Şamama Ələsgərova

Vikipediya, azad ensiklopediya
Jump to navigation Jump to search
Şamama Ələsgərova
Şamama Ələsgərova.png
Doğum tarixi 8 mart 1904(1904-03-08)
Doğum yeri İrəvan, İrəvan quberniyası, Rusiya İmperiyası
Vəfat tarixi 2 aprel 1977(1977-04-02) (73 yaşında)
Vəfat yeri Bakı, Azərbaycan SSR, SSRİ
Dəfn yeri Fəxri Xiyaban
Vətəndaşlığı
Həyat yoldaşı Abdulla İbrahimov
Uşağı Sona İbrahimova
Atası Məmmədkərim Əliyev
Anası Zəhra xanım Süleymanbəyova
Fəaliyyəti ginekoloq
Mükafatları Sosialist Əməyi Qəhrəmanı  — 1969
"Lenin" ordeni  — 1969 "Şərəf Nişanı" ordeni

Şamama Məmmədkərim qızı Ələsgərova (8 mart 1904(1904-03-08), İrəvan2 aprel 1977(1977-04-02), Bakı) — həkim, mama-ginekoloq, Azərbaycan SSR Ali Sovetinin IX çağırış deputatı, Sosialist Əməyi Qəhrəmanı (1969). Uzun illər Krupskaya adına 5 nömrəli doğum evinin direktoru işləmişdir. Dövlət və elm xadimi Əziz Əliyevin bacısıdır.[1]

Həyatı[redaktə | əsas redaktə]

Şamama Ələsgərova 1904-cü il martın 8-də İrəvanda anadan olmuşdur. Atası Məmmədkərim Kərbəlayi Qurbanəli oğlu İrəvanın bəy nəslindən Zəhra xanım Süleymanbəyova ilə ailə qurmuş, cütlüyün bu evlilikdən beş övladı dünyaya gəlmişdi: Tərlan, Göyçək, Əziz, Şamama, Ziyad. Şamama ailənin 3-cü qız övladı idi. O, ilk təhsilini gimnaziyada almışdı. Daha sonra ali təhsil almaq üçün Azərbaycan Tibb İnstitutuna daxil olan Şamama xanım, 1941-ci ildə institutu bitirərək cəbhəyə yollanır.

Şamama Ələsgərova Abdulla İbrahimovla ailə həyatı qurmuş, cütlüyün 1925-ci ildə Sona adlı yeganə qız övladları dünyaya gəlmişdir.

Fəaliyyəti[redaktə | əsas redaktə]

Əmək fəaliyyətinə müharibə illərindən başlayan Şamama Ələsgərova Azərbaycan SSR Xalq Səhiyyə Komissarlığında şöbə müdiri, kadrlar idarəsinin rəisi olmuşdu. 1945-ci ildə Şamama xanım N.Krupskaya adına 5 nömrəli klinik doğum evinin (hal-hazırda Şamama Ələlsgərova adına 5 nömrəli doğum evi) baş həkimi təyin olunur və ömrünün sonuna kimi - 1977-ci il iyunun 2-nə kimi həmin vəzifəni yerinə yetirir.[2]

Tədqiqat sahəsi[redaktə | əsas redaktə]

Onun tədqiqatları, əsasən, ana və uşaqların sağlamlığının qorunmasına, ginekoloji xəstəliklərin müalicə və profilaktikasına həsr olunmuşdur. Şamama Ələsgərova respublikamızda malyariyahelmintoz xəstəliklərinə qarşı mübarizə tədbirlərində fəal iştirak etmişdir

Mükafatları[redaktə | əsas redaktə]

Şamama xanım 1958-ci ildə Səhiyyə əlaçısı, 2 il sonra respublikanın əməkdar həkimi adına layiq görülür. 1969-cu il fevralın 5-də ona xidmətlərinə görə Sosialist Əməyi Qəhrəmanı adı verilib. O respublikada bu ada layiq görülən ilk səhiyyə işçisi idi. Şamama xanım haqqında ozamankı dövri mətbutada "Pravda”, "İzvestiya”, "Komsomolskaya Prvada”, "Bakı” və digər mərkəzi orqanlarda müntəzəm olaraq məqalələr dərc edilmişdir. Şamama xanım Azərbaycan SSR Ali Sovetinin doqquzuncu çağırış deputatı olmuşdur, "Şərəf nişanı” ordeni və medallarla tətlif edilmişdir.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Əsgər Zeynalov (10 yanvar 2017). "Köklü nəslin şaxələri" (PDF). 5 noyabr 2019 tarixində arxivləşdirilib (PDF). İstifadə tarixi: 5 noyabr 2019.
  2. Azərbaycan Qadın Ensiklopediyası. Bakı: Azərbaycan Milli Ensiklopediyası nəşriyyatı. 2002. səh. 22.