Şəmkir Beynəlxalq Şahmat Turniri
Şəmkir Beynəlxalq Şahmat Turniri (ing. Shamkir Chess) Şəmkir şəhərində 2014-cü ildən etibarən Vüqar Həşimovun xatirəsinə təşkil edilməyə başlanılmış beynəlxalq şahmat turniri. Turnirdə əsasən FİDE sıralamasında ön pillələrdə qərar tutan şahmatçılar iştirak edirlər.[1]
Arxa plan
[redaktə | vikimətni redaktə et]Azərbaycan şahmat məktəbinin görkəmli simalarından biri olan Vüqar Həşimovun uzun sürən ağır xəstəlikdən 2014-cü ilin 11 yanvarında vəfat etməsindən sonra Vüqarın xatirəsinə beynəlxalq şahmat turnirinin keçirilməsi Synergy Group tərəfindən qərara alınmışdır. Aparılan müzakirələrin ardından ilk şahmat turnirinin 2014-cü ilin aprel ayında Şəmkir şəhərində keçirilməsi qərarlaşdırıldı. Beynəlxalq Şahmat Federasiyası (FİDE) tərəfindən beynəlxalq bir turnir olaraq qəbul edilən Şəmkir Beynəlxalq Şahmat Turnirinə Fide reytinqində ən üst sıralarda qərarlaşmış qrosmeysterin dəvət edilməsi nəzərdə tutulmuşdu. 2014-cü ildə ilki baş tutan turnirin qalibi FİDE reytinqində I yeri tutan norveçli şahmatçı Maqnus Karlsen olmuşdur. Şəmkir Beynəlxalq Şahmat Turnirinin mükafat fondu €100,000 təşkil etməkdədir.
Şəmkir Şahmat turniri — 2014
[redaktə | vikimətni redaktə et]2014-cü ildə təşkil edilmiş Şəmkir Beynəlxalq Şahmat Turniri sayca ilk turnir olmuşdur. Vüqar Həşimovun vəfatının 100-cü gününə təsadüf edən turnir 19–30 aprel tarixlərində Şəmkir şəhərində yerləşən Heydər Əliyev Mərkəzində keçirilmişdir. A və B səbətləri üzrə qruplaşdıran şahmatçıların A qrupunun mükafat fondu 100 min avro, B qrupunun mükafat fondu isə 30 min avro olaraq müəyyənləşdirilmişdir.
A qrupunda FİDE reytinqində ön sıraları tutan Maqnus Karlsen, Fabiano Kariana, Hikaru Nakamura, Teymur Rəcəbov, Sergey Karyakin və Şəhriyar Məmmədyarov kimi şahmatçılar qərarlaşmışdır. A qrupu üzrə keçirilən final görüşündə norveçli şahmatçı Maqnus Karlsen italiyalı rəqibi Fabiano Kariananı məğlub edərək turnirin ilk qalibi olmuşdur. B qrupu üzrə keçirilən yarışlarda isə ukraynalı şahmatçı Pavel Elyanov qələbə qazanmışdır.
Qaliblər
[redaktə | vikimətni redaktə et]| # | İl | Turnir | Avg. Elo | Qalib | Raund | Hesab |
|---|---|---|---|---|---|---|
| 1 | 2014 | A | 2780 |  Maqnus Karlsen | 10 | 6.5 |
| 1 | 2014 | B | 2663 |  Pavel Elyanov | 9 | 6 |
Nəticələr
[redaktə | vikimətni redaktə et]A qrupu, cat. XXII (2780) # Oyunçu Reytinq Xallar Qələbə 1 
Maqnus Karlsen2881 6½ 2 
Fabiano Kariana2783 5½ 3 
Hikaru Nakamura2772 5 2 4 
Teymur Rəcəbov2713 5 1 5 
Sergey Karyakin2772 5 0 6 Şəhriyar Məmmədyarov2760 3
B qrupu, cat. XVII (2663) # Oyunçu Reytinq Xallar Qələbə SB 1 
Pavel Elyanov2732 6 2 Aleksandr Motılev2685 5½ 3 
Etiyen Bakrot2722 5 3 4 
Hao Vanq2734 5 2 5 
Radoslav Voytaşek2716 4½ 6 Rauf Məmmədov2660 4 2 18,00 7 Qədir Hüseynov2621 4 2 16,25 8 Vasif Durarbəyli2584 4 1 9 Nicat Abasov2516 4 0 10 Eltac Səfərli2656 3
Şəmkir Şahmat turniri — 2015
[redaktə | vikimətni redaktə et]2015-ci ilin 16 aprel tarixində Şəmkir şəhərində sayca ikinci Şəmkir Beynəlxalq Şahmat Turniri start götürmüşdür. 2015-ci ildə keçirilən turnirin iştirakçıları arasında ötən ilki turnirin qalibi Maqnus Karlsen və FİDE sıralamasında ön pillələri tutan şahmatçılar iştirak etməkdədir. Şəmkir Beynəlxalq Şahmat Turniri 2015 in iştirakçılarının tam tərkibi aşağıdakı kimidir:
2015-ci ildə keçirilən Şəmkir Beynəlxalq Şahmat Turnirinin qalibi Maqnus Karlsen olmuşdur. İlk turnirdə də qalib olan Karlsen turnirin mükafat fondu olan 100 min avroya sahib çıxıb. Maqnus Karlsen tərəfindən əldə olunan yekun nəticə: 7/9 (+5–0=4).
| # | İl | Turnir | Avg. Elo | Qalib | Raund | Hesab |
|---|---|---|---|---|---|---|
| 1 | 2015 | A | 2773 | Maqnus Karlsen | 9 | 7 |
Nəticələr
[redaktə | vikimətni redaktə et]A Qrupu, cat. XXII (2773) # Oyunçu Reytinq Xal Qələbə 1 Maqnus Karlsen2863 7 5 2 
Vişvanatan Anand2791 6 3 3 Uesli So2788 5 3 4 Fabiano Kariana2802 5 2 5 Vladimir Kramnik2783 4 2 6 Şəhriyar Məmmədyarov2754 4 1 3 
Maykl Adams2746 3.5 1 4 
Aniş Qiri2790 3.5 0 5 Maksim Vaşer-Laqrav2762 3.5 0 6 Rauf Məmmədov2651 3.5 0
Şəmkir Şahmat turniri — 2016
[redaktə | vikimətni redaktə et]2016-cı ilin mayın 25-dən iyunun 4-ə kimi 9 turdan ibarət üçüncü Şəmkir Beynəlxalq Şahmat Turniri keçirildi. Açılışda gənclər və idman naziri Azad Rəhimov, Beynəxalq Şahmat Federasiyasının (FİDE) prezidenti Kirsan İlyumjinov, Şəmkir rayon İcra Hakimiyyətinin başçısı Alimpaşa Məmmədov, Azərbaycan Şahmat Federasiyasının (AŞF) vitse-prezidenti Mahir Məmmədov, iştirakçı şahmatçılar və idman ictimaiyyətinin digər nümayəndələri iştirak ediblər. Şəmkir Beynəlxalq Şahmat Turniri 2016-ın iştirakçılarının tam tərkibi aşağıdakı kimidir:
Şəmkir Beynəlxalq Şahmat Turnirinin qalibi Şəhriyar Məmmədyarov oldu.
Nəticələr
[redaktə | vikimətni redaktə et]# Oyunçu Reytinq Xallar 1 Şəhriyar Məmmədyarov2748 6 2 Fabiano Kariana2804 6 3 Aniş Qiri2790 5½ 4 Sergey Karyakin2779 5 5 Rauf Məmmədov2655 4½ 6 Pentala Harikrişna2763 4 7 Teymur Rəcəbov2726 4 8 Eltac Səfərli2664 4 9 Pavel Elyanov2765 3½ 10 Hou Yifan2663 2½
Tay breklər
[redaktə | vikimətni redaktə et]Şəhriyar Məmmədyarov — Fabiano Kariana — 2,5:1,5 (1:1 iki partiya sürətli, 1,5:0,5 iki partiya blits)
Şəmkir Şahmat turniri — 2017
[redaktə | vikimətni redaktə et]2017-ci ilin aprelin 20-dən 30-na kimi 9 turdan ibarət dördüncü Şəmkir Beynəlxalq Şahmat Turniri keçirildi. Açılışda gənclər və idman nazirinin müavini İsmayıl İsmayılov, Beynəxalq Şahmat Federasiyasının (FİDE) prezidenti Kirsan İlyumjinov, Şəmkir rayon İcra Hakimiyyətinin başçısı Alimpaşa Məmmədov, Azərbaycan Şahmat Federasiyasının (AŞF) vitse-prezidenti Mahir Məmmədov, iştirakçı şahmatçılar və idman ictimaiyyətinin digər nümayəndələri iştirak ediblər. Şəmkir Beynəlxalq Şahmat Turniri 2017-ın iştirakçılarının tam tərkibi aşağıdakı kimidir:
Şəmkir Beynəlxalq Şahmat Turnirinin qalibi Şəhriyar Məmmədyarov oldu.
Nəticələr
[redaktə | vikimətni redaktə et]# Oyunçu Reytinq Xallar 1 Şəhriyar Məmmədyarov2772 5½ 2 Vladimir Kramnik2811 5 3 Uesli So2822 5 4 
Veselin Topalov2741 5 5 Sergey Karyakin2783 4½ 6 Radoslav Voytaşek2745 4½ 7 Maykl Adams2761 4½ 8 Teymur Rəcəbov2710 4 9 Pavel Elyanov2781 3½ 10 Pentala Harikrişna[5]
2758 3½
İstinadlar
[redaktə | vikimətni redaktə et]- ↑ "Vugar Gashimov Memorial – Press Release". www.chessdom.com. 17 aprel 2014 tarixində arxivləşdirilib. İstifadə tarixi: 24 aprel 2014.
- ↑ "shamkirchess.az - turnir iştirakçıları". 18 aprel 2015 tarixində orijinalından arxivləşdirilib. İstifadə tarixi: 18 aprel 2015.
- ↑ "- turnir iştirakçıları". 2 noyabr 2016 tarixində orijinalından arxivləşdirilib. İstifadə tarixi: 4 dekabr 2016.
- ↑ - Turnir iştirakçıları [ölü keçid]
- ↑ "- Turnirin nəticələri". 3 may 2017 tarixində orijinalından arxivləşdirilib. İstifadə tarixi: 2 may 2017.
Xarici keçidlər
[redaktə | vikimətni redaktə et]- gashimovchess.com — rəsmi saytı
| Foto, video və audio |
|---|
