Şamil Fətullayev

Vikipediya, azad ensiklopediya
Jump to navigation Jump to search
Şamil Fətullayev
Şamil Fətullayev.jpg
Şəxsi məlumatlar
Doğum tarixi 24 dekabr 1928(1928-12-24)
Doğum yeri Bakı, Azərbaycan SSR, SSRİ
Vəfat tarixi 10 mart 2015(2015-03-10) (86 yaşında)
Vəfat yeri Bakı, Azərbaycan
Vətəndaşlığı SSRİ SSRİ
Azərbaycan Azərbaycan
İşləri və nailiyyətləri
Elmi işləri Bax: #Əsərləri
Mükafatları "Azərbaycan SSR əməkdar memarı" fəxri adı — 1979 Azərbaycan SSR dövlət mükafatı — 1988
"Şöhrət" ordeni (Azərbaycan) — 2000 "Şərəf Nişanı" ordeni  — 1986 "Əmək veteranı" medalı— 1989

Şamil Seyfulla oğlu Fətullayev (24 dekabr 1928(1928-12-24), Bakı9 mart 2015(2015-03-09), Bakı) — Azərbaycan-sovet memarı, memarlıq elmləri doktoru, professoru, AMEA-nın həqiqi üzvü (akademik) (2014)[1], Azərbaycan SSR-nin əməkdar memarı, Azərbaycan Memarlar İttifaqının üzvü (1965).

Bioqrafiya[redaktə | əsas redaktə]

Şamil Seyfulla oğlu Fətullayev-Fiqarov 24 dekabr 1928-ci ildə Bakı şəhərində anadan olmuşdur. 1953-cü ildə Azərbaycan Politexnik institutunun memarlıq-inşaat fakultəsini bitirmişdir. 1956-cı ildə AMEA-nın “Memarlıq və İncəsənət İnstitutu” nun aspirantı olmuş, 1963-cü ildə namizədlik, 1980-ci ildə doktorluq dissertasiyasını müdafiə etmiş, 1990-cı ildə professor adını almışdır. 10 mart 2015-ci ildə Bakı şəhərində vəfat edib.

Mükafatları[redaktə | əsas redaktə]

Azərbaycan Kommunist Partiyası Mərkəzi Komitəsi və Azərbaycan SSR Nazirlər Sovetinin 26 aprel 1988-ci il tarixli qərarı ilə XIX əsr və XX əsrin əvvəlində Azərbaycanda şəhər tikintisi və memarlıq kitabına görə Azərbaycan SSR Dövlət Mükafatı verilib.

1986-cı ildə Azərbaycan SSRİ-nin şərəf nişanı ordeni ilə təltif edilib.

25 aprel 1989-cu ildə Azərbaycan SSR Ali Sovetinin qərarı ilə əmək veteranı medalı ilə təltif edilib.

5 dekabr 1979-cu ildə Azərbaycan SSR Ali Soveti Rəyasət Heyətinin qərarı ilə Azərbaycan SSR-nin Əməkdar Arxitektoru fəxri adına layiq görülüb.

16 yanvar 1999-cu ildə İAAEC arxitekturanın inkişafı sahəsindəki nailiyyətlərinə görə diplom verilib.

19 aprel 2000-ci ildə prezident H.Əliyevin fərmanı ilə Şöhrət ordeni ilə təltif edilib.

Azərbaycan memarlığına töhfəsinə görə “İTALDİZAİN GROUP” Azərbaycan Memarlıq İttifaqının dəstəyi ilə Dizayn və memarlıq üzrə “Memarlıq mükafatı -2005” diplomu verilib.

2008-ci ildə Polşanın qızıl medalına layiq görülmüşdür.

Əsərləri[redaktə | əsas redaktə]

  • «Архитектура жилых домов Баку ХIХ-ХХ вв.»,
  • "Градостроительство Баку ХIХ – начала ХХ веков", Ленингра́д, "Стройиздат", 1978. 216 ст.
  • «XIX-XX əsrin əvvəlləri Bakının şəhərsalma memarlığı (1978)».
  • «XIX-XX əsrin əvvəlləri Azərbaycanın şəhərsalma və memarlığı (1986)».
  • «Azərbaycan məscidləri(1996)».
  • «İran şəhərləri Qacarlar dövründə(Tehran - 2000)».
  • «Bakının Memarlıq ensiklopediyası(1998)».
  • «Abşeron memarlığı(2003)».
  • «Memar-Məşədi Mirzə Qafar İzmaylov (2013)».
  • Abşeron memarlığı, Bakı, "Şərq-Qərb" Nəşriyyat Evi, 2013, 476 səh.[2]
  • Bakının Memarlıq Ensiklopediyası, Bakı, "Şərq-Qərb" Nəşriyyat Evi, 2013, 528 səh.[2]
  • 19-20-ci əsrin əvəllərində Azərbaycanda şəhərsalma və memarlıq, Bakı, "Şərq-Qərb" Nəşriyyat Evi, 2013, 480 səh.[2]
  • Bakıda şəhərsalma – 19-cu əsr və 20-ci əsrin əvəllərində, Bakı, "Şərq-Qərb" Nəşriyyat Evi, 2013, 340 səh.[2]
  • Bakı memarları 19-cu əsrin sonu – 20-ci əsrin əvvəlində, Bakı, "Şərq-Qərb" Nəşriyyat Evi, 2013, 356 səh.[2]

İstinadlar[redaktə | əsas redaktə]

  1. http://www.science.gov.az/az/acmembers/fatullayevsasa.htm
  2. 1 2 3 4 5 "Azərbaycan mədəniyyəti kitabxanası: Memarlıq" (azərb.). 1001kitab.az. 2014. İstifadə tarixi: 2014-11-03.

Xarici keçidlər[redaktə | əsas redaktə]