İstanbul Universiteti-Cərrahpaşa
| İstanbul Universiteti-Cərrahpaşa | |
|---|---|
 | |
| 40°59′09″ şm. e. 28°43′37″ ş. u.HGYO | |
| Əsası qoyulub | 2018 |
| Ölkə | |
| Sayt | iuc.edu.tr |
İstanbul Universiteti-Cərrahpaşa — İstanbulda yerləşən Türkiyə dövlət universiteti. 2018-ci ildə bəzi fakültə, institut, kollec və peşə məktəbləri İstanbul Universitetindən ayrılaraq İstanbul Universiteti-Cərrahpaşa adı altında yeni universitet kimi yaradılıb.[1] Adını İstanbulun Cərrahpaşa səmtinə də adını verən Cərrah Mehmed Paşadan almaqdadır.[2] 12 fakültə, 6 institut, 1 kollec, 5 peşə məktəbi və 17 tədqiqat mərkəzinə malikdir.[3] 8 kampusu olan universitetin rektorluğu Avcılarda yerləşir.[4] Universitet iki dildə, türk və ingilis dillərində təhsil verir.[5]
Tarixi
[redaktə | vikimətni redaktə et]Dünyanın 20 ən qədim universiteti arasında yer alan və Türkiyə Respublikasının ilk müasir universiteti olan İstanbul Universiteti, İstanbul-Cerrahpaşa Universitetinin əsasını təşkil edir. İstanbul Universiteti, 2018-ci ildə 23 fakültə, 17 institut, 2 məktəb, 7 peşə məktəbi, 44 elmi-tədqiqat mərkəzi, 12 şəhərcik, 6000-ə yaxın professor-müəllim heyəti, 12 min inzibati heyəti və 170 min-dən çox bakalavr tələbəsini özündə birləşdirirdi. Lakin bu böyümənin gətirdiyi problemlər zaman keçdikcə daha da artıb və həll olunmaz bir prosesə irəliləyirdi.[3]
Gündən-günə sıxlaşan şəhərlər, onların əhalisinin durmadan artması, getdikcə çətinləşən nəqliyyat və məskunlaşma problemləri, eləcə də inzibati-təsərrüfat məsələlərinin həllində qarşıya çıxan çətinliklər və böyük universitetlərin idarə olunmasında formalaşan maliyyə, akademik və təhsil problemləri iri universitetlərin bölünməsi məsələsi gündəmə gətirməyə başlamışdı.[3] Nəticə etibarilə 2018-ci ildə İstanbul Universiteti biri İstanbul Universiteti, digəri isə İstanbul Universiteti-Cərrahpaşa olmaqla ikiyə bölündü. Universitetin ilk rektoru olaraq Cərrahpaşa Tibb Fakültəsi müəllimi Prof. Dr. Nuri Aydın təyin edildi.
Universitetin yaranma tarixi onun loqosunda "1453" kimi təqdim olunur. Universitet rəhbərliyinin 2019-cu ildə qəbul etdiyi qərarla tibb fakültəsinin yaranma tarixi 1827-ci il olaraq qəbul edilib.[6]
Akademik
[redaktə | vikimətni redaktə et]Hazırda İstanbul Universiteti-Cərrahpaşa, 6794 əməkdaş, 2313 akademik, 4481 inzibati heyət ilə 33 minə yaxın tələbəyə xidmət göstərir. Universitet Avcılar, Bahçeköy, Bakırköy, Böyükçəkməcə, Cərrahpaşa, Hasəki, Sultanqazi və Şişli olmaqla 8 kampusda fəaliyyətini davam etdirir.
Fakültələr
[redaktə | vikimətni redaktə et]- Cerrahpaşa tibb fakültəsi
- Mühəndislik fakültəsi
- Baytarlıq fakültəsi
- Meşəçilik fakültəsi
- Florens Naytingel tibb bacısı fakültəsi
- Həsən Əli Yücəl təhsil fakültəsi
- Sağlamlıq elmləri fakültəsi
- İdman elmləri fakültəsi
- Stomatologiya fakültəsi
- Əczaçılıq fakültəsi
- İdarəetmə fakültəsi
- İqtisadiyyat fakültəsi
İnstitutlar
[redaktə | vikimətni redaktə et]- Kardiologiya İnstitutu
- Məhkəmə Tibb və Məhkəmə Ekspertizası İnstitutu
- Ağciyər Xəstəlikləri və Vərəm İnstitutu
- Nevroloji Elmlər İnstitutu
- Lisansüstü Təhsil İnstitutu
- Nanotexnologiya və Biotexnologiya İnstitutu
İstinadlar
[redaktə | vikimətni redaktə et]- ↑ "Başbakanlık Mevzuatı Geliştirme ve Yayın Genel Müdürlüğü". www.resmigazete.gov.tr. 15 August 2019 tarixində arxivləşdirilib. İstifadə tarixi: 18 January 2021.
- ↑ Haber7. "İstanbul'un bu semtine neden Cerrahpaşa denildi?". Haber7 (türk). 2018-10-18 tarixində arxivləşdirilib. İstifadə tarixi: 2024-04-13.
- ↑ 1 2 3 Üniversitesi-Cerrahpaşa, İstanbul. "İstanbul Üniversitesi-Cerrahpaşa". iuc.edu.tr (türk). 2024-02-13 tarixində arxivləşdirilib. İstifadə tarixi: 2024-04-16.
- ↑ "Istanbul University—Cerrahpaşa Campuses". 18 January 2021. 10 June 2019 tarixində arxivləşdirilib.
- ↑ "İSTANBUL UNIVERSITY CERRAHPAŞA MEDICAL FACULTY (ENGLISH)". 18 January 2021. 22 January 2021 tarixində arxivləşdirilib.
- ↑ "Cerrahpaşa Tıp Fakültesi'nin kuruluş tarihi değiştirildi". www.ntv.com.tr (türk). 13 August 2020 tarixində arxivləşdirilib. İstifadə tarixi: 18 January 2021.
| Foto, video və audio | |
|---|---|
| Normativ yoxlama |
