Şahzadə Babayeva

Vikipediya, azad ensiklopediya
Jump to navigation Jump to search
ŞAHZADƏ BABAYEVA
Şahzadə Babayeva.jpg
Doğum tarixi 25 yanvar 1955 (1955-01-25) (65 yaş)
Vətəndaşlığı
Peşəsi Aktrisa
Mükafatları "Azərbaycan Respublikasının əməkdar artisti" fəxri adı

Aktrisa

Həyatı[redaktə | əsas redaktə]

Yasamal rayonundakı 20 saylı orta məktəbdə təhsil alıb. 1976- cı ildə müvəffəqiyyətlə imtahan verərək M.Əliyev adına Azərbaycan Dövlət İncəsənət İnstitutuna daxil olub. Tələbəlik illərində C.Məmmədquluzadənin "Anamın kitabı" əsərində- Ana, S.Vurğunun "Xosrov və Şirin" dramı əsasında hazırlanmış tamaşada- Şirin və Məryəm, Eduard Definin "Silindir"ində- Rita obrazlarını özünəməxsus orijinallıqla tamaşaçılara təqdim edib. 1981- ci ildə institutu bitirən Şahzadə xanım təyinatla Sabit Rəhman adına Şəki Dövlət Dram Teatrına göndərilib. "Teymurləng"də Olimpiya, "Həyatın dibində" Nastya, "Adsız ulduz"da Monna, "Knyaz"da Jasmen Şəki Dövlət Dram Teatrında yaratdığı uğurlu obrazlardandır. 1984- cü ildən 1992- ci ilədək Gənclər teatrında çalışan aktrisa, 1993- cü ildə taleyini Bakı Bələdiyyə Teatrına bağlamışdır. J.Anuyun "Medeya" əsərində Dayə rolunu ifa etmək Şahzadə Eynulla qızına şöhrət gətirmişdir. C.Cabbarlının "Dönüş" tamaşasında (quruluşçu rejissor Hafiz Fətullayev, rejissor Əfqan Soltanov)- Qəmər, C.Məmmədquluzadənin "Ölülər" (quruluşçu rejissor Oruc Qurbanov") əsərində- Birinci azarlı,Sofoklun "Elektra"tamaşasında- Kliteminestra, N.Nərimanovun "Nadir şah"da- Ana, M.F.Axundovun "Müsyo Jordan və Dərviş Məstəli Şah"da- Şəhrəbanu, A.Babayevin "Oğul"tamaşasında- Şikayətçi, İ.Kərimovun "Xəyanətin Müsibəti"də- Ümmi İshaq, Ə.Nesinin "Tənha qadınlar"ında- Dahabəyim, A.Qurbaninin "Türk sancağı" tamaşasında- Şəhid anası, Ə.Əliyevin "Unutqanlıq qorxunc bəladır" tamaşasında- Sona, A.Məmmədovun "Dəli Domrul"tamaşasında- Carçı qadın, S.Qafarovun "Qara fatma"faciəsində- Qara Fatma və b. rollarda istedadının çoxçalarlı cəhətləri ilə ictimayyətin diqqətini cəlb etmişdir.

Hüseynağa Atakişiyevin həyat yoldaşı olmuş və bir oğlu dünyaya gəlmişdir. 2002- ci ildə Əməkdar artist fəxri adına layiq görülmüşdür.

Filmoqrafiya[redaktə | əsas redaktə]

  1. Şirin bülbül (film, 2000)
  2. Yeni həyat (2005)

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı