Şair Alməmməd
 | Bu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. |
| Alməmməd | |
|---|---|
| Talıbxanov Alməmməd Allahverdi oğlu | |
| Doğum adı | Alməmməd Allahverdi oğlu |
| Doğum tarixi | 1800 |
| Doğum yeri | |
| Vəfat tarixi | 1868 (67–68 yaşında) |
| Vəfat yeri | |
| Dəfn yeri | |
| Milliyyəti | azərbaycan türkü |
| Uşaqları | 6 (Aşıq Ələsgər, Çoban Məhəmməd daxil olmaqla) |
| Atası | Allahverdi Talıbxan oğlu |
 Şair Alməmməd Vikimənbədə | |
Şair Alməmməd (1800, Ağkilsə, İrəvan xanlığı – 1868, Ağkilsə, Yeni Bəyazid qəzası) — Aşıq Ələsgər və Çoban Məhəmmədin atası.[1]
Həyatı
[redaktə | vikimətni redaktə et]Alməmməd Aşıq Ələsgərin atasıdır. O, Göyçə mahalının Ağkilsə kəndində yaşamış, yoxsul həyat keçirmiş, kəndin sayılan adamlarından biri olmuşdur. Dülgərliklə məşğul olmuş, 4 oğul, 2 qız atası olduğu üçün həmişə zəhmətə qatlaşmış, Kəlbəcər ərazisindəki meşələrdən gətirdiyi ağaclardan şana, kürək, dırmıq düzəldərək satar, ailəsini dolandırarmış.
Alməmməd aşıqlıq eləməsə də, ustad aşıqların şerlərini əzbərdən söyləyər, özü də həvəsi gələndə şeirlər qoşarmış. Onun şeirləri tez-tez aşıq məclislərində eşidilərmiş. Bu nəslin şeir yazanları çox olsa da, onların yaradıcılığına aid nümunələr bəzən qarışıq düşmüşdür.
Yaradıcılığı
[redaktə | vikimətni redaktə et]Alməmmədin qoşduğu, çox incə mətləblərə toxunan düşündürücü şeirləri olmuşdur. "Görmədim" divanisini M. P. Vaqif üslubunda söyləmişdir:
Dünya, sənin gərdişinlə başa vuran görmədim, Qəhr oldu aləm, qəhr işindən, can qurtaran görmədim. Bilmirəm ki səbəb nədi, şadı qəmgin eylədin?
Abadanı viran qoydun, artdı haran görmədim.
Kəsilməz mürdə karvanı, qəflə işlər, köçər gedər, Nə İmranlar nakam qoydun, didəsindən yaş gedər. Yetmiş iki millət var, əli səndən boş gedər!
Yanısınca malı-dövlət, pul aparan görmədim.
Alməmmədəm, bu dünyada bir nişanam qalmadı, Getdi əldən qohum-qardaş, atam, anam qalmadı. Süleyman tutdu dünyanı, dedi: mənəm, qalmadı. Bir kəs ilə heç düz ola sənin aran görmədim.
El şairi Alməmmədin "Görmədim"lə yanaşı, "İnsan", "Şirinşirin" rədifli daha iki qoşması da oxuculara tanışdır
Şəcərəsi
[redaktə | vikimətni redaktə et]- Heydər
- Əbdüləzim
- Təhməz
- Talıbxan
- Allahverdi
- Alməmməd
- Allahverdi
- Talıbxan
- Təhməz
- Əbdüləzim
Ailəsi
[redaktə | vikimətni redaktə et]Alməmmədin Ələsgər, Salah, Xəlil, Məhəmməd adlı dörd oğlu, Fatma və Qızxanım adlı iki qızı varmış.
İstinadlar
[redaktə | vikimətni redaktə et]- ↑ Qara Namazov, "El çələngi" (xalq şeirindən seçmələr) Arxivləşdirilib 2017-05-17 at the Wayback Machine, Bakı, 2004.
Mənbə
[redaktə | vikimətni redaktə et]- "Sazlı-sözlü Göyçə (II kitab)" (PDF) (az.). Elm və təhsil. 2018. 1 iyun 2018 tarixində arxivləşdirilib (PDF). İstifadə tarixi: 1 iyun 2018.
- Ziyəddin Məhərrəmov, "İrəvanda məktəbdarlıq və maarifçilik", Bakı, Nurlan, 2010.
- Aşıq Ələsgər [ölü keçid]
