Şahmar Hüseynov

Vikipediya, azad ensiklopediya
Naviqasiyaya keçin Axtarışa keçin
Şahmar Hüseynov
Təxəllüsü Şahmar
Doğum tarixi 31 iyul 1939(1939-07-31)
Doğum yeri
Vəfat tarixi 1 yanvar 1988(1988-01-01) (48 yaşında)
Vəfat yeri
Vəfat səbəbi ürək tutması
Dəfn yeri
Vətəndaşlığı
Milliyyəti Azərbaycanlı
Həyat yoldaşı
Təhsili Dövlət Mədəniyyət və İncəsənət Universiteti
İxtisası Rejissorluq
Fəaliyyəti Teatr xadimi və yazıçı
Fəaliyyət illəri 1977–1988
Əsərlərinin dili Azərbaycan dili
Janr hekayə
İlk əsəri "Bir balaca səhv"
Tanınmış əsərləri "İtki" və "Elçilik"
Mükafatları Mirzə Fətəli Axundov adına ədəbi mükafat (1989)

Şahmar Həsən oğlu Hüseynov (31 iyul 1939, Xanlar rayonu1 yanvar 1988, Bakı) — Azərbaycan yazıçısı, aktyor, rejissor köməkçisi və teatr xadimi.

Həyatı[redaktə | mənbəni redaktə et]

Şahmar Hüseynov 1939-cu ilin 31 iyul tarixində Xanlar rayonunun Nərimanov kəndində anadan olmuşdur. Ailəsi Gəncə şəhərinə köçəndə Şahmar ilk təhsilini də burda alır. Məktəbi bitirdikdən sonra Bakıya gələn yazıçı hərbi xidmət keçir (3 il)leytenant rütbəsi qazanır.[1]

Sənədlərini əvvəlcə Azərbaycan Tibb Universitetinə verən Şahmar Hüseynov I kursu başa vurmadan oranı tərk edir və dram və aktyorluq fakültəsinə qəbul Azərbaycan Dövlət Mədəniyyət və İncəsənət Universiteti olunur.

Şahmar Hüseynovun kurs rəhbəri məşhur Azərbaycan rejissoraktyoru Adil İsgəndərov olub, ona sənətin incəliklərini öyrədib. Təhsilini bitirdikdən sonra Şahmar Hüseynov Abdulla Şaiq adına Azərbaycan Dövlət Kukla Teatrına təyinat alıb. 1966-ci ildən yazıçı Kukla teatrında aktyor, daha sonra rejissor köməkçisi kimi fəaliyyət göstərib.[2]

Şahmar Hüseynov əllidən çox tamaşada oynamış və hər tamaşada fərqli obrazlar yaratmışdır. O, Məşədi İbad tamaşasında Qoçu Əsgər, Zəncirlənmiş pəri əsərində Rəhman rolunun, Eldar Baxışın Məlikməmməd pyesində Aşıq və sairə obrazların ifaçısı olub.

Şahmar Hüseynov 1970-ci ildə Kukla teatrında çalışan aktrisa Elmira Hüseynova ilə ailə həyatı qurub. Ayxan və Həsən adında iki oğlu var. 1988-ci ilin 9 yanvar tarixində Bakıda, yaşadığı mənzildə ürək tutmasından dünyasını dəyişir. Valideynlərinin istəyi ilə dəfni doğma yurdu Gəncədə baş tutur.[3]

Yaradıcılığı[redaktə | mənbəni redaktə et]

Uşaq vaxtından kiçik hekayələr yazan Şahmar Hüseynov aktyor fəaliyyəti ilə yanaşı yazıçılıqla da məşğul olub. Şahmar imzası ilə Azərbaycan mətbuatında hekayələri işıq üzü görüb. Onun Bir balaca səhv adlı ilk hekayəsi 1977-ci ildə Ulduz jurnalında çap edilib.[4]

Bir-birindən maraqlı hekayələri ilə ədəbi mühitə səs salan Şahmar təkcə aktyor kimi deyil, həm də yazıçı kimi də peşəkarlaşıb. Şahmarın hekayələrində kənd cazibəsi, yaşadıqları ilə yanaşı teatr aləmi, şəhər həyatı, xüsusilə, aktyorların həyatı öz əksini tapıb. 70-ci illərdə yazıçının Sehrli güzgü adlı pyesi çalışdığı Azərbaycan Dövlət Kukla Teatrında səhnələşdirilib və tamaşaçılar tərəfindən rəğbətlə qarşılanıb.[5]

1986-cı ildə "Elçilik" adlı bir hekayələr kitabı çap olunub. Ölümündən sonra, 1989-cu ildə isə yazıçının İtki kitabı çapdan çıxır.[6] 11 yanvar 1989-cu ildə "Gözləmədyim gəliş", "Qoyungöz", "Qəndil-sinab" heykayələrinə görə Mirzə Fətəli Axundov adına ədəbi mükafata layiq görülür.[7]

Kitablar[redaktə | mənbəni redaktə et]

  • Elçilik hekayələr toplusu (1986, Bakı)
  • İtki (1989, Bakı)

İstinadlar[redaktə | mənbəni redaktə et]

  1. Samirə Əşrəf. ""Kürsü" layihəsinin qonağı - mərhum yazıçı, aktyor Şahmar Hüseynovun həyat yoldaşı aktrisa Elmira Hüseynovadır". Ədəbiyyat Qəzeti. 2019, 23 yanvar. 2020-04-26 tarixində orijinalından arxivləşdirilib. İstifadə tarixi: 2020-04-25.
  2. Samirə Əşrəf. ""Kürsü" layihəsinin qonağı - mərhum yazıçı, aktyor Şahmar Hüseynovun həyat yoldaşı aktrisa Elmira Hüseynovadır". Ədəbiyyat Qəzeti. 2019, 23 yanvar. 2020-04-26 tarixində orijinalından arxivləşdirilib. İstifadə tarixi: 2020-04-25.
  3. Samirə Əşrəf. ""Kürsü" layihəsinin qonağı - mərhum yazıçı, aktyor Şahmar Hüseynovun həyat yoldaşı aktrisa Elmira Hüseynovadır". Ədəbiyyat Qəzeti. 2019, 23 yanvar. 2020-04-26 tarixində orijinalından arxivləşdirilib. İstifadə tarixi: 2020-04-25.
  4. Samirə Əşrəf. ""Kürsü" layihəsinin qonağı - mərhum yazıçı, aktyor Şahmar Hüseynovun həyat yoldaşı aktrisa Elmira Hüseynovadır". Ədəbiyyat Qəzeti. 2019, 23 yanvar. 2020-04-26 tarixində orijinalından arxivləşdirilib. İstifadə tarixi: 2020-04-25.
  5. Samirə Əşrəf. ""Kürsü" layihəsinin qonağı - mərhum yazıçı, aktyor Şahmar Hüseynovun həyat yoldaşı aktrisa Elmira Hüseynovadır". Ədəbiyyat Qəzeti. 2019, 23 yanvar. 2020-04-26 tarixində orijinalından arxivləşdirilib. İstifadə tarixi: 2020-04-25.
  6. Samirə Əşrəf. ""Kürsü" layihəsinin qonağı - mərhum yazıçı, aktyor Şahmar Hüseynovun həyat yoldaşı aktrisa Elmira Hüseynovadır". Ədəbiyyat Qəzeti. 2019, 23 yanvar. 2020-04-26 tarixində orijinalından arxivləşdirilib. İstifadə tarixi: 2020-04-25.
  7. Ахундов адына мүкафатларын јени лауреатлары // Коммунист. № 18 (20786). 21 јанвар 1989-ҹу ил. С. 4.

Xarici keçidlər[redaktə | mənbəni redaktə et]