Şabtay Kalmanoviç

Şabtay Kalmanoviç
lit. Šabtajus Kalmanovičius
Doğum tarixi	18 dekabr 1947
Doğum yeri	Kaunas, Litva
Vəfat tarixi	2 noyabr 2009
Vəfat yeri	Moskva, Rusiya
Vəfat səbəbi	Qətlə yetirilib.
Dəfn yeri	Petah-Tikva
Təhsili	Yerusəlim Yəhudi Universiteti, Kaunas Texnologiya Universiteti (1965–1971)
Fəaliyyəti	casus, iş adamı
Fəaliyyət illəri	1971–2009
Mükafatları

Şabtay Kalmanoviç (1947) — məşhur biznesmen və mesenat.

Biznesmen

Şabtay Kalmanoviç "Tişinka" Açıq Səhmdar Cəmiyyətinin baş direktoru olub. O, 1947-ci ildə Litvada doğulub, 1971-ci ildə valideynləri ilə bir yerdə İsrailə köçüb. İsraildə sovet kəşfiyyatına işləyən Kalmanoviç bir müddət sonra tutulub və casusluq ittihamı ilə 6 il həbsxanada yatıb. 1993-cü ildə Rusiyaya qayıtdıqdan sonra İosif Kobzonla bir yerdə bir neçə firma təsis edib. Moskvada Tişinsk bazarının yenidən quruluması və onun yerində müasir kompleks tikilməsi ilə məşğul olub. Tişinsk bazarından əlavə, Moskvadakı Şelkovsk mal bazarı da Kalmanoviçə məxsus olub. O, Rusiya paytaxtında apteklər və aptek köşkləri şəbəkəsinə nəzarət edib.

Mesenat

Kalmanoviç həm də mesenat kimi ad çıxarıb. O, Maykl Cekson, Tom Cons, Layza Minelli, Xose Karreras kimi dünya ulduzlarının Moskvaya səfərlərini təşkil edib, bir neçə basketbol klubuna sponsorluq edib. Son zamanlar "Spartak" qadın basketbol klubunun prezidenti postunu tutub.

Milliyyətcə yəhudi olan biznesmenin bir müddət öncə qətlə yetirilən "Yaponçik" ləqəbli "qanuni oğru" Vyaçeslav İvankovla son dərəcə yaxın dost olduğu bildirilir. Noyabrın 2-də Moskvanın mərkəzində qətlə yetirilib. Hadisə yerli vaxtla saat 16:40-da (Bakı vaxtı ilə 17:40) baş verib. Hüquq-mühafizə orqanlarındakı mənbənin sözlərinə görə, cinayətkarlar Kalmanoviçin oturduğu maşına avtomatdan atəş açıblar. Nəticədə, Şabtay Kalmanoviç hadisə yerindəcə keçinib. Onun sürücüsü isə ağır vəziyyətdə xəstəxanaya çatdırılıb.

Mənbə

• Moskvada "Yaponçik"in yaxın adamı öldürüldü Arxivləşdirilib 2009-11-05 at the Wayback Machine