxçıvan Dövlət Universiteti) rektoru olmuşdur.[1][2]
Elmi fəaliyyəti
[redaktə | vikimətni redaktə et]1978-1980-ci illərdə AMEA Qeyri-Üzvi və Fiziki Kimya İnstitunda böyük elmi işçi, 1980-1986-cı illərdə dispers sistem və səth hadisələri laboratoriyasının müdiri, 1987-1989-cu illərdə Kosmik Tədqiqatlar Elm-İstehsalat Birliyinin Naxçıvan şəhərində yerləşən "Araz" təcrübə zavodunun direktorunun elmi işlər üzrə müavini işləmişdir. 1986-91-ci illərdə Kosmik Tədqiqatlar Elm-İstehsalat Birliyinin İnstitunda (indiki Azərbaycan Milli Aerokosmik Agentliyi) laboratoriya müdiri, 1991-1992-ci illərdə Ordubadda Xüsusi Konstruktor Bürosunun direktor müavini və Baş mühəndisi, 1992-1995-ci illərdə AMEA Y.Məmmədəliyev adına Neft Kimyası Prosesləri İnstitunda aparıcı elmi işçi vəzifələrində işləmişdir. Tədqiqatları mürəkkəb çoxfazalı sistemlərdə metalların korroziyası, korroziyaya qarşı inhibitorların yaradılması və onların təsir mexanizminin öyrənilməsinə həsr edilmişdir. O, 200-dən çox elmi işin, 4 monoqrafiyanın, 30 müəlliflik şəhadətnaməsinin müəllifidir. Bir sıra beynəlxalq konfrans və simpoziumlarda məruzələrlə çıxış etmişdir.[3]
Xatirəsi
[redaktə | vikimətni redaktə et]“Ömür təqvimindən tökülən yarpaqlar” kitabı İsrafil Məmmədovun həyatının bəzi məqamlarını əks etdirir.
Ölümü
[redaktə | vikimətni redaktə et]28 oktyabr 1995-ci ildə erməni terrorçuları Bakıda metroda partlayış törədərkən faciəli şəkildə həlak olmuşdur.[1][2]
Həmçinin bax
[redaktə | vikimətni redaktə et]Xarici keçidlər
[redaktə | vikimətni redaktə et]İstinadlar
[redaktə | vikimətni redaktə et]- ↑ 1 2 3 "Naxçıvan Dövlət Universiteti". ndu.edu.az. İstifadə tarixi: 27 fevral 2025.
- ↑ 1 2 3 "Bot Verification". ordubadcemiyyeti.az. 27 fevral 2025 tarixində arxivləşdirilib. İstifadə tarixi: 27 fevral 2025.
- ↑ İsrafil Məmmədov (1927- 1995) kim olub?